Дулгуяк херээженниң чоозу

Иисус Иерусалимге келгеш өөреникчилери-биле Бурган өргээзиниң даштыкы хүрээлеңинге келген. Иисус өргүл кылдыр берген акша-мөңгүн чыыр хааржак мурнунга олуруп алгаш, Бурганның өргээзинге улустуң акша өргүп турарын хайгаарап эгелээн. Бай улус хөй түңнүг акшазын улус көрзүн дээш, көзүлдүр салыр болган.

А оон бир-ле ядыы дулгуяк кадай чедип келгеш, ийи эң үүрмек чоосту салган. Ядыы херээженге ол хөреңги кайы хире үнелиин Дээрги Иисус билген. Ол өөреникчилерин чыып алгаш, мынча дээн:

— Бо ядыы дулгуяк кадай өргүл салган улустуң шуптузундан хөйнү салды. Олар боттарының артыкшылдыг байындан салып турду, а ол кадай бодунуң амыдыраарынга херек бар-ла акшазын салып кагды!

Өөреникчилерге ол кончуг эки өөредиг болган. Бурган өргүлдүң сан-түңүнче эвес, а өргүл салган кижиниң чүрээнче көөр деп чүвени Иисус оларга көргүскен. Олар база сөөлүнде Церковь дээш ынчалдыр сагыш салыр ужурлуг.