ПАЛОЧИН САБАД

Ба̄ д аз wи иде̂, Йа̄ қӯбат wи паценен тар Миср, тар Йӯсуф хез ца сат, фана̄ соленен наɣҷӣд. Шичен wа̄ δ найинки йи ху̊наwода̄ вад,wа̄δенйиғула̄ халқ,йа̄ниИсроӣлхалқвад. Миср мардумен Йӯсуфат wи йордам пигоθ ринӯх̇т. Фана̄ фираwненен бида̄ л сатху, Миср мардумард дисга дивих̇т иде̂, аз дев бегу̊на̄ мардум wевард хатар йаст.

Ди ҷа̄ ти ба̄ д йид наw фираwн дев Исроӣл мардум фукаθ ғулу̊м чӯдху, wев зиндаги холи ме̂натат азоб вуд. Wев кор аз ҷира̄йат палочанд хих̇т тайорчӣд вуд. Фираwни йаӯдийенти дисга хӯҷайӣнен не̂δд иде̂, wа̄ δен холи wазмин корен wевти чӯд. Wеварден лу̊д иде̂, йи рӯзанд бойад цу̊ндик хих̇т wа̄δ тайор кинен, ат ду̊нгайен ца нава̄рδод, да̄δ хӯҷайӣненен хах̇ ҷазо wев δод. Амо арцу̊нден да̄ δ мисрийен wи Исроӣл мардум азоб ца δод, йу лапди сутат, ар сол бақуwатди сут. Ди ҷа̄ ти ба̄ д фираwн соф гандади фикр чӯд: фукаθ мардӣна̄ бача̄ ен наw аз на̄ н ситоw қати wитийаθ зӣдоw даркор.

Йи имун̊ дор исроӣли ɣиниканд пуц сут. Йа̄ йи фа̄ мт иде,̂ wам кӯдакта Хуδой дун̊ д аз ма̄ рг халос чӣдоw ва̄ рδед, ди ҷа̄ ти ба̄ д йа̄ ха̇ ̄ б то меθ дуо чӯд. Йа̄ йи дароз wахтец аз мисрийен wи ҷой чӯд. Амо йу кӯдак арамес̂ тун̊ ҷ сутху, йа̄ йи фа̄ мт иде,̂ ачгата wи ҷойчӣд нава̄рδед. Wи ғаδабуц йах, Марйами ху на̄нард, йордам чӯдху, wа̄ δен wи зохт̇ ху ар wӣфчин сабаден рибӯд. Wам сабадарден аз дарӯн қир молт , ла ̄к ха̇ц тар wам ма ̄нахт̇ӣзд . Ба ̄ден wам сабад зохт̇ ху тар Нӣл дарйо хезен сатху палочен дарӯнанден wам ҷой чӯд .

Азаманди ха̇ц wам йед̂ оw нава ̄ рбод. Марйам дӯсга δарди сатху чӯхт̇ и ку чӣз га̄ пта суд̊ . Йа̄ йи чӯхт иде,̂ ба̄ д аз чанд wахтен ɣиникен тар дарйола̄ в йат. Сар пиро йи йош ɣиник вад. Wаманд wам пи та̄ на̄ қиматбао луқ вуд. Йа̄ фираwн ризӣн вад, ат wа̄ δ дигайенен хо̇ wам канӣʒакен вад. Йа̄ подхо̇ ризӣн йаманд х и̇ н о w а р и ч и ч ӣ д в а д . Йа ̄ йихулуқен wе δдху, оста ̄ йа θарха̇ц дед . Фираwн ризӣни хи̇ ноwари чӯдат, оста-оста̄ тар wам сабад хез наздӣк сат, ат Марйаманд wам дил дираптат тамошойи чӯд. Фираwн ризӣн ба̄ д йакбораθ гӣр сатху, луд̊ и: «Йам чӣз?» Йа̄ йи ху канӣʒак римод иде,̂ wам сабад аз ха̇ цанд зиwеδ̂ д, ба̄ ди wам ғев̂ йет чӯдху ху амрогун̊ арди луд̊ : «Йам хо̇ исроӣлийен кӯдак. Минди хо̇ ми на̄ н хойих̇ чӯд аз му та̄ т аскарен ми ҷой кихт̇».

Wа̄ δен wам пех̇цт: «Ма̄ ш ми қати чӣра̄ м?»

Йайи wевард лу̊д: «Wуз хойих̇ накинум ди кӯдак зӣнен!» Йа̄йи ба̄д чӯхт иде,̂ Марйам оста-оста̄ тарwев хез йат. Фираwн ризӣни wам пехцт: «Тут аска̄ таруд̊ йат?» Марйами оста̄ йикаθ луд̊ : «Wузо?.. wузум йи куд̊ ард хурд бози чӯд. Тамард даркор ца вид, wуз са̄ м йи ɣиник вирӣмху ва̄ м таруд̊ ху, йа̄ ди кӯдак сер кихт̇ Фираwн ризӣн розӣ сатху, Марйам жех̂ т̇ о жех̂ т̇ и тар ху чӣд сат. Наw фирӣптху, ху да̄ ми мис наδодху, фукаθи ху на̄ нард нақл чӯд.

Wам на̄ н на̄ ла: «Хуδойи ма̄ ш дуойен х̇уд».

Ба̄ден варθ ситиробу̊на̄ тар дарйола̄в сат. Фираwн ризӣни wамард лу̊д: «Ми кӯдак йос тар ху чӣдху, чис ми. Wузта ми чӣх̇тоw ҷа̄ т пӯл турд да̄ кум. Ат арwахт йид ғаδабуц ғула̄ ди сут, тар му хез ди ва. Йидта мурд пуц ҷиноw су̊д».

Wи на̄ ни аз хуши га̄ п δе̂доw мис нава̄ рδод. Йа̄ йи ху ка̄ л ду̊нд wеδд. Фираwн ризӣни wи кӯдак ба̄ чӯдху, лу̊ди:

«Хай пуцик, вота wина̄ м!»

Йа̄ ба̄ д тойд тар ху ароба̄ хез. Wи на̄ нат Марйамен мис ба̄ wи чӯдху, хушомаден wирд лу̊д. Йу ғаδабуци йичанд сол ху а̄ ли оила қати зиндаги чӯд. Wийен ухма̄ нд чӯд, цара̄ нг бойад йу Хуδой жӣwҷ ких̇тат, дуо Wирд ких̇т. Йу ба̄ д ғулади сутху, wи на̄ ни тар фираwн дарбор wи вӯд. Фираwн ризӣни wи ну̊м Мӯсо δод. Йа̄ йи римод иде̂, фукчӣзаθ wи ухма̄ нденат, фираwн пуц ҷиноw wи тарбийат кинен.

Мӯсо тез-тез тар ху на̄ нат та̄ тат, тар ху йах Марйамат тар ху вирод Орӯн хез сут. Йу аз дарборанд тар ху чӣд ца сут, исроӣлийен қишлоқенва наɣҷӣд. Йуйи wев а̄ wол wӣнтху, малол сут, ба̄ ди ху диланд лу̊д: «Йид лап ноақи иде̂, Миср мардуманд мев зиндаги баша̄ ндат, йам му мардум фукаθ камбағал. Исроӣл мардум аз са̄ ракийанд то вега̄ йец ме̂нат ких̇т, амо дити мис баша̄ нд ху сер чӣд нава̄ рδедат, фукаθ Миср мардумард итоат ких̇т».

Йакбори йу wӣнт иде̂, цара̄ нги йи мисри чорик аз исроӣли а̄ м wазмин кор римодат, а̄ ми қамчи қати wи δод. Йу исроӣли ба̄ д wе̂х̇т. Ат йу мисри чорик қамчи қати wи дараw δе̂д сут, гуйо ла̄ к андӣзд. Мӯсойи йик ди бера̄ мийат ноақи wӣнтху, ачгайи тоқат нава̄ рδод. Йуйи ху гаргинӯх̇а̄ чӯх̇т, ку йича̄ й йамард йасто най, ба̄ д сутху wи мисри чорики зӣд. Мӯсойи чӯх̇т йу чорик беҷу̊нху, ба̄ ди фа̄ мт иде̂, чӣри бар wи чӯд.

Йи рӯзгайи Мӯсо чӯх̇т иде̂, δу исроӣли ғал шара̄ т кинен. Йу йат тар wев хезху, ик wи ноақ одамарди луд: «Ла̄ к ди! Ту чӣзард ху вирод қати δе̂д кини?» Йу чорики ба̄ д Мӯсойард лу̊д: «Турд ба̄ д чӣз? О ту хойих̇и му мис wи мисри чорик ҷиноw зӣни?»

Мӯсойанд аз х̇оҷ wи ра̄ нг мис сафед сут. Йуйи ху диланд фикр чӯд: «Йид цара̄ нг тезаθ па̄ н сут? Ага фираwнта ца фа̄ мт иде̂, wузум мисри одам зӣд, wитийаθта му зӣдоw римед. Wуз бойад рицӣθум!»

Йу ачга тар дарбор найат. Фираwни мис х̇уд иде̂, Мӯсойи одам зӣδҷ, ба̄ д ақу̊нийаθ wи чизӣд сут, ди ҷа̄ ти ба̄ д римод х̇икарен wиху тар дарбор wи вен.

Мӯсойанд а̄м х̇оҷат са̄м wи дарӯнанд вудат, а̄м йу хафа̄ сутат, а̄ мга аз ху мис норозӣ вуд. Wинден wи да̄ мти ностху, йу маҷбӯр сут аз Мисрийанд δарди тӣзд. Йу ик дити тӯйдху-тӯйдху тар Мидйон замӣн фирӣпт.

Йамард фақат шошат жӣр ду̊нд вуд, ат Мӯсойи йи ҷойанд чо вирӯдху хушизор сут. Йуйи азаманд х̇ац зох̇тху бирох̇тийат, йичанд йош ға̄ ценен ху молен қати тар wам чо хез йат. Wа̄ δен ху мол х̇ац чи δе̂д вад, ат Мӯсойи wевард йордам чӯд. Wа̄ δ ға̄ ценен ба̄ д wи йордам ҷа̄ т аwқотхӣд wи қӣwд.

Да̄ δ wӯвд ға̄ цен Йитрӯ ну̊м чорик ризӣнен вад. Йитрӯйанд пуц навуд, ди ҷа̄т ба̄д wирд йош мардӣна даркор вуд. Йуйи Мӯсо қати нақл чӯдху фа̄ мти иде̂, wинд йичӣзаθ мақсад нистат, йу дисаθ таред йаθч, ба̄ ди Мӯсойард лу̊д иде̂, wи хезанд нӣθт. Ик дити йида Мӯсо аз фираwн хушрӯй дарборанд тар Мидйон замӣн wе̂х̇тху, хиргойанди зиндаги чӯд.

Ба̄ д аз чанд wахти Мӯсо Йитрӯйанд wи сар ғула̄ ризӣн вӯд. Wам ну̊м Сифӯра вуд. Wеванд ба̄ д пуц сут. Мӯсойи ху хисур молат жоw пе̂йдат, аз Мисрйи оста-оста̄ ринӯх̇т. Йуйи дар борайи ху халқ мис ка̄ м фикр чӯд.

Амо Хуδойи Исроӣл мардум наринӯх̇т. Йуйи wев олат wӣнтат wев дуойени х̇удху, йордам wевард чичӣд сут. Хуδойи ба̄ д ди кор ҷа̄ т Мӯсо интихоб чӯд.

САWОЛЕН

1) Чӣзарди фираwн исроӣлийенти wазмин корен чӯд?

2) Фираwни Исроӣл мардум нест чӣд ҷа̄ т чӣз фикр чӯд?

3) Мӯсо на̄ ни ху кӯдак қати чӣр чӯд?

4) Мӯсо ғал тар ху додат на̄ н чӣд ца вуд, wи на̄ ни wи чӣз ухма̄ нд чӯд?