ДУ̊НИШМАНДЕН АЗ ШАРҚ

Тар шарқ тараф йи х̇а̄ ранден ду̊нишманден зиндаги чӯд. Wевен чӣзард дисга лу̊д? Ду̊н ҷа̄ т иде̂, wа̄ δен фана̄ илмен аз ху чӯд. Wев сар асоси кор дар борайи х̇ите̂рʒен вуд.

Wа̄ δен йи х̇а̄ б пи осму̊н чӯх̇тху, йакбораθен йи х̇ите̂рʒ wӣнт иде̂, wаманд а̄ м wам рух аз дига х̇ите̂рʒен лапди вудат, а̄ ми йа̄ аз wев фарқ чӯд. Wа̄ δен пиро аз ди дисга х̇ите̂рʒ ачаθ наwӣнт. Йа̄ соф йисохга вадат, тар дига х̇ите̂рʒен ачаθ му̊нанд навад.

Ба̄ ди Хуδой wевард лу̊д иде̂, йид наw х̇ите̂рʒ чӣзард пеδо сат: ми замӣнти йи ҷойанд Подх̇о аз на̄ н сут, ат wа̄ δ ду̊нишманден ага wам х̇ите̂рʒ да̄ мти ца тийен, йа̄ та wев ик тар wи ҷой йе̂ст. Wа̄ δен хушизор сат. Ба̄ ден ху тайори дараw чӣд сат, ат wи наw Подх̇ойарден мис фана̄ тӯфайен зох̇т.

Арчӣз wевард даркор ца вуд, зох̇тенху, тар пу̊нден δод.

Йид δар пу̊нд вуд, амо йа̄ х̇ите̂рʒ wев тар пиро тойдат, рухи δодат, wа̄ δен wам да̄ мти тойд.

Хелакен тойдху, оқибатарден тар муқадас х̇а̄ р Ерусалӣм фирӣпт. Wа̄δ ду̊нишманденен тар wи наw Подх̇о wӣнтоw ситироб вад, амо wа̄ δен фикр чӯд иде̂, Wита тар подх̇о дарбор wинен, ди ҷа̄ тен ба̄ д wитийаθ тарам сат.

Подх̇о Иродуси wитийаθ wев қабӯл чӯдху, баша̄ ндаθ муносибати wев қати чӯд. Йуйи аwқотхӣдти wев йатоw мақсад пех̇цтху, wа̄ δен мис дар борайи wам х̇ите̂рʒ wирд нақл чӯдху, лу̊ден иде, wам ма̄ нӣ Подх̇о таwалуд ситтоw. Ат охиру̊нен лу̊д иде̂, ма̄ ш бойад подх̇о дарборанд Wи wина̄ м, ди ҷа̄ там ба̄ д сар пиро тару̊д йат.

Иродуси wевард дисга луд̊ : «Тамет рост кор чӯд. Амо афсӯс, таруд̊ наwсуδҷин кӯдак ачаθ нист. Амо wузта Wи хи̇ кӣдоwард тамардйордамкинум. Мумамлакатанддун̊ ишмандодамензиндаги кинен, wузта wев йакҷо кинумху, wа̄ δта фукчӣзаθ мурд лув̊ ен».

Wи мамлакат олименат ду̊нишманденен ба̄ д ақу̊нийаθ х̇икӣдоwард йордам чӯд. Wа̄ δен дисга лу̊д: «Подх̇о бойад Байт- Ла̄ манд таwалуд су̊д. Йид Мико пайғубар китобанд нивишчин».

Иродуси ба̄ д wев ху хориҷи мему̊ненард фа̄ му̊нт: «Байт-Ла̄ м соф қарӣбаθ. Тама ага ба̄ д аз маδор ворҷен қати тар ҷанӯб тараф ца тийет, х̇у̊мардта тарам фира̄ пет. Фукаҷо баша̄ ндаθ х̇икарет, ат гах̇тет ди чӯд тар му хез во йадетху фукаθ мурд лу̊вет, ду̊н ҷа̄ т wуз мис хойих̇ум Wи наwсӯδҷин Подх̇ойард тӯфайен йосум».

Иродуси ди wахтанд ху δинду̊нзири байела̄ гӣр чӯд. Йу Wи Кӯдакард йичӣзаθ чида̄ кчӣд навуд, ат баракс чизӣд Wи сут. Амо wа̄ δ ду̊нишманденен дар борайи wи нийат нафа̄ мт.

Ба̄ ден аз подх̇о хезанд ба хушийаθ нах̇тойдху тар пу̊нден δод. Wа̄ δен тар Байт-Ла̄ м ца фирӣпт соф х̇у̊м вудат, х̇ите̂рʒенен мис осму̊нти дараw нах̇тӣд сат. Ду̊нишманденен wиду̊нд х̇ите̂рʒ дарӯнанд ик wам х̇ите̂рʒ мис wӣнт иде̂, пу̊нди wевард ца дивих̇т, ба̄ ден хушизор сат. Йа̄ wев тар пиро тойдат рухи δодху, ик wи ҷойанд йу Кӯдак ца вуд, йаманд гӣр сат. Wа̄ δен ба̄ д лу̊д: «Бойад ику̊данд вид, Ик тар ми чӣд! Хуδойи ма̄ шард пу̊нд дивих̇т!»

Wа̄ δен ба̄ д дед тар wи чӣдат, Йӯсуфи wев wӣнтху боwари начӯд, иде̂ дисга бой одамента тар wи чӣд йаден. Wийат Марйаманд ғал аз δар мамлакат ачаθ мему̊н навуδҷ. Wа̄ δ ду̊нишманден ба̄ д лу̊д: «Ма̄ ш Исроӣл наwсуδҷин Подх̇о х̇икара̄ м!»

Йӯсуфи wи Кӯдак дивих̇тху, лу̊ди: «Йиwу йу кӯдак, йу х̇овҷ»

Йид аҷойибард кор вуд иде, цара̄ нген дисга ду̊нишмандат ғула̄ одамен ʒуликик Исо хезанд ху чи зу̊н δодху, арра̄ нгХуδойард саҷда̄ ца кинен, wирден мис дисга саҷда̄ чӯд.

Ат ба̄ ди ди чӣз сут? Wа̄ δ ду̊нишманден ху қиматбао тӯфаен зиwостху Исойарден да̄ кчӯд. Wев қати тилойат, нуқра̄ йат, аррақамаθ хушбу̊й рӯғанен вуд.

Wа̄ δен ху тӯфаен да̄ кчӯдху, wи Кӯдакат, Марйамат, Йӯсуф

қатийен хайрихуш чӯд. Хуδойи х̇а̄ б йӣw аз wев ду̊нишманденард хӯδманд Иродус нийат ох̇кор чӯд. Йуйи ба̄ д ху ох̇ногу̊нард лу̊д: «Хуδойи хӯδманд му қати га̄ п δод. Йуйи лу̊д иде̂, подх̇о Иродусанд баша̄ нд нийат нист. Йу wи Кӯдакард тӯфа̄ чи да̄ кчӣд нист, ат баракс арчӣзца бар Wи чичӣд. Ди ҷа̄ т ма̄ ш бойад тар wи дарбор ма̄ са̄ wа̄ м».

Wа̄δен ба̄д азаманд тар ху wатан гах̇т чӯд, ат wи бера̄м подх̇ойарден налу̊д иде̂, wи Кӯдакен вирӯд. Wам йига ха̇ ̄ би Хуδой Йӯсуф қати мис хӯδманд га̄ п δод. Йуйи бойад ху ɣинат Пуц қати тар Миср рицӯсчат. Йӯсуф wитийаθ андӯйдху,МарйаматʒуликикИсойизохт̇ хуха̇̄биндитарпун̊ дδод.

ТоМисрйецпун̊ дδарвуд.Wа̄δенба̄дзиборафа̄мтиде,̂ Хуδойи wев аз ғула̄ хатар халос чӯд: Иродусанд ақун̊ и wи қа̄ р ди ҷа̄ т сифӣд иде,̂ wа̄ δ дун̊ ишманденен wирд йичӣзаθ налуд̊ ху тойден.

Йуйи ба̄ д ху одамен римод иде̂, Байт-Ла̄ мат wи гаргинӯх̇а̄ йард то δу сола̄ ғаδабуцен фукаθ зӣнен. Йуйи фикр чӯд иде̂, ик дитита wи наwсуδҷин Подх̇о мис зӣнен, амо Исо пигоθ тар бехатар ҷой тӯйд. Ба̄ д аз йичанд wахт Иродус мӯд.

Ба̄ д аз Иродус мӣдоw Хуδойи во Йӯсуфард йига хӯδм бох̇т иде̂, йаманд Фарих̇та̄ йат тар wи хез ху лу̊д иде, wи Кӯдакард аҷга хатар нист, ат wа̄ δ wа̄ рδийен тар Исроӣл гахт кинен.

Йӯсуфи во ху тайори чӯдху, Марйамат Исогайи зох̇тху тар ху wатан, тар Носира̄ йен гах̇т чӯд. Исойанд wи кӯдакийат йоши ик ди х̇а̄ ранд наɣҷӣд.