Сион уул деер бәәсн Бурхна хәәрцг

Бурхна өгсн үгәр Давид хан болҗ суув. Давид Вифлеемд төрсмн, тенд хө хәрүлҗ йовсмн, зуг хан болад, Иерусалимд бәәдг болв.

Иерусалим һәәхмҗтә сәәхн балһсн билә. Эн балһсн кесг өөдм һазр деер бәәсмн, зуг негнь Сион уул гидг нерәдлһтә. Эн уул деер Давид бийдән бәәшң тосхв. Эн йир Бурхнд дурта билә, тегәд эврәннь бәәшңгин өөр Бурхна хәәрциг тәвхәр седв. Иим цаг ирв, тиигәд Давид хәәрциг авхар йовв.

Давидиг дахад олн Бурхна гелңгүд йовцхав, дәкәд цуг әмтн хаана ардаснь йовад олн зүсн көгҗмин зевсгәр наадцхав: бүшкүрәр, нәрн бүшкүрәр, флейтар болн нань чигн. Эдн цуһар частр Бурхнд дуулҗ магтна. Дуулҗ болн көгҗмин зевсгәр наадҗ йовсн әмтнлә Давид хамдан дуулад йовв. Арднь Бурхна хәәрцгиг авч йовна.

Ямр сәәхн үзвр, Бурхнд нерәдсн магтал байртаһар келсиг цугар соңсна. Олн әмтн байрта тосхар һарцхав. Яһҗ Давид арфар наадад Бурхиг магтсиг эдн цуһар соңсв. Эн өдр Давид йир байрта бәәсмн!

Сион уулын ора эрсәр бүсләтә бәәсмн, өргн үүдн тосхата, иигәрән хәәрцг авч ирв. Байрин олн йовлһн өөрдҗ йовхла, өргн үүдн секгдв, иигәрән хан болн Бурхна хәәрцгиг бәрҗ йовсн улс орцхав. Давид эртәснь ончта орм белдтн гив, тиигәрән Бурхна бүркәтә хәәрцг тәвв. Давид «Деед Эзн тууртха!» гидг байрин частр үүдәсмн, энүг цуг дуучнр дуулцхав. Эн өдр Сион уул деер Бурхнд бәрц бәрәд, цуг израилин әмтнд әдс өгв.

Давидин бәәшңгин өөр Бурхна хәәрцг бәәснь байрлулв. Өдр болһн хәәрцгин өмн дуучнр байрин частр дуулна.

Хан Давид эврәннь бәәшңгдән уданар бәәхш, юңгад гихлә, эн дару-дарунь Израилин филистимлин хортнла дәәллддг билә. Кемр Бурхн Давидт болн энүнә әмтнд диилвр өгхлә, эн Сион уулур хәрү ирхләрн Бурхндан ханлтан өргнә.