ДОНИЙОЛ ПОДХО̇ ДОРЙОWЕШ ДАРБОРАНД
Китоби Муқадас, «Донийол» китоб, 6 боб.
Модайат Форсанди подх̇о Курӯш укмру̊ни чӯд. Йуйи Бобиланд Дорйоwеш подх̇о не̂δд. Дорйоwеши ху мамлакатанд йаксаду бӣст хӯҷайӣн не̂δдху, wа̄δен бойад йаманд робари чӯҷат. Ат wевтийенво арайга алойид хӯҷайӣн не̂δд.
Wа̄δен wи мамлакат тартӣбот ҷа̄т ҷаwобгар вад. Йӣw аз wеванд Донийол вуд. Подх̇о Дорйовеши аз Донийол лап урмат чӯд, амо дарборанден дисга одамен мис вад иде, wи қатийен қайти чӯд. Wа̄δен ба̄д мусла̄т чӯдху, аз Донийол халос ситтоw ҷа̄тен нақша̄ хурд тӣжд. Ба̄ден йи рӯз йат тар подх̇о хезху лу̊ден: «Е подх̇о, ту умр ног дароз су̊д! Тут лап бақуwатат, баша̄ндат, дилсӯз подх̇о.
Йам мардум аз баракати ту зиндаги ких̇т. Амо фана̄ одамен дар борайи ди нафа̄мен. Ат ма̄ша̄м йи фикр чӯд, цара̄нг ла̄к дар борайи ту дилсӯзи фукаϑ фа̄мен. Ту бойад дисга фарму̊н зиwе̂δи иде̂, ла̄к ми мамлакат мардум йи ме̂станд ба ғайр аз ту, аз дигайен йичӣзаϑ ма̄тила̄пт. На аз одамат, на аз Хуδой, фақат аз ту ду̊нд тила̄птоw мӯмкин вид. Ба̄дта фукаϑ фа̄мен иде̂, тут цара̄нг дилсӯз подх̇о».
Подх̇о хуш сутху wитийаϑ лу̊д: «Йид баша̄нд фикр. Wузта дам фарму̊н дасхат кинум. Ат арча̄йта дам иҷро ца наких̇т, wита ар шерен чо пите̂wум».
САWОЛЕН
1) Бобиланд наw потх̇о ча̄ й вуд? Wи нум ча̄ й вуд?
2) Донийоларден чӣз нум δод?
3) Потх̇о Дорийӯш чидум фармун ҷой чи чӣд вуд?