ИБРОӢМАТ ЛӮТ

Иброӣмат Лӯтен оста-оста̄ бойи зор сат. Wеванд фана̄ айwу̊нат, зарат тилло вуд. Амо ба̄ д аз йичанд wахт wевард қӣнигари ас пиро йат. Wев айwу̊н лап сутху, wирд чаройард ҷой

нафирӣпт, ди ҷа̄ т ба̄ д wев коркунен байнард тез-тез шара̄ т сут. Иброӣми ба̄ д Лӯтард лу̊д: «Ма̄ шанд, йо ма̄ ш чӯпу̊нен байнард шара̄ т ца су̊д, йид лап ганда̄ , хе̂р ма̄ ша̄ м қаwм. Ва аз йакдигар дӯсик δарди са̄ wа̄ м! Ага ту тар ча̄ п тараф са̄ wи, wуз са̄ м тар рост, йо баракс.

Иброӣми Лӯтард иҷозат δод иде̂, ла̄ к йу хурд ҷой интихоб ких̇т Лӯти ба̄ д чӯх̇т иде̂, ик wев замӣнен хезва Урдӯн дарйо ца тӣзд,wа̄ δен лап серосил.

Китоби Муқадасанд лу̊вд иде̂, wа̄ δен Худоwанд боғ ҷиноw, йа̄ ни бийӣх̇т ра̄ нгти вад. Лӯти ба̄ д ик wев замӣнен хурд интихоб чӯд. Йуйи дар борайи ху ду̊нд фикр чӯд. Амо йуйи нафа̄ мт да̄ δ замӣнента цара̄ нг сен, нафа̄ мти иде̂, Худоwандта Саду̊мат, Амӯро х̇а̄ рен нест ких̇т, ду̊н ҷа̄ т wеванд wев мардум лап бадкирдор вуд. Лӯти Хуδойард итоат чӯд, ат wирд фарқ навуд иде̂, йу Саду̊манд бадкирдор мардум қати зиндаги ких̇т.

Фана̄ wахт наɣҷӣд. Йи рӯзи Хуδой Иброӣмард ху фикр лу̊д: «Саду̊мат Амӯро мардум лап ғула̄ гунойен кинен. Wуз са̄ мху чисум, ку ик wев бадкирдор х̇а̄ ренардум ик wи ҷазо тайора̄ ца чӯҷ, йу wевард даркор йо най».

Худоwанди δу фарих̇та̄ тар Саду̊м бох̇т.

Иброӣми аз Хуδой пех̇цт: «Мӯмкин ди х̇а̄ ранд панҷо нафар рост одамен мис вийен. Нахо Ту wев ҷа̄ т ди ха̄ рти ра̄ м накини?» Худоwанди ба̄ д ик ди wирд wа̄ да̄ δод. Иброӣми ик ди га̄ п цу̊нд пӣδга такрор чӯд, амо wа̄ δ росткор одаменен ка̄ мди сат: 45, 30, 20, ба̄ ден соф 10 ред. Ар тови Худоwанд wа̄ да̄ δод иде̂, аз

рӯйи wевта wи х̇а̄ рти ра̄ м ких̇т.

Йи вега̄йен wа̄δ δу фарих̇та̄ тар Саду̊м йат. Ди wахтанд

Лӯт х̇а̄ р дарвоза̄ хезанд нӯсчин вуд, йаманден қадрдор одамен дойимаθ ҷа̄ м сат. Йуйи wев фарих̇тайен wӣнтху, аз ху ҷойти андӯйд, салу̊ми чӯдху, тар ху чӣди wев қӣwд. Амо wа̄ δен лу̊д: «Най, ма̄ шта тар дарго х̇офца̄ м».

Лӯти фа̄мт иде̂, Саду̊м мардуманд бегу̊найен қати баша̄нд муносибат нист, ди ҷа̄ ти ба̄ д йу хойих̇ чӯд, ла̄ к wа̄ δ мусофирен тар wи чӣд деδен. Wа̄δен аwқотхӣданд вадат, тар дарго хах̇ ғалоғӯла̄ сут.Тарам ди х̇а̄р мардум ҷа̄м сутху, аз Лӯтен талаб чӯд иде̂, дев бегу̊найен wевард да̄ кихт. Wа̄ δен чӯх̇т Лӯт ху мему̊нен муофизат ких̇т, ба̄ ден х̇оҷ wи дараw чӣд сат. Амо Фарихтайенен Саду̊м мардум ку̊р чӯдху, Лӯтарден лу̊д: «Ту тезаθ ху а̄ ли ойила̄ аз х̇а̄ранд зиwе̂δат, ма̄шта аз рӯйи халқ гуно ми х̇а̄р нест кинам, ду̊н ҷа̄ т Худоwандард аз ди лап доδ кинен».

Афсӯс, Лӯт ду̊моденен wи га̄ пард боwар начӯд, wа̄ δен wи га̄ п амчун шӯхи фа̄ мт. Амо Лӯт хубаθ мис тар рицӣстоw ситироб насут. Фарих̇тайенен wиндат, wи ɣинандат, wи ризӣнен δустенард анҷӯвдху аз х̇а̄ранден wев зиwост, ду̊нҷат Хуδойи хойих̇чӯдла̄кwа̄δзинда̄ рисен.Худоwанди wевард лу̊д иде̂, жозетат, тар зибо ма̄чисет. Амо Лӯт ɣини Худоwанд га̄пен наниғух̇т. Йа̄ йи тар зибо, тар wи х̇а̄ р чӯх̇тху, wам ҷисм намакин ситан сут. Ди wахтанд Лӯтат wи ризӣненен же̂х̇тху рицостен...

Худоwанди ба̄ д аз осмун̊ Садум̊ ат Амӯро тора йоцат сулфур разент. Да̄ δ ха̇ ̄ ренат, дев гаргинӯха̇ ̄ йат, арчӣз зинда̄ га мис Урдӯнанд цавуд, фукаθ нест сут. Зибора ик wи хушрӯй замӣн ҷойти ба̄ ри Мурда̄ пеδо сат. Китоби Муқадасанд wам нум̊ ба̄ри Намак.

САWОЛЕН

1) Лӯти зиндаги чӣдоwард чиду̊м замӣн хурд интихоб чӯд?

2) Иброӣми чиду̊м саwолен δод, ла̄ к фа̄ мт иде̂, ку Хуδойта Саду̊мат Амӯроти ра̄ м ких̇то най?

3) Дев х̇а̄ ренанд лап бадкори ца вуд, Хуδойи wи цара̄ нг нест чӯд?