Угатя белвсн күүкд күүнә бәрц
Библь, Маркин Сән Зәңг, бөлг 12, шүлгүд 41-44
Иисус Иерусалимд ирхләрн, сурһульчнртаһан сүмин һазак хашаһур йовв. Энд бәрц бәрҗәх әмтиг хәләһәд, зөөр хадһлдг яршгин өөр суув. Байн иудеймүд дала мөңгнә бәрц бәрҗәхиг Эн үзв. Болв тедн әмтн үзтхә гиҗ бийән бууләд бәрцән бәрнә.
Тиигҗәхлә нег угатя белвсн күүкд күн ирәд, бәрц гиҗ хамгин үүрмг хойрхн деншг тәвв. Эн мөңгн күүкд күүнд ямр ик чинртәг Деед Эзн медлә. Эн сурһульчнран дуудад келв:
- Эн белвсн күүкд күн цуһараһаснь ик бәрц бәрв. Юңгад гихлә наадк әмтн үлүһән тәвҗәсн болхла, эн күүкд теҗәлән авх сүл деншгән тәвв!
Күүкд күүнә йовдл сурһмҗ болҗ, сурһульчнртнь тодлгдв. Бәрцин кемҗәг биш, бәрц бәрҗәх күүнә седклиг Бурхн үзнә гисиг Иисус сурһульчнртан медүлхәр седлә. Чонҗд килмҗән тусхасн цагтан бас эн күүкд күүнлә әдләр тиигҗ бийән бәрх зөвтә гисн сурһмҗ өгв.
Күүндвр күцәх асултс
3 асултСүмин һазак хашад Иисусин болн сурһульчнрин оньгиг юн авлв?
Юңгад сүмд әмтнә бәрсн ик бәрцс Иисусиг өврүлсн уга?
Юңгад Иисус угатя белвсн күүкд күүһәр үлгүр кев?