ҶОСӮСЕН

Нӯн пуц Йоуша̄ йи лу̊д: «Йу ақу̊нийаθ бой замӣн вуδҷ». Мӯсойи wийат аз йозда̄ қабӣла̄йандга одамен интихоб чӯдху, wеви тар wа̄ даδоδҷин замӣн бохт̇, ку чисен йу цара̄ нг.

Wа̄ δен чил рӯзанд ди замӣнард неɣ̂ дат чӯхт̇ ен wи. Ба̄ ден гахт̇ чӯдху мардумарден дар борайи wи фирох зимценат, ғула̄ пухт̇ айенат ҷӣнга̄ лен нақл чӯд. Wа̄ δен ху қати йи хуха̇ ̄ ангӯр вӯд. Йу дун̊ дард ғула̄ вуд иде,̂ δу чорикен моθ қати wи сентху вӯден. Фукаθ ҷосӯсенанд ку йи га̄ п вуд: «Канон йид замӣн иде,̂ йаманд фукаҷо хӯ̇ вдат асал тӣзд».

Wа̄ δен ик ди ду̊нд лу̊дху гӣрен сат, ат йив аз wеванди беғамаθ лу̊д: «Мӯсо, йу замӣн арцу̊нд баша̄ нд ца вид, ма̄ шта wи анҷӣвдоw нава̄ рδийа̄ м, ду̊н ҷа̄ т wеванд лап бақуwат мардум!»

Wа̄δ дига чорикенен мис тарам ца вад, лу̊ден иде̂, рост, тарамен бақуwат одаменат wев х̇а̄ р гаргинӯх̇а мис ғула̄ бурҷен мӣзҷин. Йу мардум норозӣ сутху, wев садо биланд сут.

Фукаθанд wев қа̄ р сифӣдху Мӯсойен айбдор чӯд иде̂, йуйи тар дисга олат wев вӯд. Йеданд аз ғӯл дарӯнанд арчица садо биланд сут. Йид Колеб ну̊м чорик вуд иде̂, аз ну̊ми Йаӯдо қабӣла̄ йен тар wи наw замӣн ҷосӯси wи ца бох̇т.

Йуйи аз ғӯл дарӯнанд лу̊д: «Ма̄шта wев δе̂доw ва̄рδийа̄м! Боwар мурд кинет! Амо сар пиро Хуδойард боwар кинет! Йуйи ма̄шард wа̄да̄ δод иде̂, ик wи замӣнта ма̄шард да̄ких̇т. Йута ма̄ шард йордам ких̇т!»

Нӯн пуц Йоуша̄ йи мис Колеб тарафдори чӯдху, лу̊ди: «Х̇оҷ ма̄ δе̂рет! Беғамаθ вийет. Тама ду̊нд зидди Хуδой ма̄ андиʒет!»

Йу мардуми бадқа̄рwор Нӯн пуц Йоуша̄йат Колеб га̄пен х̇ичух̇тат, ху норозӣгийен лу̊д. Халқанд қа̄ рат алам wи диланд δодху, wев ниғих̇тоwен мис хойих̇ начӯд. Ба̄ ден фукаθ йакбораθ чӯхт иде̂, абри йатху wам ибодатху̊на̄ ка̄ лти гӣр сут – йид рӯи Худоwанд тар хирго озир сут. Wи халқ забу̊н wитийаθ ме̂р сут. Мӯсо тезаθ тар ибодатху̊на̄ дед, ла̄ к фа̄ мт иде̂, ку Хуδой исроӣлийенард чӣз чи лу̊вд.

Хуδойи wирд дисга лу̊д: «Йид мардум мурд ка̄ м боwари ца δӣд, Wузта хах̇ офат ди тора ва̄ м».

Мӯсойи вога Хуδойард зорги чӯд иде̂, ла̄ к Йу йакборга халқ гунойен бахих̇ ких̇т. Хуδойи wирд ҷаwоб δод: «Баша̄ нд, Wузта ди мардум нест накинум, ду̊н ҷа̄ т ту ди аз Му хойих̇ кини. Амо ик wа̄ δ одамен иде̂, тар Мисрйат, тар бийа̄ бу̊нен Му мӯҷизайен wӣнтху, ғалаθ мис Му ца наниғу̊ɣен, wа̄ δта ик wи замӣн иде̂, wев аwлоденардум wа̄ да̄ ца δод, наwинета. Wузта wев тар wа̄ даδоδҷин замӣн нала̄ кум. Халқта чил сол бийа̄ бу̊нард саргарδу̊н су̊дху, ба̄ ди дита наw замӣнандбарҷойсу̊д.

Диwахтандтағула̄ одаменфукаθмаренат, фақат Нӯн пуц Йоуша̄йат, Колебат арча̄йгаен шич ғал ʒулик ца, ва̄ рδийента тар Канон деδен».