Араҥ ыарыылаах үтүөрүүтэ
Библия, Лука Евангелиятын 5 түһүмэҕин 12-14 хоһоонноро
Иисус сирдээҕи сулууспатын кэмигэр элбэхтэ айанныыра. Кини араас куораттарынан, сэлиэнньэлэринэн сылдьан кыамматтары, ыарыһахтары үтүөрдэрэ. Ол саҕана Палестинаҕа олус ыарахан, эмтэммэт араҥ диэн сыстыганнаах тирии ыарыыта тарҕаммыт кэмэ этэ.
Биирдэ Иисус үөрэнээччилэрин кытта Галилея куоратыгар кэлбитэ уонна онно араҥ ыарыынан ыалдьыбыт киһини көрсүбүтэ. Ол эрэйдээх Киниэхэ тиийэн иннигэр тобуктуу түспүтэ уонна көрдөспүтэ:
— Тойонуом! Баҕарар буоллаххына, миигин ыраастаа уонна үтүөрт!
Хайдах курдук бу киһи Иисуска эрэнэрэй!
Иисус илиитин киниэхэ ууран баран:
— Баҕарабын, ырааһыр! — диэбитэ.
Бу Иисус баҕата эрэ буолбатах, Таҥара соруйуута этэ. Таҥара эрэ итинник этэр кыахтааҕа!
Ол кэннэ дьикти буолбута: араҥ ыарыы сүтэн хаалбыта. Иисус иннигэр чэп-чэгиэн, ып-ыраас тириилээх, олус дьоллоох киһи турара.
Иисус бу туһунан кэпсиири боппута, ол оннугар аҕабыыкка тиийэн көрдөрөрүгэр уонна ыраастаммытын туһугар, Моисей сокуонугар сурулларын курдук, сиэртибэ биэрэригэр соруйбута.
Ол да үрдүнэн дьиктини кистиир сатамматаҕа. Онон өссө элбэх киһи үтүөрээри Иисуһу истэ кэлэрэ.
Ыйытыктар:
1) Араҥ ыарыылаах киһи тулалыыр дьоҥҥо тоҕо кутталлаах эбитий?
2) Араҥ ыарыылаах Иисуһу көрөн тоҕо олус үөрбүтүй?
3) Араҥ ыарыылаах үтүөрбүтүн туһунан дьоҥҥо кэпсиирин
Иисус тоҕо боппутуй?