İsa İflic Adama Şəfa Verir

Bir kişi dostuna dedi: “Xəbəri eşitmisən? Şəfa verən adam, İsa kəndimizə gəlib!”.

Dostu dedi: “Ağlına dostumuz düşdü? Amma o yeriyə bilmir. O, gedib İsanı necə görə bilər?”

Adam dedi: “Düşünürəm ki, onda onu ​​İsanın yanına mən özüm aparmalıyam”.

Bu ikisi, daha iki nəfərdən kömək istədi və çox keçmədən iflic olan dostlarının yanına getdilər. Onlar birlikdə dostlarını yatağa qoydular və dərhal İsanın qaldığı evə getdilər. Evin həyəti izdihamlı idi, lakin bir çox insan İsanı dinləmək və yaxından görmək istəyirdilər. Bu da İsaya yaxınlaşmağa mane oldu! İflic dostlarını daşıyaraq bu izdihamın arasından İsaya çata bilməyəcəkdilər.

Birdən adamlardan birinə fikir gəldi.

“Bir fikrim var! Gəlin dama çıxaq!” o qışqırdı.

Dostları dedilər: “Dama? Nə demək istəyirsən?”.

O da belə dedi: “Bu evin damı kirəmitdəndir. Kirəmitləri söküb dostumuzu yataqla birlikdə kəndirlə aşağı endirə bilərik”.

Onlar dərhal bunu tətbiq etdilər. Biri ləvazimat və kəndir almağa getdi. Digərləri iflici dama nərdivanla çıxartdılar. Damda deşik açmak bir qədər vaxt apardı. Deşik düz İsanın dayandığı yerin üzərində olmalı idi. Dostları iflici yataqla birlikdə damdan izdihamın ortasına, İsanın düz önünə endirdilər. İsa gülümsəyərək, damdakı adamlara, sonra isə iflic olan adama baxaraq tamamilə gözlənilməz bir şey dedi: “Günahlarınız bağışlandı”.

İsanın yanında duran ilahiyyatçılar və fariseylər qəzəbləndilər və düşündülər: “Günahları ancaq Allah bağışlaya bilər. Bu adam özünü kim hesab edir?”

İsa onların nə düşündüklərini bilərək onlara belə səsləndi: “Hansı daha asandır: «Günahların bağışlandı» deməkmi, yoxsa «Qalx, yeri» demək?”

Din alimləri yalnız Allahın günahları bağışlaya biləcəyini başa düşürdülər. İflicin günahlarının bağışlandığını söyləməklə İsa, bir əxlaq müəllimindən daha çox olduğunu sübut etdi.

İnsanlar belə düşündülər: “Amma iflicin günahlarının bağışlanacağından kim bu qədər əmin ola bilər? Əgər şəfa verə bilirsə, qeyri-adi bacarığa malik olmalıdır”.

İsa onların nə düşündüklərini bilirdi. Bu səbədən belə dedi:

“Günahların bağışlanmasını eşitdiyinizdə, Allah mənə təkcə şəfa vermək deyil, həm də günahları bağışlamaq səlahiyyəti verdiyini də dərk etməniz lazımdır”.

Sonra İsa iflic adama tərəf döndü və dedi: “Qalx, yatağını götür və evinə get”.

Adam dərhal ayağa qalxdı, tam sağaldı! Üzərində yatdığı yatağı və kəndirləri yığdı, sonra çaşmış kütlənin arasından keçdi. Adam İsaya səcdə etdi və Allahı izzətləndirdi. Hamı iflic adamın dostlarının xoşbəxt üzlərini görə bilirdi, evin damından möcüzəyə şahid olmuşdular.