ЙА̄ ҚӮБ ТАР БЕГУ̊НА̄ МУЛК

Оқибат Йа̄ қӯб тар ху қаwмийот замӣн фирӣпт. Йуйи аз чӯпу̊нен пех̇цт иде̂, ку wа̄ δ Лобон фа̄ мено най? Wа̄ δен лу̊д: «Фа̄ ма̄ м. Йиwу ика̄ ға̄ ц ху мол қати тару̊да̄ ҷ ца йоδд, йа̄ Лобонанд wи ʒалик ризӣн. Wам ну̊м Роел».

Дисгайи Йа̄ қӯб фа̄ мт иде̂, йу тар wи ху ҷой фирӣпт. Йуйи оста̄ йикаθ Хуδойард шукрат чӯдху, Роеларди йордам чӯд иде̂, йа̄ wи мол ар чо хез вӣртху х̇ац δӣд. Йа̄ лап хушрӯй вадат, Йа̄ қӯби мис тезаθ ди wӣнт. Амо йуйи то дийец дар борайи ху wамард йичӣзаθ налу̊д.

Йа̄ йи wи пех̇цт: «Ту чӣзард мурд йордам кини».

Йа̄ қӯби ҷаwоб δод: «Пигоθ солен ту хола̄ Ривқо азу̊д тойдху, тар Канон замӣни чор чӯд».

Роел на̄ ла: «Wуз фа̄ мум, мурди му та̄ т Лобон дар борайи ди лу̊д. Ат тут хубаθ ча̄ й?»

Йуйи лу̊д: «Wузум Ривқо пуц, Йа̄ қӯб».

Роел хуш сатху лу̊ди: «Пас тут му қаwм! Турд хушомади!» Лобони Йа̄ қӯб дарак х̇удху, пироди wирд йатху, лу̊ди: «Тут му

мему̊н, тар му чӣд деδ!»

Лобон чӣданд ғула̄ хуши вуд. Баша̄нд аwқотенен вӯдху, Йа̄ қӯби ху қаwмийотард нақл чӯд иде̂, wи та̄ т Исоқ пӣр суδҷат wи цемен наwинен, ат Ривқо ғал соз. Йуйи wевард лу̊д иде̂, ма̄ ша̄ м пидемен аз на̄ н сатат, wузум ʒулди вирод, мурди му та̄ т баракат δодху, wузум wиар wи wорис сут.

Лобони wи пех̇цт: «Тут тар сафар ца нах̇тӯйд, ту та̄т Йа̄ қӯб розӣ вудо?» Йа̄ қӯби ҷаwоб δод: «Йуйи хубаθ му бох̇т. Wуз бойад тару̊д хурд ɣин вирӣм». Йа̄ қӯбард Роел хуш йат, йуйи хойих̇ чӯд йа̄ wи ɣин су̊д. Йу Лобон чӣданд редху, йи ме̂сти йаманд кор чӯд. Йи рӯзи Лобон wи пех̇цт иде̂, ху ме̂нат а̄ қ йу чӣз хойих̇ ких̇т. Йа̄ қӯби ди фикр пиройаθ чӯд, ба̄ ди Лобонард дисга ҷаwоб δод: «Лобон, ту фа̄ ми иде̂, мардӣна̄ ɣин вӣд хойих̇ ца ких̇т, йу бойад wам ға̄ ц додард қалӣн да̄ ких̇т. Wуз хойих̇ум Роел мурд чор ких̇т. Тут розӣйо wуз қалӣн ҷойти wӯвд сол турд корум?»

Лобони оста̄ йаδ шӣнтху, ху ка̄ лига wеδдху, лу̊ди: «У̊н, бар йичига wуз ху ризӣн турд ца δа̄ м, бӣди су̊д». Ба̄ д аз дийи Йа̄ қӯб Лобон хезанд wӯвд сол кор чӯд. Оқибат йид wахт фукаθ тайор сутат, ика̄ рӯзйат. Та̄мард дисга сунат вуд иде̂, сӯрандта ниwенц пӣц чуст кинен, х̇у̊нчита фақат са̄ракийард ниwенц пӣц wӣнт. Йа̄йи ба̄д наw ху пӣц йет чӯдат, Йа̄ қӯб йиқа̄ д зибуд: йа̄ wи ɣин Роел навадат, wам йах Лейо вад!

Йа̄ қӯби ба̄ д Лобонард лу̊д: «Тут чӣр чӯд? Wузум wӯвд соланд Роел ҷа̄ т кор чӯдат, Лейо ҷа̄ т най! Тут му фа̄ нд δод!»

Лобони wирд ҷаwоб δод: «Ту фа̄ мийо, ма̄ шандта ʒалди ризӣн пиро аз ғулади чор наδен».

Йа̄ қӯби чизу̊н ху δодху дараw нӣwд сут. Шичарди йу фа̄ мт иде̂, одам фа̄ нд ца δен, йид лап ганда̄ . Лобони Йа̄ қӯбард лу̊д иде̂, ага wӯвд солга мурд кор ца кини, Роелта мис турд δа̄ м.

Wи даwра̄ чорикенард мӯмкин вуд иде̂, йичанд ɣин вен, диҷа̄т ба̄ д Йа̄ қӯб Лобон га̄ п қати розӣ сут. Ба̄ ди йи афта̄ ен wа̄ δ йига сӯр наɣʒимт. Мам пӣδ бе фандат фиребаθ. Йа̄ қӯби ик wам ға̄ ц жӣwҷ ца чӯд, wами вӯд, йа̄ ни Роел wи ɣин сат.

Йа̄ қӯби wӯвд солга ху хисурард кор чӯд, ат йид wахтга мис тайор ца сут, йу ғалаθ Лобон хезанд редху кори чӯд. Амо шичи қалӣн ҷа̄ т кор начӯдат, wиндаθ мис фана̄ жоwат молат ваз вуд. Охиру̊нард wи айwу̊н аз Лобонанд лапди сут. Ба ғайри ди, wинд дуwозда̄ зирйот вуд: йозда̄ пуцат, йи ризӣн. Йу аз ху зиндаги розӣ вуд. Худоwанд wи қати вудат, баракати wирд δод. Амо ба̄ д аз йичанд wахт Йа̄ қӯби чӯх̇т иде̂, Лобонат wи паценен тар wи бойгари аwас дараw чӣд.

Ди wахтанди Хуδой Йа̄ қӯбард лу̊д иде̂, тар ху бобен замӣн, тар ху ху̊наwода̄ хез гах̇т ких̇т.