ҚОБИЛАТ ОБИЛ

Хуδойи Одамат Аwо ай чӯдху, wа̄ δен дига боғард аз ваҷ зиндаги чӯд. Wеванден δу пуц сат – Қобилат Обил. Wевард мис wев та̄т Одам дастӯр wазмин ме̂нат насӣб сут.

Қобили де̂қу̊ни чӯдат, Обил чӯпу̊н вуд.

Ба̄ д аз ди Хуδой дисга тез-тез найатат,одамен қатийи га̄ п

наδод, арра̄ нг ар бийӣх̇т ца вуд.Амо йакборийи Йу одамен қати нақл чӯдат, иҷозат wеварди δод иде̂, ху хойих̇ Wирд лу̊вен.

Йакборен Қобилат Обил хойих̇ чӯд иде̂, Хуδойард қурбу̊ни кинен. Қобили аз ху замӣн осиланд қурбу̊ни чӯд, ат Обили қурбу̊ниҷойти баша̄ нд wа̄ ргбуц рибӯд. Худоwанд Хуδойи Обил қурбу̊ни қабӯл чӯдат, Қобиланди қабӯл начӯд. Хуδойта чост, иде̂ одамта цара̄ нгин дил қати тар Wи хез йоδд. Қобиланд wи дил баша̄ нд навуд. Wинд wи қа̄ р лап хах̇ сифӣд. Wи пӣц цӣх̇изор сут. Йуйи ху вирод қати қайти чӯд.

Хуδойи Қобил дил фа̄ мтху, имку̊нийати wирд да̄ кчӯд иде̂, фикр ких̇тху, ху фе̂л ба̄ с ких̇т. Йуйи аз Қобил пех̇цт: «Турд цади? Йакбор тар ху дил чис, йид хатаранд. Бади ту гаргинӯх̇а̄ , амо ар ху дарӯн wи ма̄ ла̄ к».

Амо Қобили Wи наниғух̇т. Йуйи Обил ҷиноw Хуδой жӣwҷ начӯд. Йуйи ху ду̊нд жӣwҷ чӯд.

Йуйи дар борайи Обил арцу̊нд лапди фикр ца чӯд, ду̊нга бадди wи қати сут. Йакбор ба̄ д са̄ ма̄ ҷин wоқийа̄ сут. Йи рӯзен wа̄ δ ар зимц вадат, Қобил ху виродти ниδӯвдху зӣди wи. Обилхӯн зима̄ δард тихӣрм сут. Дунйоти йакумӣн одам Обил мӯд. Қобили ху бадкирдори қати ху вирод зӣд. Ба̄ д аз дийи Хуδой Қобилард лу̊д: «Ту вирод Обил ка̄ йи?»

Қобили бадқа̄ рwораθ лу̊д: «Нафа̄ мум, wузум ху виродти пайра̄ нист». Хуδойи wирд луд̊ : «Wузум wӣнт, ту вирод хӯн зима̄ δард ца тӯйҷ. Wузта ди кор ҷа̄ т ҷазо ту δа̄ м, дун̊ ҷа̄ т тут ла̄ кчӯд иде,̂ гуно тути ғалаба̄ кихт̇ . Тута ху хун̊ а̄ ла̄ киху, тар бегун̊ а̄ мулкта са̄ wи, дойимаθта саргарδун̊ са̄ wийат, йичондийаθта тунд осойахи̇ насуд̊ ».

Ик wи ҷойанди Хуδой Қобил қати га̄ п ца δод, йу азаманд тӯйд.

Дисгайен Одамат Аwо ху варθ пацен аз даст δод, ду̊н ҷа̄ т Қобил аз wев хезанд δари зор тӯйдат, Обил мӯд. Тасаwур хурд чӣдоw набофт иде̂, wа̄ δен цара̄ нг Обил нӣwд! Амо мӯмкин wа̄δен дар борайи Қобил бадкирдори фикр чӯдху, wитийен лапди нӣwд. Wа̄δен чӣзард шайту̊н га̄п ниғух̇тху, ик wам меwа̄ ен хӯд иде̂, йа мӯмкин ца навад? Wа̄ δен дисга ца начӯҷат, а̄ м wев муносибат Хуδой қати тайор насуδҷат, а̄ мен Адан боғанд хушбахтаθ зиндаги чӯҷат, Қобил бадкирдор насуδҷат, ат Обилга зинда̄ реδҷат.

Ба̄ д аз йичанд wахт Қобили ɣин вӯдху, wинден зирйотен сат. Wа̄ δен баддилат, бера̄ м вад, Хуδойен жӣwҷ начӯдат, наниғухт̇ ен Wи. Амо Хуδойи Одамат Аwоти ра̄ м чӯдху, wеварди йига пуц да̄ кчӯд. Wи нум̊ Шет вудат, йу Хуδойард wафодор вуд. Одамат Аwойардйидлапхах̇баша̄ндвуд,дун̊ ҷа̄тwа̄δенфа̄мтиде,̂азҚобил наслийандта Наҷотδа̄ δӣҷ насуд̊ . Шет зирйотенен Хуδой жӣwҷ чӯд.

Ба̄ д аз дийен замӣнти δу аwлод зиндаги чӯд: Қобил зирйотенат, Шет зирйотен. Китоби Муқадаста Шет зирйотен Хуδой насл лу̊вдат, Қобил зирйотента одам насл лу̊вд.