Арсна гемтә кү эдгәлһн

Иисус Бурхна Үг олнд цәәлһҗ, олн һазрар зуульчлад йовдг билә. Олн балһсдт болн селәдт ирәд, арһнь тасрсн, гемтә әмт үзхләрн, тедниг эдгәдг билә. Тер цагт Палестинд эдгдго хальдврта арсна гем тархагдсн бәәҗ.

Нег дәкҗ Иисус сурһульчнртаһан Галилейск балһснд ирхләрн, арсна гемтә күүнлә харһв. Эн гемтә, муулян эдлҗәсн күн Терүн тал гүүҗ ирәд, сөгдҗ, эрн сурв:

- Деед Эзн! Кемр седкл бәәхлә, намаг цеврлҗ, эдгәҗ чадҗанач!

Яһҗ Иисус эн күүнд иткхмб! Деед Эзн гемтә күүнд һар күрәд келв:

- Цеврлхәр седҗәнәв!

Энтн Иисусин дурн биш, Бурхна закрмҗ билә. Бурхнас нань нег чигн күн тиигҗ зөргшҗ чадшго бәәсмн.

Өвәрц йовдл учрв: арсна гем уга болҗ одв. Иисусин өмн эрүл-менд, шархнь эдгсн, нег чигн шав уга, цевр арста болсндан ик байрта күн зогсчана.

Яһҗ эдгснәннь тускар эн күүнд бичә келтхә гиҗ Деед Эзн седлә. Моисейин Закана зааврт келгдсәр, гелңд одад, бийән үзүлҗ, гемәс гетлснәннь төлә бәрц бәртхә, гиҗ терүнд келв.

Зуг өвәрц йовдлыг нууҗ болшго болв. Иисусиг соңсхар, бийән эмнүлхәр улм олн әмтн Терүнүр ирдг болв.