ДОНИЙОЛАТ WИ ОХ̇НОЙЕН

Набукаднесар дарборанден йичанд йаӯди йошен зиндаги чӯд. Wа̄δен подх̇ойат бойен наслийен вад. Подх̇ойанд ба̄д ик дев одаменард алойид нақша̄ вуд. Йуйи хойих̇ чӯд ара соланд ик дев йошенард калду̊ни зиват аррақамаϑ илмен та̄лӣм δӣд, ла̄к wа̄δ аз ойанда̄ ик ди ғула̄ империйа робари чӣдоwард wирд йордам кинен. Wев йошен ну̊м Донийол, Ананйо, Мишоӣл, Азарйо вуд. Амо wеварден йисохга ну̊мен δод, ла̄к аз wев йаӯди аслат насаб йичӣзаϑ wев байоδ ма̄рист. Wев наw ну̊менен дисга вад: Балтшасар, Шадрак, Мешак, Абднаҷӯ.

Wа̄δ ох̇ногу̊нен тар асӣри мис ца вад, , ху Хуδойарден боwари δодат, дуоен Wирд чӯд. Арцу̊нд х̇оҷен мис wев ца чӯд, wа̄δен аз сар пиройаϑ лу̊д иде̂, подх̇о аwқотат шароб қатита ху ару̊м накинен.

Хуδойи wев йошен боwарийат мардийард баракат δодху, wеварди х̇е̂йдоwард хирадат, ду̊нишат, лайоқат да̄кчӯдат, зойирани мис wев хушрӯй чӯд.

Хуδойи Донийолард махсӯс лайоқат насӣб чӯд. Йуйи Рӯи Худоwанд йордам қати хӯδменат фикрийен та̄бӣр δод.

Йуйи йакбор Набукаднесаранд йи хӯδм та̄бӣр δод иде̂, йича̄йгайи ик wи хӯδм ма̄нӣ нафа̄мт. Подх̇о айру̊наϑ ред, амо Донийоли лу̊д иде̂, ик ди лайоқати wирд Хуδой насӣб чӯд. Йи ку ақу̊ни Хуδой иде̂, Донийоли wирд саҷда̄ ца чӯд, Набукаднесари мис Wи ситоwах̇ чӯд.

САWОЛЕН

1) Подх̇о Набукаднесари тар ху дарбор чи вӯд? Wев ну̊м ча̄й вуд ?

2) Wинд wев йошенард чӣз нақша̄ вуд?

3) Wа̄δ йошенен чӣз лу̊д?