Иткдго Фома

Деед Эзн ирәд, эврәннь шаван үзүлхлә, Иисусин сурһульчнрас негнь Фома уга билә. Маңһдуртнь үүрмүднь бахмҗтаһар нег йовдлын тускар келхлә, зуг Фома толһаһан зәәлв:

- Би таднд иткҗәхшв, - гиҗ келв. - Иткхин өмн нанд түрүләд Терүнә Шавд һарин хурһан күркх кергтә.

Иисусиг эс үзтлән иткшго, тегәд Фомаг «иткдго күн» гиҗ нерәднә. Фома үнинь медхәр Иисусин һартан хадасар авсн шавд һариннь хурһан орулҗ болн хәврһдән җидәс авсн шавднь һаран орулв.

Долан хонгин хөөн сурһульчнр цуглрхла, Иисус генткн һарч ирв.

- Төвкн җирһл таднд! - гиҗ Эн мендлв.

Хөөннь Иисус Фомад шавта һаран үзүлчкәд иигҗ келв:

- Фома, эн Мини шав! Көндәһәд хәлә! Иткдго күн болҗ бичә бә, зуг иткдг күн бол, Бурхнд итк.

Фома келсн үгдән болн иткдго бәәсндән эмәһәд, эн Иисусин өмн өвдг деерән унад, әмдрсн Аврачд мөргв. Әәсн бәәдлтәһәр эн келв:

- Мини Бурхн, Мини Деед Эзн!