ЙА̄ ҚӮБАТ ЕСОВ

Цу̊нд соленен наɣчӣдат, Исоқ мис ғула̄ сут. Йуйи Ривқо вӯдху, wеванден δу пуц сат: Есоват Йа̄ қӯб. Wа̄ δен пидемен вад, амо тар йакдигарен му̊нанд навад.

Есов хидӣрди вуд, йу бақуwат вудат, хойих̇и чӯд ху чуртти

видат, фук чӣзаθ хубаθ ких̇т. Йуйи фук wахт канцаму̊н зох̇тху тар ҷӣнга̄ лат тар пух̇та̄ ɣеw сут. Йакбори йичанд рӯз йо йичанд афта̄ тар чӣд найат. Ат арwахт ца йат, йи чӣзи ɣеw чӯдху, тар чӣди вӯд. Есов Исоқанд wи нозийу̊н пуц вуд.

Йа̄қӯбво Ривқо нозийун̊ вуд. Йуйи ху вирод ҷиноw лап саргарδун̊ ат ноорум̊ навуд. Йа̄ қӯб лапди чӣдард, хиргойен хезард вуд. Йуйи ху та̄т мол чухт̇ат ғулайенарди wев корард йордам чӯд.

Сар пиро Есов аз на̄ н сут. Йу соф дӯсикаθ пироди таwалуд сут, ди ҷа̄ т ба̄ д йу wорис йисоб сут.

Ба ғайри ди, доди бойад пиро аз ху мӣдоw фақат йи пуцард ду̊нд махсӯс баракат δоδҷат. Ик ди баракатанд ди ма̄ нӣ қуwатат танса̄ ти вудат, ла̄ к wи наслийенат, ғулу̊менат, wи молат мулкат, арчӣзга мис ик пи wи пуц ца ред, зийод су̊д. Ди ма̄ нӣ Хуδой ме̂рабу̊ни мис йаст.

Wи даwра̄йанд дисга суннат вуд иде̂, йид махсӯс баракат хидӣр пуцард, йа̄ ни Есовард насӣб вуд.

Амо йу ʒулди вирод, Йа̄ қӯби хойих̇ чӯд ақу̊ни wорис вид, ду̊н ҷа̄ т wирд даркор вуд иде̂, йакбораθ а̄ м ху та̄ т баракатат, а̄ м Хуδой ме̂рабу̊ни бакаф ких̇т. Есови дар борайи хидӣр зирйот уқӯқенат имку̊нийатен ду̊нд лап фикр начӯд. Wинд wи ух̇ат емӯн лапди тар ɣеw вуд.

Йи рӯзво Есов аз чӣд тӯйдат, Йа̄ қӯби йамард ху на̄ нард йордам чӯд. Даргойанд йоц θудат, йуйи йамти бамаза̄ хухп̇ а̄ пех̂ т. Wам буй̊ аз δаранд мис йис сут. Есов мот сутху аз ɣеw гахт̇ чӯд. Йуйи ɣеw ҷа̄ т лап дароз гирд δод, ди ҷа̄ т ба̄ д лап хах̇ маɣʒун̊ ҷ сут. Йу йатху ху ɣеw хасхори зима̄ δти питеŵ дху луд̊ и: «Йичӣз хӣдоwард мурд да̄к». Йа̄қӯби дӯсик фикр чӯдху, ба̄ди луд̊:«Ат ту мурд ик wев ху уқӯқен да̄к иде,̂ амчун йакум зирйотарден турд насӣб ца сиц».

Есов на̄ ла: «Wузум аз маɣʒу̊нҷи чи мӣд ца, йу йакум аз на̄ н ситоwанд чӣз фойда̄ ?» Есови ик дисга ху уқӯқ иде̂, йакум зирйотард да̄ кчӯҷак ца су̊д, йи чӣни хух̇па̄ ти парδод. Йа̄ қӯб ху диланд хуш сут. Йакум кор иҷро сут. Шич бойад йу дис ких̇т иде̂, ла̄ к wи та̄ т Есов ҷойти wирд баракат δӣд.

Фана̄ соленен наɣҷа̄д. Исоқ хелак зайӣф сутат, wи цеменен мис баша̄нд наwӣнт. Йирӯзи йу Есов тар ху хез қӣwдху, луд̊и. «Епуц, wуз нафа̄ мум цаwахта марум. Ди ҷа̄ т wуз хойиху̇ м амчун дод ху хидӣр пуцард баракат δа̄ м. Ху канцамун̊ зиху, са йичӣз ɣеw ки.

Му дилӣнҷ wи пӣʒху тар му хез ва, wузта ба̄ д турд баракат δа̄ м. Есови ху канцаму̊н зох̇тху, йичирдаθи йичӣзаθ налу̊дху тӯйд.

Амо Ривқойи аз хиргойанд Исоқ га̄ пен х̇уд.

Йа̄ йи х̇оҷ δӯйд: «Йид му чор Есовард баракат чиδе̂д!» Амо

Хуδойи йи wахт лу̊д иде̂, баракатта Йа̄ қӯбард насӣб су̊д! Ба ғайр аз ди, Йа̄ қӯб wам нозийу̊н вуд... Йа̄ айру̊наθ ред.

Ривқо тар Йа̄ қӯб хез сатху, арчӣзи ца х̇уд, wирди нақл чӯд. Ба̄ ди оста̄ йикаθ wирд лу̊д: «Са δу гуҷбуц каɣху мурд ва. Арра̄ нг Есов дойимаθ ца пӣʒд, wузта мис wев дисга пӣʒум. Ту ба̄ д wи аwқот йос ху та̄ тардху, wи хезанд Есов ҷиноw га̄ п δа. Йута ба̄ д турд баракат δӣд».

Wа̄ δен қарӣб нӣм рӯз дирд тайори чӯд. Ривқойи Есов луқен зох̇тху Йа̄ қӯбарди да̄ кчӯд. Йуйи wев пинӯйд. Ривқойи Йа̄ қӯб δустенат wи ма̄ кти гуҷбу̊ст вӣст, ла̄ к Исоқ ху δуст тар wи ца δӣд, wи пу̊ст қати wи ма̄ фа̄ мт (Есов δустенард лапаθ δох̇ц вуд).

Йа̄ қӯби wи аwқот зох̇тху, тар ху та̄ т хирго дедху лу̊ди: «Wузум йат». Исоқи ху ка̄ л сентху пехцти: «Тут ча̄ й?»

Йа̄ қӯби ху ша̄ ф абох̇тху, фа̄ нди δод: «Wузум Есов, ту йакум

пуц. Арчӣзат му ца римод, wузум wи иҷро чӯд. Ɣеwум чӯдху пехтум ми, хаху баракат мурд δа».

Исоқ зорδти ғалч сут. Есов садо wирд исохгара̄ нгаθ дивих̇т. Йуйи ба̄д лу̊д: «Пуцик, қарӣбди мурд йа, wуз хойих̇ум ту δустенард анҷа̄ м». Йа̄ қӯбанд аз х̇оҷ wи пех̇у̊ни ара̄ қ чӯд. Wи та̄ та wи дирӯғгӯйи ца фа̄ мт чӣз га̄ пта су̊д?

Исоқи ху пуц δустенард анҷӯвд, амо фақат ик wи ҷойард иде̂, йамард гуҷбу̊ст вӣсчин вуд.

Исоқи ба̄д луд̊:«Аҷойибард, садо Йа̄қӯбанд ҷиноwат, δустенен Есованд ҷиноw. Ба̄ ди во пехц̇ т: «Ростаθ мурд лу, тут Есово?»

Йа̄ қӯб нала̄ :«У̊н wузум Есов!»

Исоқи ба̄ д аwқот хӯдху, луд̊ и: «Пуцҷун̊ , тар му хез йаху ба̄ му ки!» Йа̄ қӯби wи га̄ п иҷро чӯд. Исоқи Есов луқен буй̊ йис чӯдху, wи

дил соф пур сутху ба̄ ди луд̊ : «Пуц, аз ту фирох да̄ хт̇ ен буй̊ йоδд иде,̂ Хуδойи wев ма̄шард wа̄да̄ ца δод. Тар му хез йаху чизун̊ ху δа!»

Йа̄ қӯби ху та̄ т бӣреҷ хезанд ху чизу̊н δодху, йуйи ху δустен ху пуц ка̄ лти рибӯд. Ба̄ ди баракат wирд δод: «Хуδой ту замӣнен осилат ту молат мулк зийод ких̇т. Ла̄ к ам дига халқенат, ам ту вирод турд хизмат кинен. Ла̄ к арча̄ й ту ла̄ нат ца ких̇т, хубаθ йу ла̄ нат су̊дат, арча̄ й турд баракат ца δӣд, йу мис баракат виред».

Йа̄ қӯб наw аз хиргойанд нах̇тӯйдат, Есов мис аз ɣеw гах̇т чӯд.

Йу дед тар хиргоху, лу̊ди: «Ида та̄ т, wузум йат, турдум аwқот пе̂хтху вӯдум. Шич ва̄ рδийи баракат мурд δа».

Исоқи са̄ мбарса̄ м пех̇цт: «Чӣзик? Ат пиро аз ту тар му хез ча̄ й вуд? Wузум пас ху баракат чирд δод?»

Йеданд ида фукчӣзаθ ма̄ лум сут.

Есови ба̄ д хах̇аθ лу̊д: «Йа̄ қӯби йида дуйум пӣδ фа̄ нд му δод. Сарпиройи фа̄ нд му δодху, йакум зирйот уқӯқи аз му парҷӯвд. Шичиво ху фа̄ нд қати дод баракат бакаф чӯд! Та̄ т ту ва̄ рδийийо мурд мис баракат δа̄ ?»

Исоқ малол сутху, луд̊ и: «Най пуц, ику баракат иде,̂ Хуδойи wи йакум зирйотард wа ̄да ̄ ца δоδҷ , йакборта дун̊д δед̂оw бофт . Wузта турд мис баракат δа̄ м, амо аз тамандита ту йакум йисоб наса̄ wи».