Нарн болн Сар зогсв

Иерихонд юн болсинь ханаанск хаадуд соңсад, эдн негдәд Навина Иисусин болн израильск әмтнлә дәәллдхәр седнә. Гаваон балһснд бәәсн әмтн израильтянта бооца кев. Тавн хан энүг медәд, Гаваон балһс бүслв.

Балһсна әмтн Навина Иисусас нөкд сурцхав, тер олн цергчнрән авад хортнла ноолдхар һарв. Удлго негдсн ханаанск хаана цергчнр зулад гүүцхәв.

Деед Эзн эврәннь әмтнә төлә дәәлднә: теңгрәс хортна цергчнрин деер мөндр мет чолуд унв. Хортыг дииләд уга цагла, йир харуңһу болҗ йовхла Навин Иисус дуудна:

- Нарн, Гаваон деер зогс, чи, сар - тиньгр һазрт Аиалонск деер зогс!

Деед Эзн эн зальврһ соңсв. Израилин әмтн хортыг диилтл, өдр ут болҗ одв. Иим юмн хөөннь төрүц болсн уга. Дәврҗ йовлһна цагт Навин Иисус Израилин әмтнлә олн балһсд орулҗ авв, юңгад гихлә Деед Эзн эврәннь улстан дөң-нөкд кеҗ йовсмн.