Сөөһәр ирсн күн

Пасхан байрин йовудт Иисус олн өвәрц юм үүдәв, баһ биш әмтн Терүнд иткдг болв. Ик зуудан угатя әмтн Энүг Мессия, Аврач гиҗ тосв, баячуд болхла Терүнд алңтрҗ, иткдго билә.

Болв Иерусалимд Деед Эзнлә харһх кергтә, зуг Терүнлә һанцарн харһхар седҗәсн нег күн билә.

Тер нертә күн бәәсмн. Фарисеймүдин синедриона шаҗни ах советин күндтә гешүн, номт болсн учрар эн Иисусур өдрәр ирхдән эмәв. Энүнә нернь Никодим билә.

Эргндк әмтнәс келүлшгоһар Иисусур эн сөөһәр ирв. Гертнь орҗ ирәд, Никодим иигҗ келв:

- Равви! Чи - Бурхна евәләр ирсн Багшичн мадн меднәвидн. Юңгад гихлә Бурхта болсн төләдән Чи нег чигн күн кеҗ чадшго өвәрц юм кеһәд бәәнәч.

Никодим Иисусиг алдр Багш гиҗ сандг болв чигн, Эн Бурхна Көвүн гиҗ меддго билә. Кен чигн күн Бурхна орн нутгт төрхин төлә шинәс төрх зөвтә, гиҗ генткн Иисус энүнд келв. Никодимд терүг медхд күчр болв. Тегәд эн Бурхнас сурв:

- Яһҗ күн шинәс төрдв? Тер хәрү нилх болҗ чадхий?

Күүг деерәс өгдмн, Бурхна Әрүн Сәкүснәс күн төрдмн гисн хәрү Иисус терүнд өгв. Болв терүг медхдән Никодим күчрдәд бәәхлә, Деед Эзн келсән энүнд цәәлһҗ өгв:

- Күн болһн килнцтә, бийнь килнцәсн гетлҗ чадшго. Зуг Әрүн Сәкүснә нилчәр хүврҗ, чик седклтә күн болҗ чадх.

Юңгад тиим юмн учрдгнь күүнд нуувч болҗ үлднә. Терүг цәәлһҗ Иисус Никодимд иигҗ келв:

- Салькн альд болв чигн үләнә, чи терүнә үләлһ соңснач, зуг альдас, альдаран үләҗәхинь чи медхшич. Сәкүснәс төрсн күн бас тер мет.

Болв Иисусин келсн үг Никодимд күцц медгдсн уга, тегәд эн сурв:

- Юңгад тиим болна?

Зуг Бурхна Көвүнд иткдг күн чик седклтә болна, килнц һарһсн әмтнә төлә Бурхн Эврәннь Көвүһән алулх, гиҗ Иисус Никодимд цәәлһв:

- Бурхн Эврәннь Көвүһән орчлңгин зарһ кехин төлә илгәсн уга, орчлңгиг харсч авхин төлә тәвв.

Дарунь Никодим Деед Эзнд иткдг болад, деерәс, Сәкүснәс, төрлһ авв. Тегәд эн Бурхна Көвүнд иткдг болсан әмтнәс нуудго, эмәдго болв. Хортн Иисусин өмнәс боссн цагт эн Терүг харсв.