Чартыктаан кижини экирткени

— Иисус келген-дир! Дыңнадың бе? — бир кижи эжинден айтырган. — Аарыг улусту экиртип турган Кижи аан.

— Аарыг чыдар кылаштап шыдавас эживисти бодадың бе? Ооң Иисуска кээр харыы чок-ла болгай.— Ындыг болганда Иисуска ону бис эккээр ужурлуг бис — дишкеш, олар дузалажыр кылдыр таныыры база ийи кижи дилеп алгаш, чартыктаан эжинче чорупканнар. Носилка хевирлиг чүве кылып алгаш, олар аарыг эжин аңаа салгаш, Иисустуң доктааган бажыңынче далажыпканнар. Харааданчыын! Иисусту көрүксээн, дыңнаксаан кижиниң хөйүнден эжикче-даа эртер аргазы чок. Чартыктаан кижи көдүрүп алгаш, эжишкилер канчап-даа Иисусче эртип шыдавас турган.

Оларның бирээзиниң арны чырый бергеш:

— Идея! –деп ол хөлзеп алгыра каапкан. — Бажың кырындан!

— Бажың кырындан? Ол чүү деп турарың ол?

— Бо бажыңның дээвиирин анаа дой-довурактан кылып каан. Бис ону үттеп-­часкаш эживисти хендир-биле быдырыптар бис. Сөглээн сөс! Оларның бирээзи хендир база херекселдер дилеп маңнапкан. Артканнары эжин дорт девиир кырынче чадалап үндүре бергеннер. Удаткан чок олар эжин хендир-биле бадырарынга чедер хемчээлдиг ойбакты кылып алганнр. Үттү Иисустуң турган чериниң дужундан кылып алган. Адаандан ону көрген эр улустуң шырай-­дүрзүзү өскерлип турарын эскерип болур. Иисус кырында улусту хүлүмзүрүп көргеш, ооң соонда Ооң буттарының баарында бадырыпканы сулараан эжинче көргеш, ол тургустунган байдалга хамаарышпас-даа ышкаш, элдеп сөстер чугаалаан:

— Бачыттарың өршээттинген-дир.

Иисустуң чанынга турган ном-хоойлу тайылбырлакчылары, фарисейлер ажына бергеннер. Бургандан аңгы кым бачытты өршээп шыдаарыл? Бо

Кижи Бодун Кым Мен деп улуг тураланыры ол? Иисус оларның бодалдарын билгеш, мынча деп харыылаан:

— Бачыттарың өршээттинген-дир — дээри бе, азы туруп келгеш, чорувут дээри белен бе? Чүү деп бодаар силер?

Хоойлуну эки билир кижилер бачытты Бургандан өске кым-даа өршээп шыдавас деп билир. Ындыг-даа болза Иисус чартыктаан кижиниң бачыттары өршээттинген деп чарлааш, оларның мурнунда анаа мөзү-шынар башкызы эвес-тир деп чүвени көргүскен.

Чыылганнар “А бачыттар өршээттинген деп, кым хынап шыдаарыл? Бир эвес аарыг кижини экиртип шыдаар болзуңза, анаа эвес мергежилиңни шынзыдар, буруудадыр арга чок бүзүренчиг барымдаалыг болур ийик сен” деп бодап турганнар.

Иисус оларның бодалын билгеш чугаалаан:

— Бачыттар өршээриниң дугайында дыңнап тургаш, Бурган Меңээ чүгле аарыгны экиртир эвес, а бачытты өршээр күштү база эргени берген деп билир ужурлуг силер.

Ооң соонда аарыг кижиже эглип келгеш, чугаалаан:

— Туруп келгеш, дөжээңни алгаш, бажыңыңче чорувут!

Демгизи ол дораан оларның мурнунга туруп келгеш, бодунуң дөжээн алгаш, хендирин бөлгеш, магадаан улустуң аразы-биле чорупкан. Ол Иисуска четтиргенин илередип, Бурганны алдаржыдып турган. Чүү болуп турарын көрүп турган эштериниң өөрүшкүлүг арыннары база көзүлбейн барган.