АЗ Х̇АРАНД ЙОЦ НАХ̇ТӢЗД

Йи рӯзи Мӯсо Сино кӯ хезард мол пе̂йд. Йакбораθ wи назар йи аҷойиб чӣзти δод: аз х̇аранд йоц нах̇тӯйд. Мӯсо айру̊наθ редху, ху диланди лу̊д: «Аҷойибард, йа х̇ар wилунга̄ ких̇т, амо хубаθ наθу̊д!»

Мӯсо ба̄ д қарӣбди сутат, йакбораθ аwоз wирд йат: «Мӯсо! Мӯсо! Wузум Хуδой! Wузум а̄ м Иброӣм қати га̄ п δод, а̄ м Исоқ қати, а̄ м Йа̄ қӯб қати. Wузум исроӣлийенанд тар Миср а̄ м wев ме̂натат азоб wӣнтат, а̄ мум wев доδат шикойат х̇уд. Wузта wев аз ғулу̊ми озод кинумху, ба̄ дта тар Канон замӣн wев ва̄ м иде̂, йаманд фукаҷо х̇ӯвдат асал тӣзд. Wузташ тар фираwн хез ту бозум, ла̄ к ту Исроӣл мардум аз Мисрийанд зиwе̂δи. Х̇оҷ ма̄ δе̂р, Wузум фук wахт ту қати».

Мӯсойи ба̄ д луд̊ : «Wузо? Йо Худоwанд, ага wузта са̄ м тар ху халқ хезху, лум̊ та иде,̂ тама доденат бобен Хуδойи тар тама хез му бохт̇ , wа̄ δта пехц̇ ен Wи нум̊ ча̄ й?»

Аз wам йоцин ха̇ р дарӯнанд аwоз нахт̇ ӯйд:«Wузум Абадулwуҷӯд. Wузум йагун̊ а̄ Хуδой. Wузум Иброӣмат, Исоқат, Йа̄ қӯб Хуδой».

Мӯсойи во луд̊ : «Wузум лап зивинат хушзабун̊ одам нист. Мута на Исроӣл мардум ниғуɣ̊ дат нага фираwн».

Хуδойи wирд луд̊ : «Одаменум уз офарӣд чӯдат, га̄ пδед̂ ум мис Wуз wев ухма̄ нд чӯд. Wузта даркори га̄ пен хубаθ турд пеδо кинум».

Амо Мӯсо ғалаθ мис розӣ насутху луд̊ и: «Ку йичига боз!»

Ба̄ д Хуδой қа̄ р сифӣдху луд̊ и: «Най Мӯсо, ди корта бойад ту кини! Ага ту га̄ пδед̂ хо̇ ҷ ца δер̂ и, ху вирод Орӯн ху қати зи, йута ди кор аз ту бӣди кихт̇. Амо Исроӣл халқта ту аз ғулум̊ и озод кини!»

Ба̄ д аз ди Мӯсо тар Миср гахт̇ чӯд, ла̄ к арчӣзи Хуδой wирд ца луд̊ иҷро wи кихт̇ . Амо Мӯсойат Орӯнен арцун̊ д фираwнард ца луд̊ , йу исроӣлийен озодчӣд розӣ насут.

Ат Исроӣл мардуманд wи мен̂ ат ғалаθ мис лапди сутат, wев ҷазо соф хахд̇ и сут. Хуδойи Мисрийат фираwн тора δӣст рақам офат вӯд: бадбахтийен, ашаротен, касалийен – амо фираwни хойих̇ начӯд wи халқ тар wа̄ даδоδҷин замӣн ла̄ кихт̇.

Та̄ ми Хуδой Мӯсо қати халқард пеғ̂ ум̊ бохт̇ иде,̂ арйак хун̊ аwода̄ бойадйӣwибенуқсун̊ wа̄ргбуцзез̂ дху,амчунниху̇ н̊ аинаҷотwикӣɣд. Наҷот айум̊ ма ̄нӣ «па ̄лива наɣҷӣдоw » . Wи wа ̄ргбуц хӯн бойад ар йи ҷога̄ киненху дивийен кисакенард молен. Wам ха̇ ̄ б бойад йича̄ йаθ аз чӣданд ма̄нахт̇ ӣзд, дун̊ ҷа̄т фарихт̇ айи Худоwандта Мисрива наɣҷӣстху фукаθ сарфарзандента зӣнт. Ат ик wев чӣден иде,̂ wев диви кисакенард хӯн молчин ца вуд, йута wев па̄ лива наɣҷӣст.

Ар йак хун̊ а̄ йанди сардори ойила̄ луд̊ : «Ма̄ ш бойад пиро аз аwқотхӣд дисга кор кина̄ м: «Бойад фукаθ ик дисга луқ пинеʒ̂ а̄ м иде,̂ арра̄нг тар δар сафар чинахт̇ ӣд ца са̄wа̄м,ба ғайри ди,фукаθҷа бойад моθ вид. Ди wа̄ ргбуц гӯхт̇ бойад тезаθ ха̄ ра̄ м. Ид Наҷоти Худоwанд. Хуδойи ма̄ шард луд̊ иде,̂ дам рӯз ху байоδ анҷа̄ ва̄ мху, ла̄ к ̄ма̄ ш наслийен мис айум̊ ҷиноw дам қайд кинен».

Али ойила ̄ дасторхун̊ ти ҷа ̄м сутху , wи гӯхт̇ен вӯд . Йу цӣх ̇ wоха̇ т wаха̇ ̄ қати пех̂ чин вуд. Wи маза̄ кӯдакенард хуш навуд, амо ар йак сардори ойила̄ йи wевард фа̄ мун̊ т: «Мисрийанд ма̄ ш зиндаги ми wоха̇ т wаха̇ ̄ ҷиноw цих̇ вуд».

Wи гӯхт̇ қатийен гарδа̄ вӯд, амо wи маза̄ мис йисохга вуд. Wев на̄ ни ба̄ д луд̊ : «Ди гарδа̄ йум бе хамермойаθ пех̂ т. Мӯсойи луд̊ иде,̂ ма̄ ш бойад фатӣр пӣʒа̄ м. Йид ниху̇ н̊ айи ик wи иде,̂ ма̄ ша̄ м тар сафар нахт̇ӣдоwард тайор, дун̊ ҷат δар сафарандта хамермойин гарδа̄ зех̂ т̇ оw набофт». Ба ̄ден фукаθ тойд хе̇в̂ доw.

Са̄ ракийен исроӣлийен тезаθ андойдху ху чӣден пиройанден ност. Йид ку ка бузург рӯзо, wа̄δен цун̊ до солен пи wам ца ност?

Ба̄ д йи ворҷдор исроӣли ди мардум хабарчӣд йат. Йу аз δарандаθ дараw қӣwд сут: «Арчӣзи Хуδой ца лу̊д, ик wити сут! Ар йак мисри ху̊на̄ йанд wев сар ғула̄ пуц мӯд, азу̊н ҷумла̄ фираwнанд мис. Нури Хуδой дивих̇т иде̂, фираwнта ачга хости Хуδой қати йичӣзаθ нава̄ рδед!» Мардуми wипехц̇ т:«Ма̄ш шич чӣра̄м?»

Йуйи ҷаwоб δод: «Тамет хер̂ тар сафар нахт̇ ӣц. Арчӣз таманд ца вид, зет wиху, ик тар wи ҷой сет иде,̂ йамандта фукаθ ҷа̄ м ца сен». Мардум тар ху чӣден сут, ла̄ к арчӣз wеванд ца вид ҷа̄ менху, ху қати зен. Ат та̄ тенен ху ғула̄ пацен δустард анҷӯвдху, дивийен кисакенард хӯн молчин ца вуд, wийен wевард дивихт̇ : «Йид ниху̇ н̊ айи ик wи иде,̂ таруд̊ исроӣлийен зиндаги кинен. Ида пуц, йикам хӯни ту аз ҷазойи Хуδой халос чӯд!»

Наҷот айум̊ аз дам рӯзанд пеδо сат, ик дам рӯзанди Хуδой

Ху халқ аз Миср ғулум̊ и халос чӯд. Фираwни ба̄д Мӯсойат Орӯнард луд̊ : «Тама ху Исроӣл мардум зетху аз му халқ дарӯнанд нахт̇ ийетху, сет тойдет!»

Миср мардуми wев ситироб чӯд иде,̂ ла̄ к wа̄ δ тездийаθ аз wев мулканд тийен...

Исроӣл мардуми чорсаду сӣ сол Миср замӣнанд зиндаги чӯдху, ба̄ д аз дийи Хуδой wев азаманд зиwост. Ба ғайр ɣиникенат кӯдакен, фақат мардӣнайенаθен қарӣб шашсад азор вад.