Сүмиг түрүн болҗ цеврллһн

Иисус сурһульчнртаһан, Мария ахнртаһан Канас һарад Капернаумур, Галилейск теңгсин керм зогсдг хамгин бичкн һазрур, йовцхав. Капернаумд нег цөөкн өдр бәәчкәд, Иисус Иерасулимд болх Пасхан байрт одв.

Сүмин талвңд дала әмтн хурсн бәәнә. Байрт орлцхар болн сүмд бәрцән бәрәд, Бурхнд мөргхәр ирсн әмтнәс нань энд хулд гүүлгхәр әмтн ирҗ. Нәәрт ирсн улст юм хулдад, мөңг доляд, олз үзхәр ирсн улст Бурхна уурнь күрв. Эднәс көлтә Деед Эзнә сүмин һазр базрин талвңд хүврҗ. Бурхна Гер гиҗ күүндлҗәхн уга.

Деед Эзн һазр деер кевтсн деес өргҗ авад, маля кев. Терүгәрн хүрүләд, хулд гүүлгхәр ирсн әмтиг цармудтаһинь, хөөтәһинь сүмәс көөһәд һарһв. Көгҗрлһ хулдҗасн хулдачнрт иигҗ келв:

- Мини Эцкин гериг хулд-гүүлгәнә герт бичә хүврүлтн!

Юм хулдҗасн әмтн сөрлцлго, сүмәс һарцхав. Мөңг дольҗасн әмтн Деед Эзн олн дунд ямаран күндллһ олсинь медв. Шаальгуднь кевтсн ширәсинь көмрүлхлә, шаальг-шуульгнь сүмин талвңгар тарад асхрв. Иисусиг ю кеҗәхинь үзсн әмтн алң болцхав. Цугинь үзсн бийнь, Энүг хөрҗ, өмнәснь сөрлцх күн һарсн уга.