ТИЛОЙИ ШӢГБУЦ

Мӯсо фана̄ рӯзен пи Сӣно кӯ редху Хуδой қатийи нақл чӯд. Ат мардум пи wи нӯст, ку цаwахта тезди йу йоδд. Wа̄ δен арцу̊нд лапди пи Мӯсо ностат, ду̊нгайен бетоқатди сат.

Wа̄δен ба̄д хойих̇ чӯд дига халқен ҷиноw хубаθ хурд хуδой киненху, wирд саҷда̄ кинен. Йў мардуми ар рӯз аз Орӯн хойих̇ чӯд иде̂, бут wевард ких̇т. Wа̄ δен ду̊ндард гаранг wи чӯд иде̂, охиру̊нард йу мис розӣ сут. Йуйи фа̄ мт иде̂, ага ди мардум га̄ пта ца ниғу̊ɣд, пас аз Хуδой га̄ пента ху пӣц гарδент, амо йуйи ди халқ қати йичӣзаθ нава̄ рδод. Орӯни ик wи тило иде̂, мардуми wи ҷа̄ м ца чӯд, зох̇ти wиху, оби wи чӯдху, аз wиндийи шӣгбуц сохта̄ чӯд. Wийи бад рибӯд мардум пирондиху, wа̄ δен хушизор сатху, лу̊ден: «Йима ма̄ ш Хуδой!»

Мӯсо аз Сӣно кӯ ха̄ вдху wи мардум хушийи wӣнт. Йуйи наw фирӣптат wитийаθи фа̄ мт иде̂, чӣз га̄ п сут.

Йуйи wевард лу̊д: «Тамет гунокор мардум! Тамет бехуδой!» Wи цеменанд йух̇к лап сут. Исроӣл мардум wеру̊н сут, зинда̄ Хуδойен ла̄ кчӯдат шӣгбуц бутарден саҷда̄ дараw чӣд сат!

Мӯсойи дисга хах̇ гуно wӣнтху wи қа̄ р сифӣд. Йуйи ба̄ д wев тахтасанген аз ху тӣр сентху дисга хах̇и та̄ хард wев δод иде̂, wа̄ δен нарма̄ сат.

Ба̄ ди Мӯсо римод wи тилойи шӣгбуц вираɣен. Йуйи wевард лу̊д: «Тамет хах̇ гуно чӯд. Амо wузташ во сифа̄ нум пи кӯху аз Хуδойта хойих̇ум иде̂, ла̄ к бахих̇ тамард ких̇т. Йаст Хуδой дига во мис тоқат ких̇т».

Ба̄ д Мӯсо вога пи Сӣно кӯ сифӣдху ху мардум ҷа̄ ти аз Хуδой бахих̇ тила̄ пт. Йу Хуδойард зорги дараw чӣд сут: «Ага Ту бахих̇ wевард ца накинийат, ага Ту хойих̇и нест wев кини, пас му мис wев қати нест ки».

Хуδойи wирд дисга ҷаwоб δод: «Wузта ик wи одам ҷазо δа̄ м иде̂, йуйи гуно ца чӯд, амо Исроӣл мардумта фукаθ нест накинум. Wузум ик wи замӣн Иброӣмат, Исоқат, Йа̄ қӯбард wа̄ да̄ ца δод, тама сетху йаманд ниθет, ат wузта Хубаθ тама қати наса̄ м».

Мӯсойи вога Хуδойард зорги чӯд: «Йо Худоwанд, ага Ту ма̄ ш қати ца наса̄ wи, пас мурд мис ди мардум тарам йе̂доw нафорт, ду̊н ҷа̄ т ма̄ шта бе Ту нава̄ рδийа̄ м!»

Хуδойи ба̄ д Мӯсойард лу̊д: «Мӯсо, Wузум ту жӣwҷ, ди ҷа̄ тта ту хойих̇ иҷро кинум. Wузта ди мардум гуно дирд бахих̇ кинумху тама қатита тар wа̄ даδоδҷин замӣн са̄ м».

Ба̄ д аз чанд wахти Хуδой аз Мӯсо римод иде̂, наw тахтасанген ких̇тху wев δӣст амри во wевти нивишт.