WА̄ ДАΔОΔҶИН ПУЦ
Китоби Муқадас, «Офарӣних̇» китоб, 15; 18:1-22; 21:1-6 бобен
Иброӣмат Соройен тар Канон хиргойанд зиндаги чӯд. Wеванд зирйот навуд. Иброӣмат Соройен пӣр сат: Иброӣм қарӣб садсола̄ вудат, Соро қарӣб наwадсола̄ . Йакбори х̇а̄ бинди Хуδой Иброӣмард лу̊д: «Пи осму̊н чис. Ту чӣз wини?». Осму̊н аз х̇ите̂рʒен пур вудат, wа̄δен дисга лап вад иде̂, йисобчӣден набӣфт. Ба̄ ди Хуδой лу̊д: «Арцу̊нд х̇ите̂рʒ осму̊нти ца, тундта мис ду̊нга насл су̊д; wа̄δта ба̄д Канон замӣнанд зиндаги кинен. Бадкирдор халқента аз wи замӣнанд ай кинум». Ик ди wах̇танд ғал Иброӣманд зирйот навуд, амо йуйи боwар чӯд иде̂, Хуδойта Ху wа̄да̄ иҷро ких̇т. Иброӣм росткор одам вудат, Худоwанд wа̄ дайенарди боwар чӯд, ду̊н ҷа̄ т Хуδойта фук
wахтаθ рост лу̊вдат, Ху га̄ пта иҷро ких̇т.
Йи рӯз Иброӣм хирго пиройанд нӯсчин вуд. Қарӣби маδор
вудат, йуйи чӯх̇т тар wи хирго хезен одамен йат. Иброӣм wевард пироди сутху, салу̊ми чӯдху, йӣw аз wев мусофиренарди лу̊д: «Хойих̇ум тар му хирго деδет. Wуз шич римӣм х̇ац венху тама поδен зинийен. Wузташ лу̊м тамард аwқот вен, ла̄ к тама қуwат анҷафцетат, ху да̄ м δет, ла̄ к ху пу̊нд даwу̊м δедоw ва̄ рδийет».
Wа̄δ арай мусофирен розӣ сат иде,̂ Иброӣм ҷойанд ху да̄м δен.
Тама фикр қати, да̄ δ одаменен ча̄ й вад? Да̄ δен фарих̇тайен вад. Wа̄ δен аз осму̊н ха̄ вд, ла̄ к аз Хуδой хез Иброӣмард хабари хуш фире̂пен. Тама фа̄ мето, Хуδойта йакбори фарих̇тайен бозд, ла̄ к wа̄ δ одаменард Хуδой пе̂ғу̊м лу̊вен?
Фарих̇тайенен хирго па̄ линди йи дарахт сойа̄ нди ност. Соро тар хирго дарӯн вад. Ибройими Соройард лу̊д: «Тезаθ баша̄ нд йоɣҷ зиху гарδа̄ пӣʒ!»
Ба̄ди Иброӣм баша̄нд шӣгбуц интихоб чӯдху, йӣw аз ху ғулу̊менарди лу̊д: «Тезаθ ди каɣху, пӣʒ ди».
Аwқотен пе̂хтху, Иброӣми хубаθ wев мусофиренард wи йод. Wа̄ δен худат, Иброӣм мис wам дарахт бӣранд wев хезанд нуст.
Аwқотхӣд wахтанди йӣw аз wев мему̊нен аз Иброӣм пех̇цт: «Ту ɣин Соро кайи». Иброӣм на̄ ла: «Йа̄ тар хирго». Йу мему̊ни ба̄д лу̊д: «Ба̄д аз йи солтаво wуз ик ми wахти йадум, ба̄дта Соройанд пуц су̊д».
Соройи Фарих̇та̄ садо х̇уд, амо боwари начӯд иде̂, wамандта пӣринди пуц су̊д, ди ҷа̄ ти ба̄ д йа̄ ху дарӯнанд шӣнт.
Фарих̇та̄ йи лу̊д: «Соро чӣзард шу̊нт?» Wамандта ақу̊нийаθ пуц су̊д! Дисга кор йаст на̄ , Худоwанд wи нава̄ рδед?»
Wа̄ δ мему̊ненен андойдху тойд, ат Иброӣм мис йила̄ в ҷой wев қати сутху, ба̄ д тар ху хирго гах̇т чӯд.
Хуδойи ху wа̄ да̄ наринӯх̇то? Най, наринӯх̇ти, ба̄ д аз йи сол Соройанд ақу̊нийаθ пуц сут. Wи ну̊мен Исоқ δод. Иброӣмат Соройен хушбахт вад. Исоқи ху додат на̄н ниғух̇т, ди ҷа̄ти Хуδой wи жӣwҷ чӯд.
Хуδойи Хуwа̄да̄ иҷро чӯд. Йуйи луд̊ иде,̂ Иброӣмат Соройандта пуц суд̊, Йуйи ба̄д wевардпуц да̄кчӯд. Иброӣми Хуδойард боwар ца чӯд, йид баша̄нд кор вуд. Хуδойард дисга боwари хуш вуд, ди ҷа̄ т ба̄ д Иброӣм Хуδой хезанд росткор одам вуд.
Хуδой wа̄ дайенард укмандаθ пура̄ боwари δед̂ оw даркор, дун̊ ҷа̄ т Худоwанд қудрат лап зийот, дисга кор нист иде,̂ Йу wи нава̄ рδед!
САWОЛЕН
1) Хуδойи Иброӣмард ʒу̊ндик насл wа̄ да̄ δод?
2) Иброӣми ик wев фарих̇тайен иде̂, амчун мусофирен тар wи хез ца йат, цара̄ нги қабӯл чӯд?
3) Wа̄ δен Иброӣмат Соройард чӣз хабар вӯд?
4) Хуδойи Ху wа̄ да̄ иҷро чӯдо?
5) Хуδойи чӣзард Иброӣмард дисга ме̂рабу̊ни чу̊д?