Гетсиманә бағчисида

Әйса шагиртлири билән Йерусалимниң йенидин еқип өтидиған Кидрон вадисиниң у қетиғи өтти. Он икки шагиртниң арисидики Йәһуда улар билән әмәс еди. Қап-қараңғу кечидә улар Зәйтун теғиға қарап маңди. Әйса бу йәрдә Асмандики Атисиға пат-пат дуа қилатти.

Бу тағниң бағрида Гетсиманә дегән бағ болған. Бу бағда зәйтун дәрәқлири өсәтти. Баққа кирәй дегәндә Әйса шагиртлириға:

- Бу йәрдә олтуруп туруңлар, Мән болсам берип дуа қилип келимән, - деди. Әйса Петрус,

Яқуп, Юһаннаға болса Өзи билән меңишни ейтти.

Бу дәқиқиләрдә Әйса интайин қаттиқ қайғурди. Рәб Әйса Уни немә күтүп турғанлиғини билгән. Инсанларниң гуналири Униңға жүкләнгәчкә, Әйса чапрас яғачта азап чекип өлүп кетиши керәк болған. У пәқәт азап-чекипла қалмай, бәлки қәлбидә ейтқусиз қаттиқ азаплиниши керәк болған. Гунани билмигән Әйса инсанийәтниң пүтүн гуналири үчүн җазалиниши керәк болған.

Ғәм билән қайғуға толған Рәб Әйса өзиниң сөйүмлүк шагиртлириға:

- Қәлбим өлүп кәткидәк қайғурмақта, бу йәрдә Мән билән биллә сәгәк туруңлар! – деди.

Әй Ата, халисаң, бу азап қәдиһини Мәндин жирақлаштурғайсән. Лекин бу иш Мениң әмәс, бәлки Сениң ирадәң бойичә болсун, — дәп дуа қилди. У дуа қиливатқанда, асмандин кәлгән бир пәриштә Униңға көрүнүп, мәдәт бәрди. Һәзрити Әйса чоңқур қайғу ичидә техиму ихлас билән дуа қиливатқанда, Униң тәрлири йәргә төкүлгән қан тамчилиридәк чүшүшкә башлиди.

Луқа баян қилған хуш хәвәр 22:42-44

Һәрқандақ башқа адәмгә охшаш, Әйса Өзиниң достлириниң қоллишиға муһтаҗ болған, шуңа У уларни биллә дуа қилишқа чақирған. У улардин бир нәччә метр жирақлиққа берип тизлинип вә бешини йәргә қоюп дуа қилди:

- Ата! Әгәр мүмкин болса, бу азап қәдигини Мәндин жирақлаштурғайсән; лекин Мән халиғандәк әмәс, бәлки Сән халиғандәк болсун.

Һәммә адәмгә охшаш, Рәб Әйса алдидики азап-оқубәтләрдин қутулушни халиған, лекин У

Худаниң Оғли болғачқа Атисиға бойсушу йүзисидин мундақ деди:

- Мениң ирадәм әмәс, Сениң ирадәң болсун.

Әйса интайин қайғуруп дуа қилғачқа, Униң тәрлири худди қан тамчилиридәк йәргә чүшти. Андин асмандин бир Периштә келип Униңға мәдәт бәрди.

Әйса дуа қилип болғандин кейин һелиқи үч шагиртиниң қешиға кәлди. Әйса уларни Униң билән биллә дуа қилишини сориған болсиму, улар дуа қилишниң орниға ухлап қалған еди.

Әйса уларни ойғитип Пәтрусқа:

- Симун! Сән ухлап ятамсән? Сән Мән билән бир саат сәгәк туралмидиңму? – деди.

Буни дейиш арқилиқ Әйса Симунға мундақ нәрсини ядиға салмақчи болған: Петрус Униң билән өлидиғанлини вә һечқачан Униңдин танмайдиғанлиғини вәдә қилған еди. Әйса шагиртлиридин дуа қилип Униңға ярдәм беришини йәнә икки қетим сориди, лекин һәрқетим уларниң қешиға қайтип кәлгинидә уларниң ухлап қалғанлиғини көрди. У үчинчи қетим уларниң қешиға кәлгинидә мундақ деди:

- Силәр техичә ухлап ятамсиләр? Мана, мениң саатим кәлди: Инсан Оғли гунакарларниң қолиға тапшурулмақта. Туруңлар, маңайли: Маңа сатқунлуқ қилидиған адәмму келип қалди.