БОБИЛ БУРҶ

Ба̄ди тӯфу̊н Нӯ паценанд, Сомат, Омат, Йофатанд фана̄ зирйотенат нибосенен сат. Одаменен пироки ра̄ нгти дароз умр наwӣнт, арра̄ нг то тӯфу̊нец цавуд. Ага Нӯйи 950 сол зиндаги ца чӯд, wи пуц Соми 600 сол умри wӣнт, ат Сом пуциво 430 сол ду̊нд зиндаги чӯд.

Амо пиро аз wи иде̂, Нӯ наслийенен фукаҷо тихӣрм сат, дисга wоқийа̄ вуд.Тар Шинор замӣнен аз шарқ одаменйат.Wа̄δен фукаθ йи зивти га̄ п δод. Йакбор wеванд йи фикр пеδо сутху, йакдигарарден лу̊д: «Йадет лапаθ хих̇т кина̄ мху θе̂wа̄ м wевху, х̇а̄рат,йигағула̄ бурҷ моза̄м,ла̄к wи биланди то осму̊нец вид.Ик дитита, пиро аз замӣнард тихӣрм ситтоw, ма̄ шта ху ну̊м не̂δа̄ м».

Худоwанди wев катаҷу̊ни wӣнтху, лу̊ди: «Wуз са̄ м ар одаменхезху wев зив алалаш кинум, ба̄ дта йид wев бема̄ нӣ нақша̄ иҷро насу̊д».

Йакбораθ дисга сут иде̂, одаменен ачга йакдигар зив нафа̄ мт, ду̊н ҷа̄ т wа̄ δен аррақамаθ зивенти га̄ п δод. Ди ҷа̄ т wев байнард ду̊ндард нофа̄ ми сут иде̂, йид бурҷ мӣздоw хер сут.

Ба̄ ди Худоwанд wе̂в фук ҷау̊нард тихӣрм чӯд, ди ҷа̄ т ба̄ д wи х̇а̄ р ну̊м Бобил сут, йа̄ ни «алалаш». Wоқийа̄ дар борайи Бобил бурҷ нақл ких̇т иде̂, цара̄ нг ба̄ ди Тӯфу̊н аррақамаθ зивенен пеδо сат.