ЙАКӮМ БОР ИБОДАТХУ̊НА ПОК ЧӢДОW
Китоби Муқадас, Йуано «Инҷил», 2 боб, 13-17 ойатен
Исойат, Wи х̇огирденат, Wи виродарат, Марйамен аз Қонойанд тар Кафарнаум тойд. Йид ʒуликикаϑ х̇а̄рак ба̄ри Ҷалӣл хезанд вуд. Исо йичанд рӯз тар Кафарнаум редху ба̄д тар Ерусалӣм, тар Наҷот айу̊м тӯйд. Ибодатху̊на̄ аwлийанд фана̄ мардум вуд.
Тарамен наинки ик wа̄δ одамен ду̊нд вад иде̂, тар айу̊мен йатху хойих̇ен чӯд Хуδойард қурбу̊нийат дуо кинен, амо дуо ки амо дисга одаменен мис вад иде̂, wа̄δен тарам саwдо ҷа̄т йат. Худоwанд Исойанд Wи қа̄р wев саwдогаренат пӯл бида̄лкунен қати сифӣд, ду̊н ҷа̄т wа̄δен ибодатху̊на̄йанд саwдо чӯдат мардумтийен хурд пӯл чӯд. Худоwанд ибодатху̊на̄ бозор ҷиноw вад. Ху̊найи Хуδойанд ачаϑ қадр навуд.
Ба̄ди Худоwанд аз зима̄δти ва̄х̇ зох̇тху, аз wаманди қамчи чӯдху, саwдогарени wев х̇ӣҷенат молен қати аз ибодатху̊на̄йанд зиwост. Арча̄йен чибу̊д ца парδод, wеварди лу̊д: «Му Та̄т чӣд бозор ма̄гарδенет!»
Саwдогаренен wитийаϑ аз ибодатху̊на̄ аwлийанд нахтойд. Ат пӯл бида̄лкуненен Худоwанд қудратард тан δод. Исойи wев пӯл бида̄лкунен тангайен wи аwлийард тихӣрм чӯд. Йу мардуми Исо кор wӣнтху, айру̊наϑ ред, амо йича̄йаϑи за̄ра̄ начӯд иде̂, аз Wи пиро йоδдху гӣр Wи ких̇т.
САWОЛЕН
1)Исойи ибодатху̊на̄ аwлийанд чӣз wӣнт?
2)Исойи чӣр чӯд? Йуйи wев саwдогаренард чӣз лу̊д?