Таҥара Дьиэтин бастакы ырааһырдыыта
Библия, Иоанн Евангелиятын 2 түһүмэҕин 13-17 хоһоонноро
Иисус үөрэнээччилэрин, Марияны уонна бырааттарын кытта Канаттан Капернаум диэн Галилея байҕалын биир кыра хомотугар айаннаабыттара. Капернаумҥа хас да күн буолан баран, Иисус Иерусалимҥа Пасха бырааһынньыгар барбыта.
Таҥара Дьиэтин тиэргэнигэр элбэх киһи үмүөрүспүт этэ.
Бырааһынньыкка храмҥа сиэртибэ биэрэ, Таҥараҕа үҥэ кэлбит дьон эрэ буолбакка, атыыһыттар эмиэ бааллара. Бу бырааһынньыгынан туһанан атыыһыттыы, харчылаһа кэлбит дьонтон Иисус олус абарбыта. Айыы Тойон Дьиэтин тиэргэнэ атыы-тутуу уйатыгар кубулуйбут этэ. Таҥара Дьиэтигэр сүгүрүйүү умнуллубута.
Иисус сиртэн быаны ылан кымньыы өрбүтэ уонна онон далбаатаан, храмтан атыыһыттары оҕустуун, хойдуун барыларын үүртэлээн таһаартаабыта. Холууп атыылааччыларга Кини эппитэ:
— Мин Аҕам Дьиэтин атыы-тутуу дьиэтэ оҥорумаҥ!
Атыыһыттар биир тылы утары эппэккэ храмтан тахсар аакка барбыттара. Харчы уларытааччылар эмиэ Айыы Тойон үрдүкү аатын билиммиттэрэ. Остуолларын Иисус түҥнэритэ анньыталаан, атастаһар харчылара храм тиэргэнигэр ыһыллыбыта. Дьон маны көрөн соһуйбута эрээри хайалара да Кинини тохтото сорумматаҕа.
Ыйытыктар:
1) Иисус Таҥара Дьиэтин тиэргэнигэр тугу көрбүтүй?
2) Иисус хайаабытый? Атыыһыттарга туох диэбитий?