ՊՈՂՈՍՒ ԴԱՐՁԸ

Մի մարդ հատուկ կերպով էր ուրախանում Ստեփանո­ սի նահատակությամբ։ Դա Սողոսն էր՝ երիտասարդ Օրենքի ուսուցիչը, որ հետապնդում էր քրիստոնյաներին։ Նա չէր էլ թաքցնում իր բավարարվածության զգացումն այն բանից, թե ինչպես սպանվեց Ստեփանոսը, որ նշանակալի դերակա­ տարություն ուներ նորաթուխ քրիստոնեական Եկեղեցում։ Ստեփանոսի նահատակությունից հետո սարսափելի հալա­ ծանքներ սկսվեցին հավատացյալների հանդեպ, որին սիրով իր գործուն մասնակցությունն էր բերում Սողոսը։ Նա կարծում էր, որ դրանով մեծ ծառայություն է ցուցաբերում Տիրոջը։

Մի անգամ Սողոսը դեպի Դամասկոս էր ճամփորդում, որտեղ բազմաթիվ քրիստոնյաներ կային։ Նա կամենում էր ձերբակալել նրանց և բերել Երուսաղեմ, որպեսզի, իբրև հան­ ցագործների, բանտարկի նրանց։ Նա դրան նախապես պատ­ րաստվել էր և քահանայապետից թույլտվություն էր ստացել։ Երբ նա արդեն մոտենում էր Դամասկոսին, տեղի ունեցավ մի իրադարձություն, որն արմատապես փոխեց նրա կյանքը։ Հանկարծակի նրան կուրացրեց պայծառ լույսը։ Սողոսը գետ­

նին ընկավ և երկնքից ձայն լսեց․

­ Սավո՜ւղ, Սավո՜ւղ, ինչու՞ ես հալածում Ինձ։ Սողոսը վախով հարցրեց․

­ Ո՞վ ես Դու, Տե՜ր։ Ձայնը պատասխանեց․

­ Ես Հիսուսն եմ, որին դու հալածում ես։

Սողոսն ահից ու սարսուռից դողում էր Հիսուսի առաջ, որի մասին միշտ հայտարարել էր, թե սուտ մարգարե է և խաբեբա։ Եվ ահա Սավուղը՝ Հիսուսի Եկեղեցու ահեղ հալածիչը, հիմա հասկացավ, որ ինքը սխալ է։ Հիմա նրան բացահայտվեց, որ

Հիսուսը, որ խոսում է իր հետ երկնքից, Աստծու Որդին է՝ Մե­ սիան, որի մասին կանխասել էին մարգարեները։

Ապա Հիսուսն ասաց նրան․

­ Վե՛ր կաց և գնա՛ քաղաք։ Այնտեղ քեզ կասեն, թե ինչ է պետք անես։

Սողոսը վեր կացավ, բայց երբ աչքերը բացեց, հասկացավ, որ կուրացել է։ Նրան ուղեկցող մարդիկ բռնեցին ձեռքից և տարան Դամասկոս։ Նա, այնտեղ գտնվելով, երեք օր կույր մնաց․ ո՛չ ուտում էր, ո՛չ խմում։ Այդ ամբողջ ընթացքում նա միայն Տիրոջն էր կանչում ու աղոթում ներում ստանալու հա­ մար։ Երեք օր հետո Աստված Սողոսին ուղարկեց Անանիա անունով մի մարդու մոտ։ Նա ձեռքերը դրեց Սողոսի վրա և աղոթեց Աստծուն, որպեսզի տեսողությունը վերականգնվի։ Աչքերը բացվելուն պես Սողոսը մկրտվեց և ընդունվեց քրիս­ տոնեական Եկեղեցի։