ОХИРУ̊Н НАҶОТ АЙУ̊М

Исроӣл мардуманд сар лап хуши тар Наҷот айу̊м вуд. Исойи хойих̇ чӯд мам пӣδ дам айу̊м Ху х̇огирден қати наɣʒимт.

Йуйи Петрусат Йуано - йард лу̊д: «Тамата сет тар Ерусалӣмху, йи чорикта wинет, wиҷа куза̄йан х̇ац. Wи да̄мти сет тар wи чӣдху, пех̇цет wи иде̂, ма̄ш ка̄данд ва̄рδийам Наҷот айу̊м наɣʒимба̄м. Йута йи ғула̄ ма̄ла̄ тамард дивест, тама ба̄д тарам фукаϑ тайора̄ кинет».

Wи х̇огирденен Wи га̄пен фукаϑ иҷро чӯд.

Wа̄δен вега̄ра Ерусалӣманд йи ғула̄ ма̄ла̄йанд ҷа̄м сат. Йаманди Исо йи аҷойибард кор чӯд иде̂, йу тар дам айу̊м қойдаен ачаϑ дахл навуд. Йуйи ар та̄с х̇ац чӯдху, йи х̇огирд пиройанди Ху чизу̊н δодху, wи поδен дараw зине̂д сут. Wи йӣwанди wи поδени зинодху, ба̄д тар дуйум х̇огирд хез сутху, ба̄д аз wи тар сейум хезху…

Wев х̇огирденанд аз айру̊нги wев ғе̂в йетаϑ ред. Wа̄δен нафа̄мт ди ма̄нӣ чӣз вуд. Ну̊мдор одаменанден wев чӣденанд хизматгорен вад, wа̄δен ба̄д мему̊нен поδен зинод. Амо Исо wев хизматгор навуд! Йу Хуδой Пуцат, wеванга wев Молим вуд! Ат Йуйи йеданд хизматгор ҷиноw кор чӯд! Ба̄д наwбат тар Петрус йатат, йуйи Исойард лу̊д: « Йо Худоwанд, Ту ачаϑ му поδен ма̄зини!»

Исойи тар wи чӯхтху, лу̊ди: «Ага тута ху поδен зине̂доw Му ца нала̄ки, пас тут тар Му дахл нист»

Петрус фикру̊ни сут. Йеданд га̄п фақат дар борайи wи поδен зине̂доw навуд. Исойи ик ди кор ца чӯд, динд ғула̄ ма̄нӣ вуд.

Йуйи фукаϑ х̇огирден поδен зинодху, wев хезанд нӯст.

Исойи wев пех̇цт: «Тамет фа̄мто, Wузум тамард чӣр чӯд».

Х̇огирденен қарор вад, ду̊н ҷа̄т wа̄δен ик ди кор ма̄нӣ нафа̄мт.

Исойи ба̄д wевард фа̄му̊нт: «Wузум тамард мисол дивих̇т, ла̄к тама мис аз ойанда̄ ик дисга кинет».

Амо wа̄δен во йисохга фикр чӯд: "Ик дисга кина̄ма̄? Хизматгор са̄wа̄мо? Исота ног ик ди аз ма̄ш талаб наких̇т!"

Исойи wевард лу̊д: «Тама̄ аз Му Молимат, Худоwанд лу̊вет. Тама га̄п рост, ду̊н ҷа̄т Wузум ақу̊нийаϑ Худоwанд. Амо Wузум тар ди начӯх̇тху, тама поδенум зинод. Пас Wузум ик ди кор ца чӯд, тама мис бойад укмандаϑ дисга кинет».

Ба̄ден дасторху̊нти ностху, аwқотен чихӣд сат. Х̇огирденен аwқот вӯдху, пи Исо дуойен ност. Амо Исойи пиро аз дуочӣд х̇огирденард дар борайи Ху мӣдоw нақл чӯдху, wа̄δен вога мис айру̊наϑ ред: «Мута а̄м масхара̄ киненат, а̄мта азоб Му киненху, охиру̊нта Му зӣнен. Амо сейум рӯзтита зинда̄ са̄м»

Х̇огирденен дев га̄пен х̇удху хафа̄йен сат, амо Худоwанди во Ху га̄п даwу̊м δод: «Wузум хойих̇ чӯд пиро аз Ху қӣнийат азоб укмандаϑ ик мам Наҷот айу̊м тама қати лу̊вет. Тама га̄п рост, ду̊н ҷа̄т Wузум ақу̊нийаϑ Худоwанд. Амо Wузум тар ди начӯх̇тху, тама поδенум зинод. Пас Wузум ик ди кор ца чӯд, тама мис бойад укмандаϑ дисга кинет».

Исойи ба̄д аз аwқотхӣд чӣни зох̇тху, шароби арам холи чӯдху, лу̊ди: «Йам Му Хӯн иде̂, тама ҷа̄тта ре̂хта̄ ца су̊д. Йам ика А̄д иде̂, Хуδойта мардум қати wам ца ких̇т».

Йуйи wам чӣни да̄кчӯд Ху х̇огирдардху, йуйи мис азаманд бирох̇тху, войи да̄кчӯд йигайардху, ик дитийен тар йакдигар wам да̄кчӯдат, бирох̇тен азаманд.

Аwқотхӣд wахт тайор сут. Икам Наҷот айу̊м тар wев пироки ачаϑ му̊нанд навад. Исо х̇огирденен мис хубаϑ пура̄ wам ма̄нӣ нафа̄мт. Амо wа̄δен ба̄д аз йичанд wахт фа̄мт иде̂, Худоwанди охиру̊н Наҷот айу̊манд wевард чӣз лу̊д.

САWОЛЕН

1) Тар Ерусалӣми Наҷот айу̊мард ча̄й бойад тайори чӯҷат?

2) Исойи чӣзард Ху х̇огирден поδен зинод?

3) Исойи ик ди мисол қати Ху х̇огирденат Ху фука пайраwен чӣз ухма̄нд чичӣд вуд?

4) Худоwанди Ху х̇огирден қати чӣз а̄д чӯд?