Мохо кесили бар адәмниң сақийиши

Әйса Мәсиһ бу дунияда хизмәт қилғанда көп сәяһәт қилишқа тоғра кәлгән. У һәрхил шәһәрләр билән мәлиләрдә болғанда, аҗизлар билән кесәлләрни учритатти вә уларни сақайтатти. Шу заманларда Палестинида мохо кесили дәп атилидиған сақайтишқа мүмкин әмәс бир қорқунучлуқ кесәл болған. Бу кесәл терә кесили болуп жуқумлуқ еди.

Бир күни Әйса шагиртлири билән Җәлилийә шәһиригә келиду вә у йәрдә мохо кесилигә гириптар болған адәмни учритиду. Бу бечарә, Әйсаниң алдиға жүгрәп келип тизлинип Униңдин:

- Рәббим! Әгәр халисиңиз, мени сақайталайсиз! – дәп өтүниду.

Бу адәм Әйсаға чин қәлбидин ишәнч қилған болуши керәк!

Рәб Әйса қолини униңға тәккүзүп:

- Халаймән, сақайғин! – дәйду.

Бу ишни Әйса пәқәт халиған әмәс, бәлки бу Худаниң буйриғи болған. Худадин башқа һечким бундақ сөзләшкә җүръәт қилалматти!

Шуниң билән мөҗүзә йүз бәрди: мохо кесили йоқап кәтти. Тени пүтүнләй тазилинип кәткән киши Әйсаниң алдида хошал туратти.

Рәб Әйса униң сақайғанлиғи тоғрилиқ башқиларға ейтишини халимиди. Буниң орниға У Мусаниң Қануниға асасән, униңға өзиниң тазиланғанлиғи үчүн роһанийға қурванлиқ елип беришини буйрийду.

Лекин мөҗүзини йошурувелиш мүмкин әмәс еди. Шуңа техиму нурғун адәм Әйсани тиңшаш үчүн вә кесәллиридин сақийиш үчүн Униң алдиға кәлди.