WА̄ ДАΔОΔҶИН ЗАМӢН
Китоби Муқадас, «Офариних̇» китоб, 12 боб: 1-9 ойат
Нӯ паценанден фана̄ зирйотен сатху, аз wевандга мис лап наслсутху,wа̄δен фукаθ замӣнард тихӣрм сат. Да̄δен баша̄ нд одамен вад йо ганда̄ ? Лапди аз wевен ақу̊ни Хуδой ринӯх̇т, ду̊ндҷа̄ т Wи wӣнтоwен нава̄ рδод. Wа̄ δен хурд бардирӯғ хуδойен йо бутен фикр чӯдху, аз wевен а̄ м ғула̄ йат а̄ м ʒулик сохта̄ чӯд. Wев бутенен аз жӣр йо аз δорганд сохта̄ чӯд. Wа̄ δен wев ху бутен арҷойандаθ рибӯдху, чизу̊нен ху δодху, дуойен чӯдат, лу̊ден: «Ма̄ δен ма̄ ш хуδойен; ма̄ δен ма̄ ш офарӣд чӯҷ, ма̄ δта ма̄ шард рисқат рӯзи да̄ кен».
Ик дити оста-оста̄ ҷау̊нти бех̇ди мардум бутпараст сут. Wа̄ δен Хуδойард саҷда̄ начӯдат, бутенарден чӯд. Йила̄ в wахтен бутен аз тило йо нуқра̄йанд сохта̄ чӯд, ду̊ндҷа̄т иде̂ гуйо wи бут муносибатат, ма̄ бат лапди су̊д.
Хуδойи аз осму̊нти wӣнт иде̂, одаменен аз Wи ху пӣц гарδентат, бутенарден ху ка̄ л хамбент, ди ҷа̄ т ба̄ д Wи қа̄ р сифӣд. Амо Йуйи wев нест начӯд, ду̊н ҷа̄ т пи ҷау̊н бойад Наҷотδа̄ δӣҷ йаθчатху мардум гунойенҷати Ху ҷу̊н да̄ кчӯҷат.
Хуδойи Иброӣм ну̊м одам интихоб чӯдху, хойих̇и чӯд аз wинди Ху халқ офарӣд ких̇т. Наҷотδа̄ дӣҷ мис бойад укмандаθ аз Иброӣм наслийанд пи ҷау̊н йаθчат.
Ба̄ ди Худоwанд Иброӣмард лу̊д: «Ху замӣнат, ху хех̇ат қаwмат, ху дод чӣд ла̄ кху, ик wи замӣнта турд ца дивесум, тарам са; Wузта ба̄ д аз тунди бузург халқ пеδо кинумху, турдта баракат δа̄ мху, ту ну̊мта бузург кинум». Иброӣмат wи ɣин Соройен тар δарат қӣн сафар тойд. Wев қати Иброӣм хе̂р, Лӯт вуд.
Худоwанди Иброӣмард тар Канон замӣн пу̊нд дивих̇т.
Йаманди йу йакборга Хуδой аwоз х̇уд: «Ми мулкта Wуз ту наслийенард да̄ кум».
Ибройим хуш сутху,фикрйи чӯд иде,̂ йу пи ху мақсад фирӣпт: «Канон – йима йам ику замӣн иде,̂ wузум бойад таруд̊ ца йаθчат!» Б а ̄ д и И б роӣмқурбун̊иҷоймӣзд, ла ̄ к Худоwан дардқур бун̊ икихт̇.
Амо Хуδой га̄ пенен дар борайи wи наслийен нофа̄ мо вад. Хе̂р wиндат Соройанд зирйот навуд. Амо Иброӣми дити мис ху зиндаги Хуδойард боwари δод.
Худоwанди цу̊ндо пӣδ тар Иброӣм муроҷийат чӯд: «Турдта баракат δа̄мат, муофизатта ту кинум; йича̄йаθта турд бади наких̇т». Хуδой аз Иброӣм розӣ вӯдху, wийи Ху ох̇но лу̊д.
САWОЛЕН
1) Бех̇ди ҷау̊н мардуми чирд саҷда̄йат хизмат чӯд?
2) Хуδойи ик wи одам Ху ох̇но ца лу̊д, wи ну̊м ча̄й вуд?
3) Хуδойи Иброӣмард чӣз wа̄да̄ δод?