Jesus woat verot un faustjenomen

Wäarent Hee oba noch räd, kjikj, doa kjeem eene Volkjshäad, un eena von de Twalw, dee Judas heet, jinkj ver äant un nodad sikj no Jesus, om Am to kussen. Jesus oba säd to am: "Judas, verotst du dän Menschensän met eenem Kuss?"

Eene Häad wees sikj en däm Goaden opp. De Menschen bedachten dän Wajch met Fiastakja un hilden Schwieets un Kjneppels en de Henj, aus wullen see eenen Merda ooda eenen Reiba faustnämen. De mieeschte von äant wieren Mana von de Priestasch un de Farisäa. Judas, eena von de Jinja, leid äant.

"No wäm sieekj jie?" Fruach Jesus.

"Jesus von Nazaret", roopt doa wäa en de Häad.

Jesus säd: "Daut sie Ekj."

Judas haud met äant een Tieekjen aunjestalt: "Ekj well, daut doa kjeene Wirwoa es. Ekj woa däm Liera eenen Kuss jäwen, om Am to bejreesen, om daut jie neiw weeten, wäm jie faustnämen motten."

Aus Judas noda no Jesus kjeem, säd Hee leis: "Verotst du Mie met eenem Kuss, mien Frint?"

Dise Wieed troffen Judas bat em Deepsten, oba hee jeef Am dannoch eenen Kuss. En disem Moment kjeemen de Mana von de Priestasch, pakten Jesus en un neemen Am faust.

"Wuarom sent jie medden en de Nacht no Mie jekomen? Jieda Dach saut Ekj em Tempelhoff un lieed, un jie haben Mie nich faustjenomen", säd Jesus. Hee leet sikj von äant faustbinjen un jeef kjeenen Jäajenstaunt.

Aus de Jinja sagen, woo äa Liera wajchjebrocht wort, veleeten see bosich ut Angst.

Jesus wort von siene Fiend bejleit no Jerusalem jebrocht, om dort toom Doot veuadeelt to woaren.