ВИРОДА̄ Р ВОХУРИ

Ди δар сафаранден фукаθ хуши чӯд, ду̊нҷа̄т wа̄δен тар ик wи замӣн раwу̊н вад иде̂, Хуδойи Иброӣмат wи наслийенард wи wа̄ да̄ ца δод. Йи кор ду̊нд wев зорδти ғалч вуд – Есовта wев ца wӣнт, чӣз га̄ пта су̊д? Йа̄ қӯбанд wи байоδ вуд иде̂, Есов йи wахт wи чизӣд вуд, ди ҷа̄ ти ба̄ д х̇оҷ δӯйд иде̂, Есовта ног wи пацен назӣнт. Йа̄ қӯби х̇уд иде̂, Есови чорсад нафарга ху қати зох̇чху, пироди wирд йаθч. Wи дил пи лаɣʒа̄ , δод, амо нафа̄ мти чӣр ких̇т. Ага Есованд йичӣз бад нийат ца вид, Йа̄ қӯбанд тайор. Йуйи ɣиникенат, кӯдакенат, лапаθ айwу̊н қати рицӣстоw мис нава̄ рδод, ат δе̂д чӣдоwард wинд мардӣна лап ка̄ м вуд.

Йа̄ қӯби сар пиро wи ху айwун̊ δу қисм чӯдху, wи йи қисми пиройаθ бохт̇ . Йуйи ху паценард луд̊ : «Ага Есовта девти уҷум ца кихт̇ , wузта фа̄ мум иде,̂ йу ғал му қати қари. Wити бор йам дуйум қисм ва̄ рδед рицӣθт».

Йа̄ қӯб хубаθ wи йакум қисм қати раwун̊ сут.

Ху̇ м̊ сутат, йу дӯсик тар па̄ лиди сутху дуо дараw чӣд сут: «Йо Хуδой Тут дидун̊ д мер̂ абун̊ ийат дилсӯзи мурд ца чӯд, wузум йичӣзардаθ лойиқ нист. Шич wуз аз Ту хойиху̇ м иде,̂ муйат му хун̊ аwода̄ муофизат ки, ла̄ к Есов ма̄ ш ма̄ зӣнт, хер̂ Тут wа̄ да̄ δоδ иде,̂ Ху δустта ма̄ шти сойа̄ кинийат, ми замӣнта му наслйенард да̄ ки».

Wам йига рӯзи Йа̄ қӯб ху ғулум̊ енард сӣ хи̇ тур да̄ кчӯдху ху виродарди пироди бохт̇ . Wа̄δен тойдат, Йа̄қӯби йила̄вга ғулум̊енард дусад маɣ да̄ кчӯдху, wа̄ δен мис раwун̊ сат. Ба̄ ди йичанд соати wев да̄ мти аwал вазенху ба̄ д жоwенху пис wеваθи марка̄ бен бохт̇ . Да̄ δ айwун̊ енен амчун тӯфа̄ вад. Йа̄ қӯби фикр чӯд: «Есови ик ди фукаθ қабӯл ди чӯд, мута ца wӣнт wи қа̄ рта насифӣнт». Йа̄қӯби ху фукаθ ғулум̊ енард арчӣзаθ да̄кчӯдат Есоварди пироди wев бохт̇ . Амо Есованд ғал wи даракаθ мис навуд.

Ха̇ ̄ б сутху, фукаθен хо̇ вд. Нӣми ха̇ ̄ банд Йа̄ қӯб андӯйдху ху хун̊ аwода̄ йат ху айwун̊ и ха̇ цва наɣʒимт. Йид ʒаликаθ дарйойак вад иде,̂ ди пухт̇ а̄ бӣрва ца наɣҷа̄ д. Йа̄ қӯб хубаθ дарйора аз wи тараф ред. Банока̄ фанд Арча̄ йца пеδо сутху wи қати қастӣн дараw анҷӣвдсут. Йид Арча̄йца Фарихт̇айи Хуδой вуд иде,̂ одам ҷиноwи ху ца чӯҷ. Wа̄δен дарозец қастӣн анҷӯвд, Йа̄қӯбанд арцун̊дец wи қуwат ца вуд, зӯри δод. Йид Арча̄ йцайи ба̄ д чӯхт̇ иде,̂ Йа̄ қӯб ба̄ с найоδдху, wи бихт̇ ун̊ анди δод. Йа̄ қӯби ачга зӯрδед̂ нава̄ рδод, амо хаха̇ θи wи анҷӯвд.

Рух дараw δед̂ сутат йу Арча̄ йцайи луд̊ : «Ла̄ к му».

Амо Йа̄ қӯби wи нала̄ кчӯдат, луд̊ и wирд: «Аwал баракат мурд δа». Йуйи пехц̇ т: «Ту нум̊ ча̄ й?» Йа̄ қӯби ба̄ д ху нум̊ wирд луд̊ . Йуйи ба̄ д Йа̄ қӯбард луд̊ иде,̂ дига ту нум̊ Йа̄ қӯб нист, аз нуранд ту нум̊ Исроӣл, дун̊ ҷа̄ т тут Хуδой қати қастӣн анҷӯвдат, одамен ба̄ ста мис йади.

Йа̄ қӯби wи пехц̇ т: «Ту нум̊ ча̄ й?» Амо Йуйи ху нум̊ налуд̊ .

Йа̄ қӯби ба̄ д фа̄ мт иде,̂ йуйи одам қати қастӣн наанҷӯвдат, Хуδой қати. Ба̄ ди Хуδой Йа̄ қӯбард баракат δод.

Хӣр наw пал чӯдат, йу Арча̄ йца йакбораθ азеданд бед. Йа̄ қӯб оста̄ йикаθ аз ху ҷойти андӯйдху, дарйова наɣҷӣд. Йу шут-шут тӯйд, дун̊ ҷа̄ т wи бихт̇ ун̊ да̄ рδ чӯд.

Йа̄қӯб йила̄вга тӯйдху ху хун̊ аwода̄йат, ху молат ситур̊и дарйов чӯд. Ба̄ ди чӯхт̇ иде,̂ аз δараθен чорикен тар wи хеза̄ ҷ йат. Да̄ δен Есоватwиғулум̊ енвад.

Йа̄ қӯбанд wи дил лаɣʒа̄ чӯдат тар wев хез сутху, wӯвд пӣδи ху ка̄л wевард хамбент. Есови тар wи хез жех̂ т̇ху, кинор wи анҷӯвдху, ба ̄ди ба ̄ wи чӯдху, луд̊и : «Йа̄ қӯб, wузум тар ту wӣнтоw лап хуш!»

Йа̄ қӯбанд тулу кӯ аз wи да̄ мти wех̂ т̇. Есов wи қати қари навуд! Йа̄ қӯби чӯхт̇ иде,̂ wи вирод қа̄ р беδҷ, ба̄ д хушизор сут! Йа̄ қӯби аз Хуδой хойих̇ чӯд иде,̂ ла̄к Есов фикр дигаргӯн суд̊, Худоwанди бад wи дуо ху̇д . Wа ̄ден ба ̄д варθ аз хуши нӣwд.

Есови Роелат, Лейойат, wи зирйотен wӣнтху, пех̇цти: «Да̄ δен ту қати ча̄ й». Йу на̄ ла: «Да̄ δен му зирйотен, Худоwанди мурд

ца да̄ кчӯҷ».

Ба̄ ден Роелат, Лейойат, хизматгоренат, Йа̄ қӯб зирйотен Есовард ху ка̄ л хамбент. Ба̄ ди Есов пехц̇ т: «Ат йу лапаθ молат, жоwат, ваз пун̊ два мурд дичор ца сут, йу чинд вуд; тут wи чӣзард мурд бохт̇ ? Мунд фукчӣзаθ йаст, ди хунд фукаθ пи ху ла̄ к».

Ат Йа̄ қӯби Есовард луд̊ : «Дийум турд бохт̇ , қабӯл ди ки, дун̊ ҷа̄ т Хуδойи мурд фукчӣзаθ да̄ кчӯд».

Йа̄қӯбиазЕсоврозӣчӯдху,арчӣзицабохт̇,йуйиwи қабӯлчӯд.

Есови ху виродард луд̊ : «Ти шич му қати тар му ҷойат макун̊ са̄ wа̄ м». Амо Йа̄ қӯби wирд луд̊ : «Wузта тез тӣдоw нава̄ рδӣм: му зирйотенен мот сиц, ба ғайри ди мунд лап wа̄ ргбуцат гуҷбуц. Девта тез ай ца кинум, мӯмкин фана̄ айwун̊ та аз даст δа̄ м».

Ик дити ба̄ д Йа̄ қӯб Есов қати насут. Есов ба̄ д тар ху чӣд гахт̇ чӯд, йу wи чӣд аз Канон замӣнга мис δарди вуд. Ат Йа̄ қӯб Урдӯн дарйова наɣҷӣдху, тар Канон замӣн сутху, қарӣбаки Шакем нум̊ ха̇ ̄ р нӯст. Йуйи ху хиргоен барҷой чӯдху, қурбун̊ иҷойи мӣздху, ба̄ ди Худоwандард саҷда̄ чӯд.

САWОЛЕН

1) Йа̄ қӯби тар ху чӣд гах̇т чӣдти аз чӣз х̇оҷ δӯйд?

2) Wев вирода̄ р вохури цара̄ нг наɣҷӣд?

3) Йа̄ қӯбанд wи наw ну̊м ча̄ й вуд?