Ай, хүн доктаап турупкан

Иерихонга чүү болганын дыңнааш, кожа чурттарның хааннары каттыжып алгаш, Нуннуң оглу Иисуска база Израиль чонунга удур демисежир деп дугурушкан. А Гаваон хоорай чурттакчылары Израиль чону-биле эвилелдежип алган. Ону дыңнааш, хоорайны беш хаан долгандыр бүзээлепкен.

Гаваон чону Нуннуң оглу Иисустан дуза дилээрге, ол аг-шерии-биле эвилекчилериниң дайзыннарынга удур демисежип үнүпкен. Хааннарның каттышкан шерии удаваанда дезипкеннер.

Дээрги Бурган база Бодунуң чону дээш демиселге киришкен: дээрден долу дег даштар дайзыннарның кырынче бадып турган. Кажан караңгы дүжер дей бээрге, а дайзын ам-даа дөгере тиилеттирбээн боорга, Нуннуң оглу Иисус чалбарып алгырган:

– Хүн Гаваон кырынга турувут, а ай сен – Аиалон шынаазынга доктаай бер!

Дээрги Бурган ол дилегни дыңнап каан. Хүн дурту израильчилер дайзыннарын дөгерезин узуткааже чедир узаан. Ындыг таварылга кажан-даа болуп көрбээн. Ол демиселде Иисус бодунуң аг-шерии-биле өске-даа хоорайларны база эжелеп алган, чүге дээрге Бодунуң чонунга Бурган дузалажып турган.