ТАР МИСР

Wа̄ δ саwдогаренен Йӯсуф тар Миср вӯдху Фу̊тифар ну̊м одамарден wи парδод. Фу̊тифари фираwн дарборанд кор чу̊д, йу пайрайен хӯҷайӣн вуд. Йӯсуфи тезаθ мисри зив аз ху чӯд, йу фук коранд қобил вуд. Ба̄ д аз йичанд рӯз йу Фу̊тифар чӣданд ғулу̊мен хӯҷаин сут. Йӯсуф хуш сут иде̂, Хуδойи ди бегу̊на̄ мулканд мис wи чӯх̇тат йордами wирд чӯд. Фу̊тифар чӣданд ғулу̊мен хӯҷаин сут.

Йӯсуф хуш сут иде̂, Хуδойи ди бегу̊на̄ мулканд мис wи чӯх̇тат йордами wирд чӯд. Фут̊ ифар хубаθ баша̄нд хӯҷайӣн вуд, ат wи ɣин бадкирдор одам вад. Йи рӯз Фут̊ ифар чӣдард навудат, йа̄ йи Йӯсуф ик дисга коранд айбдор чӯд иде,̂ wинд дар борайи wи фикр мис навуд. Диҷа̄ тен ба̄ д wи ар зиндун̊ питеŵ д, амо Хуδойи арам мис wи чӯхт̇ . Зинду̊н хӯҷаӣни чӯх̇т иде̂, Йӯсуф баша̄ нд одам вуд, ба̄ ди фук бандийен wирд сипорт. Йи х̇а̄ бен δу банди, подх̇о соқийат

wи гарδапӣʒӣҷ хӯδм wӣнтху, wев зорδти ғалч сут.

Йӯсуфи wевард луд̊ : «Ху хӯδмен мурд нақл кинет. Ага Хуδойта wев ма̄ нӣ мурд ма̄ лум ца кихт̇ , wузта тамард йордам кинум». Wа̄ δен ба̄ д ху хӯδмен wирд нақл чӯдху, йуйи тезаθ wев ма̄ нӣ фа̄ мт, ду̊н ҷа̄ т Хуδойи Хубаθ Йӯсуфард wев та̄ бӣр δод.

Ба̄ д аз йичанд wахт, аз ди зинду̊н δарди, йи хушрӯй чӣданд, йига чорики мис аҷойиб хӯδмен wӣнт: йид Миср подх̇о, йа̄ ни фираwн вуд. Йуйи хӯδм wӣнт иде, аз Нӣл дарйойанден wӯвд жоw нах̇тӣц. Wа̄ δен фарбийат бақуwат вадат, дарйола̄ варден чаро чӯд. Ба̄ ден аз дарйойанд вога мис wӯвд жоw нах̇тӣц, амо wа̄ δен ик дисга хароб виц иде̂, wев пе̂рʒенен йисоб чӣд бӣфч. Ба̄ ден wа̄ δ хароб жоwен wев фарбийен хӯҷ, амо дитийен мис фарби насиц.

Ба̄ д фираwн ага̄ сут, амо тезикаθво тархӯδм δодху, йига хӯδми wӣнт. Мам пӣδи хӯδманд йи wох̇ wӣнт иде̂, wитийен wӯвд хух̇а вад. Wа̄ δ хух̇айенен ғула̄ вадат лапаθ δу̊нҷ wев дарӯн вуд. Ат йакбораθен wӯвдга хух̇а̄ нах̇тойд, wа̄ δен а̄ м қоқат а̄ м холи вад. Ба̄ ден ик wа̄ δ холи ца вад wев пур хух̇айен хӯд. Йид лапса̄маҷин хӯδмвуд.

Подх̇о ага сут, йу хах̇ носойах̇ вудат, wи тана̄ йард шито ара̄ қ тӯйд. Йуйи фа̄ мт иде̂, дев хӯδменанд арчӣзцага ма̄ нӣ йаст, амо йуйи wи нафа̄ мт.

Фираwни лап фикр чӯд, амо пи дев хӯδмен ма̄ нӣ сарфа̄ м насут. Ба̄ ди римод иде̂, Миср ду̊нишманден фукаθ тар дарбор йаден. Wа̄ δен ҷа̄ м сатху, фираwни ху хӯδмен wевард нақл чӯд. Амо аз wеванди йича̄ йаθ wев хӯδмен ма̄ нӣ нафа̄ мт. Фираwн қа̄ р сифӣдху, фукаθи wев ай чӯд. Ди wахтанди йи ку соқи иде̂, δу сол тар пиро Йӯсуф қати ар зинду̊н ца вуд, wи байоδ δод иде̂, Йӯсуфи ар зинду̊н wи хӯδм та̄ бӣр δод. Йу соқийи дар борайи ди фираwнард нақл чӯд. Йуйи ба̄ д wитийаθ римод иде̂, Йӯсуф тар wи хез вен. Йӯсуфен вӯдху, фираwни лу̊д: «Ту хӯδмен ма̄ нӣ лу̊вдоw ва̄ рδийийо?» Йӯсуфи wирд ҷаwоб δод: «Най, wуз хубаθ нава̄ рδӣм, wев ма̄ нӣ фа̄ мтоwардта Хуδой мурд йордам ких̇т».

Ба̄ди фираwн ху хӯδмен wирд нақл чӯд. Йӯсуфи wирд дисга лу̊д: «Дев варθ хӯδманд йи ку йи ма̄ нӣ. Wев wӯвд фарби жоwат, wӯвд пур хух̇айанд wев ма̄ нӣ ик дис иде̂, Мисрийандта wӯвд сол серийат пури су̊д. Ат хароб жоwенат қоқ хух̇айен, йид йа̄ ни ба̄ ди wӯвд соли серийат пурита wӯвд сол маɣʒу̊нҷи су̊д. Маɣʒу̊нҷита ду̊ндард хах̇ су̊д иде̂, ба̄ ди йичанд wахта аз wи пироки серийат пури ну̊мат них̇у̊н мис нарист. Ат дев δу хӯδманд ду̊нҷа̄ т йӣwаθ ма̄ нӣ иде̂, гуйо ар чӣзум шич турд ца лу̊д, Хуδойта укмандаθ ди иҷро ких̇т».

Йид га̄ п фираwнард лап хах̇ зақах̇ сутху, пех̇цти: «Ат ик ви бадбахтийард иде̂, ма̄ ш мамлакат тора чи йат ца, йичӣзаθ йилоҷ нисто?» Йӯсуфи wирд ҷаwоб δод: «Йилоҷ йаст, маɣʒу̊нҷита укмандаθ су̊дат, амо ту бойад wирд тайори кини. Ту йи ду̊нишманд одам вириху, ди ках̇т фукаθ wирд сипор. Йу бойад ик ди wӯвд соланд wи зийоти ках̇т ҷа̄ м ких̇тху, махсӯс ҷойанд wизахӣра̄ ких̇т. Ба̄дта хух̇ксоли мис ца су̊д, ках̇тта фана̄ рист».

Да̄ δ га̄ пенен фираwнард хуш йат. Йу аз ху ҷойти андӯйдху Йӯсуфарди лу̊д: «Хуδойи турд дисга ақлийат хирад ца да̄ кчӯҷ, пас аз ту ду̊нишмандди йича̄ йга нист. Му халқта фукаθ ту га̄ п ниғу̊ɣд. Wузта ми Миср замӣнанд ту хӯҷайӣн не̂δум. Wузта фақат тахти подх̇ойинди ду̊нд аз ту биланди са̄м».

Ди ҷа̄ ти ба̄ д фираwн ху чила̄ аз ху δустти зох̇тху, ар Йӯсуф ангих̇ти wеδд. Ба ғайри дийи қиматбао луқен wирд пинӯйдат, ар wи ма̄ ки тилойи ɣинʒелак wеδд. Фираwни Йӯсуфард ворҷат ароба̄ да̄ кчӯдху, фукаθ одаменен wирд дичор ца сат бойад ху ка̄ лен wирд хамбенчат.

Фираwни ба̄ д Йӯсуф мисрийанд хӯҷайӣн неδ̂ д. Йӯсуфи ди мамлакат укмрун̊ и бар ху ца зохт̇ , йуйи бойад фана̄ кор чӯҷат. Йуйи римод фукаҷо кахт̇ ард ғула̄ амборен мозен. Йуйи ху wахт айшат майишат қати нанаɣʒимт, ат фук wахти халқ ҷа̄т мен̂ ат чӯд. Йӯсуф аз Хуδой лап хах̇ минатдор вуд, дун̊ ҷа̄ т Хуδойи йи аҷойиб пун̊ д қати аз зиндун̊ анд wи озод чӯд. Амо йуйи wи қиматбао луқат, ғула̄ мансаб ҷа̄т хуши начӯдат, ат ди ҷа̄т иде,̂ ва̄рδоди мардумард фана̄ хизмат кихт̇ ат, аз маɣʒун̊ ҷи wев халос кихт̇ .

Ба̄ д аз йичанд wахти Йӯсуф ɣин вӯдху wинден δу пуц сат. Йуйи тез-тез ху мӯйсафед-та̄ т йоδ чӯдат, хойих̇и чӯд йи wахтво wӣнт wи. Йуйи ху вирода̄ р мис йоδ чӯдат, умеδ wинд вуд иде̂, wа̄ δен аз ху бадкирдори х̇ему̊н сат. Йӯсуфанд wи вирода̄ р қати кӣн навуд. Йуйи фа̄ мт иде̂, йид хости Хуδой вудху, йу амчун ғулу̊м тар Миср парδоδҷак сут.

Хуδойи ди ҷа̄т ик ди кор чӯд иде,̂ ла̄к аз ойанда̄ найинки мисрийен дун̊ д, ат ла̄ к Йа̄ қӯб а̄ ли ойила̄ мис аз маɣʒун̊ ҷи ма̄ марен.