Иисусин әмдрлһн

Өрүн өрлә, сөөһин харңһу тарад уга цагла, гейүрсн бәәдлтә Мария Соломия хойр күүкд улс Иерасалимин уутьхн уульнцар йовҗ йовна. Юңгад эдн зовлң үзсмб? Әвр зеткртә юмн учрв: Эдниг харсҗ йовсн күн, Иисус, өңгрв! Урдкла әдләр эдн Энүнә ду соңсҗ чадшго, дәкәд Энүнд нөкд болҗ чадшго. Ода эдн Багшан тевчәд, сүл хаалһднь орулхар, цогцднь сәәхн үнртә тос түркхәр йовна. Ода яһҗ тер хадур ордг үүдиг халхлҗах ик чолуг зааглхмб? - гиһәд күүкд улс үүмәд йовна.

Тедн йова йовҗ, Иисусин оршалһна орм бәәсн садт күрв. Юн болв? Оршалһна үүдн секәтә, өөрнь чолун кевтсинь үзв. Тенд күн уга бәәҗ. Тедн арһул дотрнь орв. Хәлән гихлә, Иисусин цогцнь кевтсн орм хоосн! Юн болв? Иисусин цогцинь хулха авсн болхий?

Тер саамла, эдн Иисус әмдрсинь меддәд уга бәәҗ. Тегәд, Иисусин кевтсн ормд цогцнь уга.

Өрүн өрлә күчтә гидг өврмҗтә йовдл учрҗ! Христос әмдрв! Теңгрәс, гилвксн Бурхна элч бууҗ ирәд, чолуг түлкәд зааглв, тегәд цуг ирсн улс Иисус уга гив. Тегәд оршалһ хәрүлҗәсн цергчнр, әәһәд зулад йовҗ одв.

Мария Магдалина хойр хоосн орм үзчкәд, икәр зовцхав. Цуглрсн гергчүд ю кехән медлго, үүмлдҗәхлә, тер хойр күүкд улс Петр Иоанн хойрт зәңглхәр, балһс орад гүүв. Генткн, эдн гилвксн хувцта Бурхна Элчиг үзцхәв, эн эднд иим соньн зәңг келв:

- Иисус әмд! Бичә әтн! Тадн цуһар балһсурн хәрәд, Иисус әмдрв гиһәд сурһульчнртан келцхәтн!