АЗ БА̄ РИ СУРХ НАƔҶӢДОW

Наwен исроӣлийен тойдат, фираwн wитийаθ х̇ему̊н сут иде̂, ца ла̄ кчӯди wев.

Йуйи ху аскаренард лу̊д: «Ма̄ш бойад дарйов wев кина̄м!

Тару̊д wев ва̄ ра̄ мху, хах̇ ҷазота wев δа̄ δа̄ м».

Мисрийенен ворҷен пи аробайен вӣстху, канцаму̊нен зох̇тху,

сифӣден wев аробайентиху, исроӣлийен да̄ мтийен раwу̊н сат. Исроӣл халқ тар Канон замӣн тӯйд. Хуδойи Хубаθ wевард пу̊нд дивих̇т. Йуйи меθин абри дарӯнандат, х̇а̄ б йоц дарӯнанд дедху, wев тар пиро тӯйд. Меθини йу абр аз гарми wев муофизат чӯдат, х̇а̄ би йу йоц wев тар пиро рух δод. Арwахт йу абри гӣр ца сут, Мӯсойи аз мардум римод иде̂, хиргойен не̂δенху тар wев дарӯн ху да̄м δен. Ат наwво йу абри тар аракат δодат, исроӣлийенен во wи да̄ мти раwу̊н сат.

Wа̄ δен ик дити тойдху, тар ба̄ ри Сурх хезен фирӣптху, ху

да̄ мен чи δе̂д вад. Wа̄ δен ғал ху хиргойен нане̂δҷат аз wев зибо ғаwғойат ворҷен же̂х̇тоw садо сут. Wа̄ δен тар Миср тараф чӯх̇тху, wӣнтен иде̂, фираwнат лапаθга аскарен ворҷенат аробайенти тар wев хеза̄ ҷ йаден. Фираwн ди ҷа̄ т wев да̄ мти йат, гуйо во тар Миср wев йе̂ст.

Wа̄ δен тар wев аробайен чӯх̇тху анде̂ғаθен ред. Wа̄ δен нафа̄ мт чӣр кинен. Аз пиро ба̄р вад, аз зибо фираwнат wи аскарен. Исроӣлийенен хах̇ х̇оҷ δӯйдху Мӯсойен дараw ақорат сат: «Тут чӣзард тар бийа̄ бу̊н ма̄ ш мӣдоw вӯд? Бар йу̊данд мӣдоw, мисрийенардам ғулу̊м ца вицат бӣди».

Wа̄ δен дев ху га̄ пен қати ху ку̊рнамаки дивих̇т, амо Мӯсойи ба милойимийаθ wевард фа̄ му̊нт: «Х̇оҷ ма̄ δе̂рет! Хубаθта wинет, цара̄ нгта Худоwанд нур тамард йордам ких̇т! Худоwандта тама ҷа̄ т мубориза̄ йе̂ст, амо тама ду̊нд ору̊м вийет!»

Йеданд ба̄ д йи аҷойиб чӣз сут. Йи ку абри иде,̂ меθин аз исроӣлийен пиро вудху, пун̊ ди wевард ца дивихт̇ , йу йатху байни исроӣлийенат мисрийен лихк̇ ар дед. Мисрйенанд wев пиронди ғ а ̄фц абри пеδо сут . Аз рӯ ии ди wев лихк̇ар wойима ̄ йанд δод , ди ҷа̄ти ба̄д фираwн римод иде,̂ ди абри бедоwец ғал йичӣзаθ ма̄кет.

Йу абрийи аз мисрийен тараф торик чӯдат, аз исроӣлийен тарафи рух̇нойи чӯдху, пу̊нди wевард дивих̇т. Исроӣлийен х̇оҷ дӯсик ка̄ мди сут. Амо wа̄ δен нафа̄ мт чӣр чӣдоw даркор. Фукаθен тар Мӯсо чӯх̇тат, ди вахтанди Хуδой wирд лу̊д: «Ху моθ сенху ху δуст тар ба̄ р хез ки, ба̄ р мобайнвата қоқ су̊дху, исроӣлийента йамва наɣҷӣсен».

Мӯсо ба̄ р хезанд wирӯвдху ху δусти тар х̇ац хеза̄ ҷ чӯд. Ба̄ р хӣф дараw чӣд сатху, ба̄ ди wи хах̇ х̇ӯʒ андӯйд. Йу ду̊ндард хах̇ сут иде̂, х̇аци мис тар па̄ ли чӯд. Ба̄ р мобайнва фирохаθ хух̇ки пеδо сут.

Оқибатарди х̇ӯʒ wам х̇ац тар δу тараф ба̄ р δодху, wам мобайнва исроӣлийенард пу̊нд сут. Йид Хуδой мӯҷиза̄ вуд. Мӯсо ба̄ д дам ба̄ р бунва пиро δодат, дигайенен ху а̄ ли ойила̄ қати wи да̄ мти раwу̊н сат.

Абри оста-оста̄ аз мисрийен пиронди дараw бед сутху, wа̄ δен мис ху ворҷенти сифӣд. Wа̄ δен мис wи ба̄ р бунва пу̊нд wӣнтху, йамвайен раwу̊н сат. Wа̄ δен дӯсик ҷой тойдат, wев аробайенен ар шарθк хах̇ сат, амо фираwни ху лих̇кар қати фақат тар пиро зӯр чӯд.

Ди wахтанден исроӣлийен тар ба̄р зӣмба̄ фирӣпт. Мӯсойи ба̄ д ху пӣц чӯд тар ба̄ рху ху моθи тар wам хеза̄ ҷ чӯд. Йу х̇ӯʒ wитийаθ қарор чӯдху, йа̄ х̇ац во ар ху ҷой дараw тӣд сат. Исроӣлийенен тар ба̄ р чӯх̇тху айру̊наθен ред. Ат мисрийенен ачга от навад, фақат wев аробайен канди ду̊нд х̇ац пӣцти вуд.

Исроӣлийенен фукаθ хушизор сатху, Мӯсо қатийен йакҷойаθ Хуδойард шукрат лу̊д: «Худоwанд му қуwатат му дилпури. Йуйи му наҷот δод. Йу му Хуδой, ди ҷа̄ тта wуз фук wахтаθ Wи ситоwах̇ кинум!»

САWОЛЕН

1) Чӣзарден мисрийен исроӣлийен да̄ мти сат?

2) Худоwанди фираwн лих̇кар цара̄ нг гӣр чӯд?

3) Худоwанди цара̄ нг чӯдху, ба̄ р мобайнва йет сат?