Петр болн Иоанн оршалһна яршгин өөр

Мария Магдалина балһснд ирәд, Иисусин сурһульчнриг Петр Иоанн хойриг олҗ авв.

- Деед Эзиг авад одцхаҗ, - гиҗ Мария Магдалина келв, - Тер альд бәәхиг бидн медҗәхшвидн.

Иисус әмд, Эн әмд бәәнә гисн ухан чигн Мария Магдалинд орсн уга.

Петр болн Иоанн хойр алң болв. Эдн шулуһар оршалһнур йовцхав. Аримафеяс Иосифин садур Иоанн гүүхәрн ирв, юңгад гихлә эн шулун-дулун күн бәәсмн. Оршалһна үүдн секәтә бәәсинь эн үзв. Шаһаһад хәләчкәд, болв дотрнь орсн уга. Акад юмб! Цогцнь уга, зуг оршалһна хувцн дигтәрән бәәнә. Иоанн оршалһна үүдин өөр зогсв. Петр гүүҗ ирәд, оршалһна ормд орхла, эн иим юм үзв: эвкәтә эд, өмннь Иисусин цогц оралһата бәәсмн, терүнә өөр альчур кевтнә. Кемр Иисусин цогцнь хулхалҗ авсн болхла, оршалһна хувциг үлдәшго билә, гиҗ Мария Магдалина ухална.

Петрин ардас Иоанн оршалһнд орв. Эн агчмин зуур медв: Иисус әмд! Тегәд оршалһн хоосн!

Тегәд Петр болн Иоанн хойр балһснд ирәд, сурһульчнриг болн күүкд улсиг олҗ авв. Эдн цуһар Иисус әмд гиҗ келцхәв, юңгад гихлә эдн Терүг үзлә! Сурһульчнрин болн Бурх дахч йовдг улсин ик зунь цуһар Иисус уга гилдәд, һашудҗ икәр зовад уульж бәәсмн, зуг байрта зәңг ирв.