ХӢРАТ МЕ̂СТЕН ГӢР САТ

Канон подх̇ойенен х̇уд иде̂, тар Ериӯ чӣз га̄п сут. Wа̄δен ба̄д йакҷо ху чӯдху Нӯн пуц Йошуа̄йат Исроӣл мардум қатийен δе̂д чи чӣд вад. Ат Ҷибу̊н ну̊м х̇а̄р мардуми исроӣлийен қати суле̂ чӯд. Wа̄δ пӣнʒга подх̇ойен дар борайи ди фа̄мтху, wи х̇а̄рен гирд чӯд.

Ди х̇а̄р мардуми аз Нӯн пуц Йоуша̄ йордам хойих̇ чӯд. Йуйи ба̄д ғула̄ лих̇кар зох̇тху дух̇ман қати тар δе̂д нах̇тӯйд.

Канон подх̇ойенен ху лих̇кар йакҷо чӯдху исройӣлийен қатийен δе̂д чӯд, амо йичӣзаϑен нава̄рδодху, тезаϑен рицост.

Худоwанди мис Ху халқ ҷа̄т δе̂д чӯд: Йуйи аз осму̊н духманен лих̇кар тора жӣр разент. Йа̄ рӯз вега̄ сатат, амо дух̇ман ғал пура̄ нест навуд. Нӯн пуц Йоуша̄йи ба̄д хах̇аϑ қӣwд: «Е хӣр, ту ғал Ҷибу̊н ка̄лти гӣр сайат, е ме̂ст ту Айолӯн ка̄лти гӣр са!»

Худоwанди ба̄д wи дуо х̇уд. Ту̊нецен исроӣлийен ху дух̇манен фукаϑ нест начӯд, йа̄ рӯз тайор насат. Дисга wоқийа̄ ғал ачга навуδҷ. Йоуша̄йи ба ғайри ди исроӣлийен қати йила̄вга х̇а̄рен мис анҷӯвд, ду̊н ҷа̄т Худоwанди Ху халқард йордам чӯд.