ՀԻՆԳ ՀԱԶԱՐԻ ԿԵՐԱԿՐՈՒՄԸ

Ամբողջ օրը Հիսուս խոսում էր ժողովրդի հետ։ Նրա ունկն­ դիրների մեջ միայն տղամարդիկ մոտ հինգ հազար էին, և ոչ քիչ կանայք և երեխաներ։ Հիսուս, ոչ միայն քարոզում էր, այլ նաև բժշկում էր իր մոտ եկող հիվանդներին։

Երբ մայրամուտը մոտեցավ, աշակերտներն ասացին Հի­ սուսին․

­ Վարդապե՛տ, մարդիկ քաղցած են։

Հիսուսը պատասխանի փոխարեն ժպտաց նրանց․

­ Դուք նրանց ուտելու բան տվեք։

­ Բայց որտեղի՞ց այդքան ուտելիք գտնենք, մենք միայն հինգ հաց և երկու ձուկ ունենք, ­ ասաց Փիլիպպոսը, ­ շրջա­ կայքում էլ մոտիկ բնակավայր չկա, որ գնանք և ուտելիք գնենք, մենք նաև այդքան փող չունենք։

Հիսուսը պատասխանեց․

­ Բերե՛ք ինձ հացերն ու ձկները։

Հիսուս վերցրեց հացերը, դրանց համար գոհացավ Աստ­ ծուց և խնդրեց Նրա օրհնությունը։ Ապա սկսեց կտրել հացերը և դնել զամբյուղների մեջ, որոնք աշակերտները պատրաստ պահում էին։ Նույն ձևով վարվեց նաև ձկների հետ։

Աշակերտները տրորեցին աչքերը։ Ինչ­որ մի բան այնպես չէր․ բոլոր զամբյուղները լցվեցին կերակուրով։ Եվ երբ նրանք այդ ուտելիքը բաժանում էին խումբ­խումբ նստած մարդկանց, զամբյուղները չէին դատարկվում։ Բոլորն էլ կերան ու կշտա­ ցան։

Ո՞վ է այս Հիսուսը։ Որտեղի՞ց է Նրա զորությունը, որ նման հրաշքներ է գործում։

­ Շրջե՛ք մարդկանց խմբերի միջով և հավաքե՛ք մնացած կերակուրը։ Ոչինչ չպետք է կորչի, ­ ասաց Հիսուս իր աշա­ կերտներին։

Երբ նրանք վերադարձան, ամեն մեկը կերակուրով լի մի զամբյուղ էր բռնել։

Մարդիկ, տեսնելով այս հրաշքը, ասում էին․

­ Սա ճիշտ այն մարգարեն է, որ պետք է գար աշխարհ։ Մարդկանց մեջ կային նաև մարդիկ, որ չէին հասկանում,

թե ի՞նչ է ցանկանում Հիսուսը։ Նրանք ասում էին․ «Եթե այս­ քան հեշտությամբ կարողացավ կերակուրը բազմացնել, ու­ րեմն եկեք նրան թագավոր կարգենք, և նա կհոգա մեր բոլոր կարիքները»։

Հիսուս իմացավ նրանց մտածումները։ Սակայն Ինքը դրա համար չէ, որ եկել էր աշխարհ։ Նա շտապ թողեց այդ վայրը և ժողովրդից թաքնվեց մի լեռան վրա՝ առանձին աղոթելու։ Մարդիկ ցրվեցին իրենց տները։ Նրանցից ոմանք հիաս­ թափվեցին։