De Menschen von Ninive doonen Busse

De Niniviten jleewden Gott. Een Fausten wort utjeroopt, un aula, vom Jratsten bat toom Jerinjsten, trocken sikj Sakzeich aun… Gott mucht noch nojäwen un sikj met Erboarmen von sienem jlieejenden Oaja wajchdreien, soo daut wie nich omkomen.

En weinje Wäakj wia Jona en Ninive. Hee jinkj derch de Gaussen von de groote Staut un prädijd äwa daut, waut Gott am jesajcht haud:

"Ninive woat en vieetich Doag venicht woaren."

Daut kjeem Jona sondaboa väa, oba kjeena haud sikj domm äwa am. Kjeena jreep am aun ooda bedrood am. Em Jäajendeel, de Menschen jleewden am. Daut Uadeel, daut see hieeden, wia jerajcht, wiels see met väle Nazionen Kjrich jefieet un Beeset jedonen hauden. Un see erkjanden, daut aul äare beese Doten nich onjestroft bliewen kunnen.

De Kjennich hieed uk von däm Profeet un siene Bootschoft äwa daut Jerecht.

"Lot jieda eena to Gott bäden", befool hee. "Veleicht woat Hee ons jnädich sennen. Lot aulem uk fausten. Trakjt junt Sakzeich aun un droacht daut enne Städ kostboare Kjleeda aus een Tieekjen fa daut Leetsennen."

Aus de vieetich Doag vegonen wieren, erwart Jona daut de Staut Ninive wudd vestieet woaren. Oba nuscht passieed. Daut wia aum Enj vom Dach, oba Ninive wia noch emma doa. Un Jona wort doll. Wuarom hia opp Ieeden haud hee dan jäajen äant jeprädicht un von Gott sien komenden Jerecht jerät? Daut wia je bloos jerajcht, de grausome Menschen von Ninive met däm Doot to bestrofen.

Daut wia sea heet opp däm Hiejel, wua Jona bleef, un uk daut muak am doll. Oba aus hee aum näakjsten Morjen oppwuak, sach hee eene groote Plaunt dichtbie. Jona feeld sikj en sienem jreenen Schauten väl bäta.

Daut wia Gott, dee de Plaunt doa soo bosich waussen leet. Oba aum näakjsten Dach leet Gott dee vewalkjen.

Jona siene enteischte Jefeelen doaräwa wia soo deep, daut hee sikj soogoa wenscht to stoawen. Dan säd Gott to am:

"Kjikj, du hast die Sorjen om dise Plaunt jemoakt, uk wan du dee nich jefläacht ooda toom Waussen jebrocht hast. Un sull Ekj mie nich om de Staut Ninive kjemren, en dee soo väl Menschen läwen?"

Daut wia wanea Jona lieed, woo groot Gott siene Jedult un Boarmherzichkjeit es un woo reed Hee es, to vejäwen.