ЙӮСУФАТ WИ ВИРОДА̄ Р ВОХУРИ

Тар Миср wӯвд соланд ках̇танд баша̄ нд осил сут. Ба̄ д аз ди, wӯвд солво осил насут. Мисрийанд маɣʒу̊нҷи сар сут. Мардум тар фираwн хез сутху, гарδа̄ йен тила̄ пт: «Ма̄шанд йичӣзаθ хӣдоwард нист,ма̄шта аз маɣʒун̊ ҷи мара̄м». Фираwни wевард лу̊д: Сет тар Йӯсуф хез, йута тамард йордам ких̇т.

Мардум тар Йӯсуф хез сутху, йу wевард аз амборанд ках̇т

дараw парδе̂д сут. Мардум аз фана̄ мамлакатен тар Миср йатху, нуқра̄ тийен ках̇т харӣд чӯд. Йӯсуфи wев пӯл зох̇тат, wев бӯҷӣнени аз ках̇т лап чӯд. Миср амборенанд ду̊ндард лап ках̇т вуд иде̂, Йӯсуфи ва̄ рδод фукаθ мардумард wи фире̂пт.

Тар Канон замӣн мис, Йӯсуфат wи ху̊наwода̄йен тарам зиндаги ца чӯд, маɣʒу̊нҷи вуд. Йа̄ қӯби х̇уд иде̂, тар Миср ках̇т парδен, ба̄ ди ху пацен тарам бох̇т. Wа̄ δен тар δарат қӣн сафар нах̇тойдху, оқибатен тар фираwн дарбор фирӣпт. Wевен тар йи чорик хез wеδд. Йуйи тар wев ца чӯх̇т wеванд а̄ м х̇оҷ wев диланд пеδо сутат, а̄ м урмат. Ат wи пи тана̄ хушрӯй луқ вуд. Wев сар ғула̄ вирод, Реӯбени фикр чӯд: «Йи кам х̇о фираwн wазӣр, Мисрийанд ба̄ ди подх̇о дуйум одам».

Амо йуйи нафа̄ мт иде,̂ йи ку одам wи вирод Йӯсуф вуд. Wа̄ δ виродарен ба̄д урмат ҷа̄т wи wазӣр пиронди ху чизун̊ δодху,луд̊ ен: «Е wазӣр, ту ра̄м бар ма̄ш киху ках̇т ма̄шард да̄к. Ма̄шта баша̄ нд нархти wи зе̂за̄ м!»

Ат Йӯсуфи wев ху вирода̄ р фа̄ мт. Йу дӯсик гӣр сутху фикрийи чӯд: «Ку чисум, му вирода̄ рен йисохга сицо най? Ку мев бадкирдори мев байоδо, ку х̇ему̊нен сицо най?»

Йуйи ба̄ д бадқа̄ рwораθ wевард лу̊д: «Тамет ҷосӯсен! Тамет йаθч ми замӣн чисетху, ба̄ д ма̄ шти уҷум кинет!» Wа̄ δен х̇оҷ пи х̇оҷ лу̊д: «Най, най». Ба̄ ден ху ка̄ л ар зима̄ δец wирд хамбент.

Ди wахтанд Йӯсуфанд wи хӯδм wи байоδ δод: wи вирода̄ р wе̂бенен wи wе̂бард ху ка̄ л хамбент.

Йендийи ба̄ д Реӯбен лу̊д: «Ма̄ ша̄ м фукаθ вирода̄ р. Ма̄ ша̄ м дуwозда̄ вирод вад. Йу йӣw мӯдат, йу сар ʒулик тар чӣд ред».

Йӯсуфи wевард лу̊д: «Баша̄ нд, амо wуз бойад аwал фа̄ мум иде̂, ку тама рост лу̊вето най. Ди ҷа̄ тта йӣw аз тамата ристат, тама дигайен ках̇т йосет тар ху чӣдху, ба̄ д ху ʒулик вирод зетху тар му хез вет. Ага йута ца йоδд, тама ва̄ рδийет во йила̄ вга ках̇т харӣд кинетху тар ху чӣд йосет. Ага ца найадета, пас тамет мурд дирӯғ лу̊вҷ, ат ақу̊нийаθет ҷосӯсен виц». Wа̄ δен ба̄ д ху вирод Шиму̊н йаманд ла̄ кчӯдху, ху бӯҷӣнен аз ках̇т лап чӯдху тойден.

Да̄ δ вирода̄ рен ба̄ д тар ху та̄ т Йа̄ қӯб хез йатху, арчӣз ца вуд wирден нақл чӯд. Амо Йа̄ қӯби хойих̇ начӯд иде̂, wи сар ʒулик пуц, Бинйомӣн мис wев қати су̊д, ду̊н ҷа̄ т йуйи х̇оҷ δӯйд иде̂, ху пуцта аз даст δӣд.

Амо ба̄ д аз йичанд ме̂ст wев ках̇т тайор сутху, Йа̄ қӯб ба̄ д маҷбӯр сут иде̂, ху ʒулик пуц мис wи вирода̄р қати ла̄ких̇т. Йаӯдойи ху та̄ тард ва̄ да̄ δод иде̂, Бинйомӣнта чост.

Wа̄ δен наw тар Миср фирӣптат, wевен wитийаθ тар wазӣр чӣд йод. Йид wев зорδти ғалч сут. Амо wа̄ δен айру̊н сат иде̂, чӣзарден wев тар йи ғула̄ ма̄ ла̄ йодху, ташкӣлийен wевард чӯд. Чӣзарди фираwн wазӣр wевард ду̊нд ташкӣли чӯд? Арйак вироданд алойид ҷой вуд, аwал ғуладиху, пис wийаθ ʒулдиху, ик дитийен wев синат сол қати пис йакдигараθ wев барҷой чӯд. Амо аҷойиб, цара̄нген wа̄δ Миср мардум дев вирода̄р синат сол фа̄ мт. Ди ташкӣли wахтанди wазӣр хойих̇ чӯд дар борайи wев ху̊наwода̄ лапди арчӣзаθ фа̄ мт, диҷа̄ ти ба̄ д йу мисри зивти wевард саwол δодат, wи га̄ пенен wевард тарҷума̄ чӯд.

Wам йига рӯзен wа̄ δ вирода̄ р тар ху чӣд гах̇т чи чӣд вад. Wев бӯҷӣненен аз ках̇т лап чӯд. Шиму̊н мис тар ху вирода̄ р амро сут. Wев та̄ тта йакҷойаθ wев ца wӣнт цара̄ нг хушта су̊д. Амо wа̄ δен наw йила̄ в ҷой тойдат, ворҷдоренен wев дарйов чӯд. Йу

wев хӯҷайӣни ба̄ д лу̊д: «Тамет чӣзард wазӣр чӣданд дузди чӯд? Йуйи хе̂р тамард ташкӣли чӯдат, тамет бех̇армаθ нуқрайин куза̄ азаманд цифт!» Реӯбени ба̄д лу̊д: «Ма̄ша̄м йичӣзаθ нацифч, йида х̇икарет ма̄ шҷа! Ага wи куза̄ йичиҷа ца вирийет, ва̄ рδийет ик wи одам

зӣнет, ат ма̄ ш дигата тама хӯҷайӣнард ғулу̊м са̄ wа̄ м».

Wа̄ δен ба̄ д ху бӯҷӣнен йет чӯдат, аз Бинйомӣн бӯҷӣнанд куза̄ wе̂х̇т. Wа̄ δен нафа̄ мт иде̂, Йӯсуфи хубаθ римод иде̂, ар Бинйомӣн бӯҷӣн куза̄ рибийен. Йӯсуфи хойих̇ чӯд охиру̊н бор ху вирода̄ р

озимӯд ких̇т. Wа̄δен са̄м бар са̄м тар фираwн дарбор гах̇т чӯд. Йӯсуфи римод иде̂, wа̄ δ бойад Бинйомӣн амчун ғулу̊м тар Миср ла̄ кен. Йеданди ба̄ д Йаӯдо беғамаθ лу̊д: «Е wазӣр, мунд йи хойих̇ аз ту.

Wузум ху та̄ тард wа̄ да̄ δод иде̂, wи ʒулик пуцта йира̄ нгаθ насу̊д. Ага Бинйомӣнта тар чӣд гах̇т ца наких̇т, ма̄ ш та̄ тта аз зақах̇ мӣрт. Диҷа̄ т wуз аз ту хойих̇ум иде̂, Бинйомӣн ла̄ кат, wи ҷойти wуз турд ғулу̊м са̄ м. Йӯсуфи шич фа̄ мт иде̂, йи wахтен wи вирода̄ р wирд гандаги ца чӯд, йу wевард дарс сут. Wа̄ δен йи wахт ху вирод тар ғулу̊ми парδод, ат шичен ху йига вирод халос чӣд ҷа̄т тайор вад иде̂, хубаθ мис ғулу̊м сен. Wа̄δен пироки дастӯр навад, Хуδойи wев дилен исохга чӯд». Йӯсуф ба̄ д хах̇аθ дараw нӣwд сутат wи вирода̄ рен айру̊наθ ред. Ба̄ д йу дӯсик ору̊м сутху wеварди лу̊д: «Wузум тама вирод Йӯсуф!»

Wа̄δ йозда̄ вирода̄рен дисга тар wи чӯх̇т иде̂, тулу йакум борен wи wӣнт, ат йи га̄ п мис аз wев ғе̂ванд нанах̇тӯйд. Йид ику Йӯсуф вуд иде̂, шич қарӣб фукаθ Миср ди миδуст ца, ат йи wахтен wи вирода̄ р wи қати қайти ца чӯд, ду̊н ҷа̄ т wи та̄ ти сар лап wи жӣwҷ чӯдху, ди ҷа̄ тен ба̄ д wа̄ δ тар ғулу̊ми wи парδод.

Йӯсуфи wевард лу̊д: «Х̇оҷ ма̄ δе̂рет, wузта тама қати кӣн на анҷа̄ м, ду̊н ҷа̄ т шичард ма̄ лум сут иде̂, Хуδойи ди ҷа̄ т тар Миср му бох̇т иде̂, ла̄ к wуз тамайат фана̄ га мардум аз маɣʒу̊нҷи наҷот δа̄ м, ага най ма̄ ша̄ м фукаθ аз рӯйи йик ми бадбахти мӣɣʒат. Йам хух̇ксоли δу сол тар пиро сар сут, ат йамта ақу̊ни wӯвд сол даwу̊м ких̇т. Тамет тару̊д ца йат, wузум фа̄ мт иде̂, йид хости Хуδой қати вуд».

Wа̄δ вирода̄рен ху ҷойти анде̂ғаθ ред. Wа̄δен боwар мис начӯд иде̂ ди ху виродарден диду̊нд бади ца чӯдат, wинд шич дига қудрат ца, ачаθта ху қари аз wев назе̂зд.

Амо Йӯсуф йат тар wев хезху, лу̊ди: «Бинйомин! Тут бағер му нафа̄ ми?, Wузум ту вирод Йӯсуф».

Ба̄ д Бинйомӣн тар wи хез сутху, йакдигарен кинор анҷӯвдху, азхушийеннӣwд. Вирода̄рен во фукаθ йакҷо сат. Wа̄δен фукаθ йӣwи андойдат Йӯсуфен кинор анҷӯвд. Wа̄ δен боwар начӯд иде̂, йид арчӣз фук ца наɣҷӣд, йид рост вуд. Йӯсуфат wи вирода̄ рен дароз чақ-чақ чӯд, wа̄ δен йакдигарард фана̄ нақл чӯд!

Фираwни х̇уд иде̂, Йӯсуф вирода̄ рен тар wи хез йаθч, ба̄ ди тар ху хез wи қӣwдху, лу̊ди: «Ху вирода̄ рад лу иде̂, ху та̄ тат, ху ҷама̄ тенга зенху тар Миср йаденху, ту̊нец моɣʒ тайор насуδҷ, тару̊д ниθен.

Wузта wевард ворҷенат аробайен да̄ кум, ла̄ к wа̄ δ ва̄ рδийен ху а̄ ли оила аз Канон тару̊д вен. Арцу̊нд молат мулк wеванд тарам ца рист, ла̄к wи ҷа̄т хафа̄ ма̄сен, wузта тару̊д фукчӣзаθ wевард да̄ кум!»

Йӯсуфи фираwнард ху ка̄ л хамбентху, лу̊ди: «Е хоҷа̄ , ту лап ме̂рабу̊ни мурд кини. Wуз са̄ м ту фарму̊н тезди иҷро кинум».

Wам йига рӯзен wа̄ δ вирода̄ р тар Канон пис ху та̄ тат, ху а̄ ли ойила̄ йат, пис ху айwу̊н сат. Wа̄ δен тойдат, Йӯсуфи аз зибо wев чӯх̇т, ат Бинйомӣни то пано δе̂доwец δуст тар wи wеδд.

САWОЛЕН

1) Йӯсуф хӯδм дар борайи wе̂бен цара̄ нг иҷро сут?

2) Чӣзарди Йа̄ қӯб аз Бинйомӣн wи вирода̄ р қати тар Миср нала̄ кчӯд? 3)Ар wев вирода̄р бӯҷӣненен нуқрайин куза̄ цавирӯд,wа̄δенчӣзард хо̇ҷ δӯйд?