Петрус билән Юһанна қәбиргә келиду

Мәҗдәллик Мәрийәм шәһәргә қайтип кәлгәндә, Әйсаниң шагиртлири болған Петрус билән Юһаннани тапиду.

- Рәббимизни бирси елип кетипту, - деди һаяҗан ичидә Мәрийәм, - әнди Униң нәгә қоюлғанлиғини билмәймиз.

Мәрийәм Әйсаниң тирилип һаят екәнлигини көз алдиға кәлтүрәлмәтти!

Әлвәттә, Петрус билән Юһанна буни аңлап һаң-таң болди. Улар алдирап қәбиргә қарап маңди. Юһанна тез жүгәргәчкә, араматиялик Йүсүпниң беғиға биринчи болуп йетиду. У қәбиргә кәлгәндә ташниң қәбирдин еливетилгәнлигини көрди. У йеқинлишип өңкүрниң ичигә қариди, лекин ичигә кирмиди. Товва! Тән йоқ, лекин дәпнә қилиниш үчүн ишлитилгән рәхтләр туратти. Юһанна ишик тәрәптә турди. Шу арида Петрус жүгрәп келип қәбирниң ичигә кириду вә Юһанна көргән нәрсини көриду – Әйсаниң тени оралған рәхт вә бөләк ятқан яғлиқ. Әгәр Әйсаниң тени Мәҗдәллик Мәрийәм дегәндәк растинла оғриланған болса, ундақта оғрилар рәхт билән яғлиқни рәтләп қойматтидә!

Петрусниң кәйнидин қәбирниң ичигә Юһанна кириду. Шу чағда у бир нәрсини чүшәнди:

Әйса тирик! Қәбирниң қуруқ болғанлиғиниң сәвәви мана шу еди!

Петрус билән Юһанна шәһәргә қайтип кәлгәндә, Әйсаниң тирик екәнлигини тәстиқлигән вә Уни көргән шагиртлар билән аялларни тапти! Әйсаниң башқа шагиртлири билән әгәшкүчилири Әйса тоғрилиқ қайғуруп һаза тутқанлиғидин, бу хуш хәвәргә ишинәлмәтти.