ЙА̄ ҚӮБ ХӮΔМ

Ривқойи Йа̄қӯбард лу̊д: «Ту бойад рицӣθи!» Йи ғулу̊ми wамард лу̊д иде̂, Есов қа̄ р сифӣδҷху, йу хойих̇ ких̇т Йа̄ қӯб зӣнт. Йа̄ йи Йа̄ қӯбард лу̊д: «Ту тар му вирод Лобон хез рицӣθ, йу мис ту боб Иброӣм wатананд зиндаги ких̇т.

Тута йичанд сол йу̊данд ца навийи, ту вирод қа̄рта бест.

Wузта ба̄ д йичи пис ту римӣмху, тута гах̇т кини».

Ривқойи пиройаθ фа̄ мт иде̂, ху чорард чӣз лу̊вдоw даркор, ла̄ к йу Йа̄ қӯбард тӣдоw иҷозат δӣд: «Йа̄ қӯб бойад бехуδой ɣин ма̄ вӣрт, wирд дисга ɣин даркор иде̂, йа̄ ла̄ к Хуδой ниғу̊ɣд».

Исоқ wам га̄ п қати розӣ сут. Wинд мис wи ɣин цу̊ндо сол пиро аз Иброӣм wатан таред йат. Ла̄ к Йа̄ қӯб мис су̊д тарамху, ɣин хурд виред. Исоқи аз Йа̄ қу̊б тар ху хез қӣwдху, лу̊ди: «Йа̄қӯб, аз мев ҷойенанд ɣин ма̄ва. Тар Хорун̊ ,тар ху на̄н wатан са. Тарамта хурд ɣин вирийи. Ла̄ к Худоwанд турд баракат δӣд!» Йа̄ қӯби фикр чӯд: «Лап баша̄ нд кор сут. Му та̄ т мис тар му тӣдоδ розӣ, Есовта мис му наwӣнтат, йам му тӣдоw мис тар рицӣстоw му̊нанд нист».

Йуйи ху додат на̄ нат, ху ху̊наwода̄ қати хайрихуш чӯдху, тӯйд. Йа̄ қӯби тӣдоwти аз ху та̄ т йичӣзаθ натила̄ пт. Йуйи на ғулу̊мен

ху қати зох̇т, на маɣен, на вазен, марка̄ баθи мис назох̇т. Йу тоқаθ тар пу̊нд δод, амо йид wирд қӣн вуд. Йу бечора̄ мусофир ҷиноw вудат, тар дисга δар мамлакат тӯйд иде̂, тарам ғал йу ачаθ навуδҷ. На чӣд вудат на хирго иде̂, йу тарам деδдху х̇е̂фцт, ат х̇а̄ б ца сут йуйи жӣр ху ка̄ л пибӣр рибӯдху қоқ зима̄ δти х̇овд. Wев ҷойенард wа̄ ши айwу̊н лап вуд, амо Хуδойи пу̊ндард Йа̄ қӯб муофизат чӯд. Йуйи фа̄ мт иде̂, Йа̄ қӯбанд шич wи олат лап қӣн, ди ҷа̄ ти ба̄ д тархӯδм wи wеδху, йуйи аҷойиб хӯδм wӣнт.

Йуйи хӯδманд нарву̊нд wӣнт иде̂, йа̄ аз замӣнанд то пи осму̊нец вад. Wамтийен фарих̇тайен ха̄ вдат сифӣден. Ат пи тӣр Хуδой wирӯвҷин вуд. Йуйи Йа̄ қӯбард лу̊д: «Wузум ику Худоwанд иде,̂ Иброӣмат Исоқ қатийум га̄п ца δод. Ик ди замӣнтийат ту ца хо̇ вҷ, дита турдат ту наслийенард да̄ кум. Wа̄ δта лапизор сен. Дига халқента мис wев қати баракат вирийен. Тута арҷо ца са̄ wи, Wузум ту қати, Wузта ту муофизат кинум».

Ди wахтанд Йа̄қӯб ага̄ сут.Йуйи фикр чӯд:«Йид ростоw хӯδм навуд. Хуδой хубаθ ди дарӯнанд вуд! Йуйи му қати га̄ п δод!»

Йа̄ қӯби ик wам жӣр иде,̂ wи вӣɣʒанд ца вад, зоδхт̇ ху амчун ниху̇ н̊ а̄ йи wам неδ̂ д. Ба̄ ди дуо чӯд: «Йо Хуδой, ага Тута ик ми δарат қӣн пун̊ данд муофизат му ца кинийат, сиат салум̊ атаθ гахт̇ ца кинум, wузта то охири умрийец хизматат ибодат Турд кинумат, арчӣзта мурд ца да̄ки, аз wиндитаво δӣст қисм Турд да̄кум».

САWОЛЕН

1) Чӣзарди Йа̄ қӯб ху чӣд ла̄ кчӯдху, тар δар мамлакат тӯйд?

2) Йуйи чӣз хӯδм wӣнт?

3) Хуδойи Йа̄ қӯбард чӣз лу̊д?