ОФАРИНИХ̇И ОЛАМ

Сар пиройи Хуδой замӣнат осму̊н офарӣд чӯд. Йуи мам ҷау̊н бе йичӣзаθ, Ху Калӣма̄ қати офарӣд чӯд. Дита йича̄йаθ нава̄рδед, фақат Хуδой ду̊нд! Ди ҷа̄та ма̄ш Хуδой офарӣдгор лу̊ва̄ м.

Китоби Муқадас, иде̂ Хуδойи wам одаменард ца да̄ кчӯд, дар

борайи дита нақл ких̇т. Йакум рӯзанди Хуδой лу̊д: «Ла̄ к рух̇нойи су̊д», ба̄ д рух̇нойи сут. Ба̄ ди Йу рух̇нойи аз торики ҷидо чӯдху, рух̇нойийарди рӯз ну̊м δодат, торикийард х̇а̄ б. Х̇а̄ бат меθен пис йакдигараθ йат, ара̄ нг нур рӯзанд ца. Дуйум рӯзанди Хуδой х̇ац тартӣр аwо офарӣд чӯдху, wи ну̊ми осму̊н δод. Йуйи дисга чӯд иде̂, йи қисми х̇ац ла̄ к ар замӣн видат, йи қисмга пи осму̊н абрийен дарӯнанд вид. Ба̄ ди Хуδой фукаҷо аwо пур чӯд, нур рӯзанд ма̄ ш wи нафас ца та̄ жа̄ м.

Сейум рӯзанд Хуδой га̄п қати х̇ац дарӯнанд хух̇ки пеδо сут, ат х̇ацарди Хуδой курц ҷойен тайора̄ чӯдху, йа̄ арам ҷа̄ м сат. Хуδойи хух̇кийард замӣнат, х̇аценарди ба̄ р ну̊м δод. Амо Хуδойи wӣнт иде̂, замӣн цара̄ нг холийат безеб. Ди ҷа̄ ти ба̄ д лу̊д: «Аз замӣнанд бойад wох̇ат дирахтен ру̊й δийен». Ба̄д wитийаθ фана̄ растанийенен ру̊й δод. Замӯна дигаргӯнат хушрӯй сат! Растанийенен ту̊ғм да̄ кчӯдху, аз wинди во наw растанийенен ру̊й δод. Меwа̄ йен дарӯнанден мис ту̊ғмен вадху, аз wеванден наw дарахтен ру̊й δод.

Чорум рӯзанди Хуδой Хӣрат, Ме̂стат, х̇ите̂рʒен пеδо чӯд. Офарӣдгори дис чӯд иде̂, Хӣр ар са̄ раки па̄ л чӯдат, вега̄ ра нӯст. Х̇а̄ баҷевта торик су̊дат, ма̄ шта х̇офцам. Амо амри Худоwанд қати ме̂стат х̇ите̂рʒента х̇а̄ бинди рух δен, ди ҷа̄т х̇а̄бинди мис wӣнтоw мӯмкин. Пи осму̊н ду̊ндард лап х̇ите̂рʒ иде̂, ма̄ ш wев йисобчӣд нава̄ рδийа̄ м. Шич аз рӯйи хӣрат ме̂ст рӯзенат, ме̂стенат солен йисоб чӣдоw бофт. Хуδойи wахтат заму̊н дисга ҷо ба ҷо чӯд иде̂, арра̄ нг Wи нақша̄ йанд ца вуд.

Панҷум рӯзанди Хуδой ҷу̊нwарен офарӣд чӯд. Йуйи лу̊д: «Ла̄ к ар фукаθ х̇ацен ҷу̊нwарен вийен!» Ба̄ д ик дити сут. Хуδойи ғула̄ кӣтенат, аррақамаθ мойийен офарӣд чӯд иде̂, wа̄ δен ба̄ р дарӯнанд тез аракатат х̇иноwари чӯд. Йуйи ар ба̄ р фук ҷу̊нwарен, аз ғулайандху то соф ʒул-ʒуликец офарӣд чӯд. Хуδойи дис лап арчӣзаθ офарӣд чӯд иде̂, йу фукаθ йисобчӣд набофт!

Аwонди мис зиндагийат садо пеδо сут. Хуδойи азор рақам паранда̄ офарӣд чӯд. Wа̄ δен осмун̊ ва савʒи тартӣр риwахт̇ ат, дарахтенат зима̄ δтейн ностху ху да̄ мен δодат серен ху чӯд. Ба̄ ди Хуδой фук айwун̊ енард баракат δодху, луд̊ и: «Лапаθ буц ветат, лапи зор сет!» Йуйи хойих̇ чӯд ла̄ к фукаθ мойийенат, айwун̊ енат, парандайен наслдор вийен. А̄ м замӣнтийат, а̄ м аwойандат, ам ар ха̇ цдарӯнзиндагийатсаргарδун̊ исарсут.Дисгапанҷумрӯзнаɣҷӣд.

Ба̄ д шашум рӯз дед. Хуδойи дис чӯд иде̂, ла̄ к замӣнти соф лапди ҷу̊нwарен пеδо сен: а̄ м ху̊наги айwу̊ненат, а̄ м wа̄ шийат, а̄ м чихӣҷакенга. Жоwенат, ворҷенат, хӯгенат, филенат, пала̄ нгенат, шеренат, меминакенат,фана̄ га айwу̊ненен зима̄ δти ху ҷой вирӯд. Ба ғайр wевен цу̊нд рақам дивӯскенат, чилбе̂скен пеδо сат. Ат йичиду̊м айwу̊н тар йига му̊нанд навуд.

Ик дитийи Хуδой ху корен қарӣб фукаθ тайор чӯд.

Осму̊нат, замӣнат, хӣрат, х̇ите̂рʒенат, растанийенат, дарахтенат, мойийенат, парандайенат, айwу̊нен пеδо сат. Замӣн лап аҷойиб сут! Амо офарӣних̇анд ақу̊ни чӣз одам вуд иде̂, Хуδой ҷиноw офарӣд ца сут.

Аwали Хух̇ой аз ситанд чорик офарӣд чӯд. Ба̄ ди Офарӣдгор Ху нафас қати wирд ҷу̊нат ақл да̄кчӯд. Одами ва̄рδод фикр ких̇тат, кор ких̇тат, Хуδой қати га̄п δӣд. Йуи ва̄ рδод дар борайи хуйат, дар борайи ху гирдат наwо фикр ких̇т. Йуйи ва̄ рδод хушинди шу̊нтат, хафагинди ну̊д. Йуйи дар борайи ху Офарӣдгор фикр чӯдху, фа̄ мти иде̂, Хуδойи wи цара̄ нг жӣwҷ. Wи ну̊м Одам вуд.

Хуδойи Адананд боғ мӣздху, Одами йаманд барҷой чӯд. Йид бийӣх̇т вуд! Аз Адананд дарйо тойд иде̂, йа̄ бийӣхт х̇ацδе̂дард истифода̄ сат. Йа цавор қисмард тақсӣм сат: Фишӯн, Ҷайӯн, Йидақӣл, Фурот. Хуδойи Одамард лу̊д иде̂, wи боғ чост. Йид кор одамард қӣн навуд, баракс, йид wирд хуш йат. Хуδойи wирд а̄м қуwатат, а̄м ақлат хирад да̄кчӯд, ла̄к йу ди фукаθ офарӣних̇ баша̄ ндаθ чост. Ба ғайр дийи Хуδой wи римод иде̂, фук айwу̊ненард ну̊м δӣд. Одами wи га̄ п иҷро чӯд. Йу лап хуш сут иде̂, фукаθ ҷӯнwаренарди ну̊м ца вирӯд.

Амо дӯс-дӯсик қӣн мис йу сут. Йакбори Одам ба̄ ди кор ху

да̄ ми δодху, дар борайи дийи фикр чӯд: «Хуδойи лап арчӣзаθ мурд да̄ кчӯд, пас Йуйи жӣwҷ му. Мӯмкин Хуδой ди мис фа̄ мт иде̂, мунд фукчӣзаθ йастат, амо wуз ху тоқа̄ йис кинум». Одам ик дев фикрийен қати хах̇аθ тархӯδм δод.

Йу ага̄ сутху, айру̊н-айру̊н ху цемен дараw δустδе̂д сут. Wи пиронди ɣиник wирӣвʒин вад. Йуйи ху зорδанд лу̊д «Дигайум wуз тоқа̄ θ нист! Хуδойи мурд ɣин ца да̄ кчӯд, лап баша̄ нд кор сут! Wузат йа̄ та фук wахт йакҷойаθ риса̄ м».

Одамат Аwойен боғард лапаθ сайл чӯдат, фана̄ наw чӣзенен wӣнт. Фақат мобайни боғанден ду̊нд баатйот вад. Йаманден δу аҷойиб дарахт вад. Хуδойи дев дарахтенард хубаθ ну̊м δод. Йа йӣw «дарахти зиндаги» вадат, йа йига «дарахти фа̄ мих̇и некийат бади». Амо Хуδойи одам аз дарахти фа̄ мих̇и некийат бадити меwа̄ хӣдоw нала̄ кчӯд.

Одаменен хушбахт вад. Хуδойи wӣнт иде̂, Одамат Аwойанд йакдигарфа̄ ми йастат, йакдигарен жӣwҷ, ди ҷа̄ т Йу мис розӣ вуд.

Дисга шашум рӯз мис наɣҷӣд.

Хуδойи фукаθ ху корен тайор чӯдху, чӯх̇ти арчӣзи Йу ца чӯҷ, фукаθ лап баша̄ нд вуд. Худоwанд аз ху офарӣних̇ розӣ вуд. Фукчӣзаθ хушрӯй вуд. Фукаҷо рух̇нойийат тоза̄ аwо вуд, замӣн фукаθ савʒеʒ чӯд. Меθини хӣр фукаҷо рух̇нойи чӯдат, х̇а̄ би ме̂ст рух δод. Парандайенат, айwӯненат, дига ҷу̊нwаренен хушбахт вадат, йичирден зарар начӯд, амо сар хушбахтен Одамат Аwо вад, ду̊н ҷа̄ т wа̄ δен а̄ м йакдигар қатийат, а̄ м Хуδой қати га̄ п δодат, ситоwах̇ен Wи чӯд.

Афтум рӯзанди Хуδой йичӣзаθ офарӣд начӯд, Йуйи ху да̄ м δод. Хуδойи дам рӯзард баракат δодху, муқадаси дам лу̊д. Ик дити ба̄ д йид да̄ мδе̂д меθ махсӯс рӯз сат. Зибойарди ба̄ д Худоwанд Ху халқ римод иде̂, афтум рӯзанд, йа̄ ни охиру̊н рӯзи афта̄ йанд ху да̄ м δен. Ба̄ д аз ди бойад дам рӯзанд фукаθ иму̊ндорен дар борайи ху Офарӣдгор фикр киненат, ситоwах̇ Wи киненат, хизмат Wирд кинен.

САWОЛЕН

1) Чӣзард Хуδой Офарӣдгор лу̊вен?

2) Фарих̇тайенат одамен ва̄ рδийено аз йичӣзандаθ йичӣз офарӣд кинен?

3) Хуδой асоси офарӣда̄ ча̄ й вуд?