Хадын көдә

Ода Давид даңгин әәмшг уга орм бийдән хәәҗ олҗ авх билә. Давид альд бәәвчн энүг әмтн таньдг бәәҗ, зәңгнь шулун тарҗ одна. Зуг удл уга Давидин өөр олн цергчнр ниилҗ хамцлв.

Нег дәкҗ эдн уулд бултчахла, хадын көдән өмн суухла, генткн олн цергчнр ирҗ йовхиг үзцхәв.

- Эн Саул, - гиҗ Давид келв - Эн намаг алхар хәәҗ йовна. Бултн!

Давидин цергчнр цуһар хадын көдәд бултв. Харулчнр агчмин зуур бас хадын көвәд орцхав.

- Хан эврән нааран аашна, - гиҗ Давид келв - Эн чини һанцхн арһ, Давид! Чи энүг алҗ чадхч! Һаңцхарн аашна, нөкд болдг күн уга. Тегәд һурвн миңһн цергчнр чини болх.

- Тагчг бәәтн! - гиҗ Давид келв.

Цуһар тагчг бәәв. Харуңһу цагт эдн хадын көдән үүдн тал шилтҗ хәләцхәв. Удлго хаана хувцта Саул үзгдв.

- Энд үлдтн! - гиҗ арһул Давид келәд, болһамҗтаһар йовв.

Саул уулын хадын ард уга болҗ одв. Давид уулын хадур мөлкәд орв, эн Саулин хувцна хорманнь үзр үзв. Давид хурц үлдәр терүг керчҗ авад, болһаҗ хәрү һарв.

- Юңгад Саулиг чи алсн угач? - гиҗ цергчнр шимлҗ сурна.

- Бурхн энүг хан гиҗ тәвлә. Би энүг алшгов, юңгад гихлә Бурхн терүг тәвлә.

- Зуг кезәнә Бурхн эврәннь келсн үгән соляд, терүнә ормд чамаг Бурхн шүүҗ авла.

- Тиим, - гиҗ Давид келв, - тегәд Бурхн эврән медх. Кезә хаана ширәд би суухнь, Бурхн Эврән медх.

Цугар хадын көдән үүдүр хәләҗәнә. Хан хадын көдәһәс һарв.

- Энд цуһар үлдтн! - гиҗ Давид заквр өгв, эврән хаана ардас һарч йовв.

Харуңһу хадын көдәһәс һарад, Давид цергчнрлә хамдан бәәсн Саулиг үзв.

- Хан мини болн мини зерг! - гиҗ Давид хәәкрәд, Саулиг хан гиҗ күндләд һазр күртл өкәһәд тевчв. - Юнгад би чамд му юм кехәр бәәнәв гиҗ тоолҗахмч? Чамаг алх арһ нанд билә.

Давид хаана хувцна тасрхаг деегшән өргв. Саул әәмтхә бәәдлтәһәр эврәннь хувцан хәләв. Эн тасрхаг Саул узчкәд үүльв.

- Чи нанас йир сәнч! - чичрсн дууһар эн келв. - Эн әрүн чик йовдл, чи нанд сән болтха гиҗәнәч, би болхла чини туст му сана зүүләв. Би лавта медҗәнәв, чи хан болхч. Зуг мини өрк-бүлиг бичә уга ке, нанд андһар өг!

- Андһар чамд өгчәнәв! - гиҗ Давид келв.

Саул цаһан седклтә Давидиг үзәд, эврәннь цергчнртән бичә көөтн гиҗ заквр өгв. Цуг Саулин цергчнр цуглрад хәрү йовх хаалһдан орв, Давид эдниг кесгтән хәләҗ зогсв.