ՊԵՏՐՈՍԸ ԲԱՆՏՈՒՄ

Հռոմի կայսր Գայոս Կեսարը Հերովդես Մեծի թոռանը՝ Հե­ րովդես Ագրիպասին, նշանակեց Երուսաղեմի և Պաղեստինի մեծ մասի ղեկավար (չորրորդապետ)։

Նրա ղեկավարման ժամանակ քրիստոնյաների հանդեպ մեծ հալածանքներ սկսվեցին։ Հերովդեսը գիտեր, որ հրեա հոգևոր առաջնորդները և նրանց հետևորդներն ատում էին առաքյալներին և Քրիստոսի բոլոր աշակերտներին։ Նրանց բարեհաճությանն արժանանալու համար նա հրամայեց սպա­ նել առաքյալներից մեկին՝ Հովհաննեսի եղբայր Հակոբոսին։ Քանի որ այս սպանությունը հավանության արժանացավ հրեաների կողմից, ուստի նա հրամայեց ձերբակալել Պետ­ րոսին։

Նրան բանտարկելով՝ Հերովդեսը հրամայեց տասնվեց զինվորների գիշերուզօր հսկել նրան։ Նա նույնիսկ Պետրոսի մահապատժի օրն էր նշանակել, բայց եկեղեցին նրա համար անդուլ աղոթում էր Աստծուն։ Այդ ժամանակ մյուս աշակերտ­ ները Երուսաղեմում չէին, նրանք լքել էին քաղաքը Հերովդեսի հալածանքներից թաքնվելու համար։ Սակայն առաքյալներից բացի Երուսաղեմում Քրիստոսի աշակերտներից շատերը կա­ յին, և նրանք էլ հավաքվել էին Մարիամի՝ Հովհաննես­Մար­ կոսի մոր տանը՝ Պետրոսի համար աղոթելու։

Այդ ընթացքում Պետրոսը հանգիստ քնած էր բանտում։ Նրան մշտապես երկու զինվորներ էին հսկում։ Դրանից զատ պահակազոր կար բանտի արտաքին և ներքին դռների մոտ, ինչպես նաև դեպի փողոց տանող դարպասների մոտ։ Հնարա­ վո՞ր էր այս պայմաններում Պետրոսը փաչեր։ Ո՛չ։ Նա նույնիսկ չէր էլ փորձում դա անել։

Սակայն տեղի ունեցավ անսպասելին։ Հանկարծ Տիրոջ հրեշտակը կանգնեց Պետրոսի առաջ․ նրանից լույս էր ճա­

ռագում։ Պետրոսը խորը քնած էր, դրա համար հրեշտակը հրեց նրան, որ արթնանա և ասաց․

­ Շուտ վե՛ր կաց։

Այդ ժամանակ շղթաներն ընկան նրա ձեռքերից։ Հրեշտա­ կը հրամայեց Պետրոսին գոտին կապել, կոշիկնեը հագնել և վերնազգեստը վրան գցել։ Պահակազորն այդ ժամանակ խորը քուն էր մտել։

Դրանից հետո հրեշտակն ասաց․

­ Հետևի՛ր ինձ։

Պետրոսը գնաց նրա հետևից բանտի բաց դռան միջով: Հրեշտակը քնած պահակազորի մոտով Պետրոսին դուրս բե­ րեց մինչև երկաթյա դարպասները։ Դարպասներն ինքնիրեն բացվեցին նրանց առաջ։ Նրանք միասին դուրս եկան քաղաք և մի քիչ շրջեցին, իսկ հետո հրեշտակն անհետացավ։

Պետրոսը սթափվելով ասաց․

­ Հիմա ես հաստատ գիտեմ, որ Տերն ուղարկեց Իր հրեշտա­ կին, որպեսզի ազատի ինձ Հերովդեսի և հրեաների ձեռքից, որոնք ցանկանում էին սպանել ինձ։

Այնուհետև նա գնաց այն տունը, որտեղ այդ պահին շատ հավատացյալներ էին աղոթում իր համար։ Պետրոսը դուռը բախեց, և այդ ձայնից աղախինը դուրս եկավ։ Պետրոսի ձայնը լսելով՝ նա դուռը բացելու փոխարեն ուրախությունից տուն վազեց և լուր տվեց, որ Պետրոսն է կանգնած դռան մոտ։ Աշա­ կերտները չհավատացին և ասացին նրան, որ, հավանաբար, տան առաջ կանգնած է Տիրոջ ուղարկած՝ Պետրոսի պահա­ պան հրեշտակը։

Այդ ընթացքում Պետրոսը շարունակում էր դուռը բախել։ Դուռը բացելով և իրենց առաջ Պետրոսին տեսնելով՝ նրանք շփոթվեցին։ Նրանց ուրախությանը սահման չկար։ Պետրոսը ձեռքով նշան արեց չաղմկել, որպեսզի թշնամիների կասկա­ ծանքը չհարուցեն։ Երբ նրանք խաղաղվեցին, Պետրոսը պատ­ մեց նրանց, թե ինչպես Տերը հրաշքով ազատեց իրեն բանտից։ Այնուհետև Պետրոսը հեռացավ Երուսաղեմից, որպեսզի

Հերովդեսը չկարողանա գտնել իրեն։