Израилин әмтн хааг некнә

Самуил йир көгшрв. Олн җилин туршарт эн Бурхна дааврта күн болҗ израильтянмудиг толһалв. Эн әмтнә зарһч, әәлдәч болад, цуг әмтиг Бурх соңсдг улс болтн гиҗ дуудв. Зуг зарһч биш, эднд цуг әмтнлә әдл хан кергтә гиҗ израильтянмуд ухалав.

Эдн Самуилд ирәд келцхәв:

- Маднд хан кергтә!

Самуил йир икәр һундв. Бурхнд эн зальврад мөргв, тегәд Бурхн энүнд хәрүһән өгв.

- Әмтнә ду соңгс... эдн чамаг буру гиҗәхш, зуг Намаг бурушаҗана, юңгад гихлә эдн Нанар бийән толһалулхар седҗәхш.

Тиигхлә Самуил цуг израильтянмудиг цуглулад келв:

- Бурхн таднд хан болх кү өгх, зуг тадн терүнә керг күцәх зөвтәт: тана көвүд терүнә цергт церглх, зәрмснь мөртә улсиг төмр хозлгар дахҗ йовх. Дәкәд цергә зер-зев кех, эс гиҗ мөртә цергчнриг хаалһднь белдх зөвтә, наадкснь һазр хаһлх болн урһц хурах.

Тана күүкд болхла терүнд хот кех болн өдмг болһх.

Эврәннь өөрхн улстан тана уста үзмин сән модд, өвстә, идгтә һазр танас булаҗ авад теднд өгх. Наадк улсинь урһц таднас авад эврәннь зарцнртан өгх.

Тадна йир сән зарцнр теднд көдлх.

Кемр тер цагт тадн цуһар хаата болхар седсндән һундад, Бурхнур ирхит. Бурхн тадниг соңсшго.

Тедн цуһар Самуилын келсн үг соңслго цаарандан келцхәв:

- Маднд хан кергтә!

Тегәд Деед Эзн Саул гидг күүһәр хан тәвтн гиҗ заквр өгв. Саул сәәхн, цуг әмтнәс өндр нурһта, баахн күн. Энүг байртаһар израильтянмуд хәәкрәд тосв:

- Хан сән бәәтхә!

Зуг Саул сән хан болҗ чадсн уга. Эн Бурхна заавр күцәдго бәәҗ.

Тегәд Бурхн Израилин әмтнд Саулын хөөт үйнр хан бичә болтха гиҗ санв. Саул хан болҗ бәәтл, Бурхн баахн көвү шүүҗ авла. Саул өңгрснә хөөн, эн көвүн цуг әмтиг ардан дахулх.