Фома саарбаҕалааһына

Иисус биир чугас үөрэнээччитэ Фома Үөрэтээччилэрэ кинилэргэ көстөн Бэйэтин баастарын көрдөрөрүгэр суох этэ. Сарсыҥҥы күнүгэр доҕотторо Фоманы көрсөн туох буолбутун олус үөрэн туран кэпсээбиттэригэр кини төбөтүн илгистибитэ.

— Мин эһиэхэ итэҕэйбэппин, — диэбитэ кини. — Баастарын таарыйан көрдөхпүнэ эрэ итэҕэйиэм.

Фоманы «саарбахтыыр» диэн ааттыыллар, тоҕо диэтэр, кини Иисуһу бэйэм көрө иликпинэ итэҕэйиэм суоҕа диэбитэ. Иисус илиитигэр баар тоһоҕо суолугар тарбахпын уктахпына, ойоҕоһугар үҥүү түспүт сиригэр илиибин уктахпына эрэ итэҕэйиэм диирэ Фома, ыйааһыннаах дакаастабылы ирдиирэ.

Нэдиэлэ ааспытын кэннэ үөрэнээччилэр өссө биирдэ мустубуттара.

Иисус уруккутун курдук эмиэ кинилэргэ эмискэ көстүбүтэ.

— Эйэ буоллун эһиэхэ! — эҕэрдэлээбитэ Кини.

Ол кэннэ Иисус Фомаҕа илиитин ууммута:

— Бу бааллар мин баастарым, Фома. Таарыйан көр! Саарбахтаабакка итэҕэйэр буол, Таҥараҕар эрэн, — диэбитэ Кини.

Фома саарбаҕалаабытыттан уонна эрдэ эппит тылларыттан кыбыстан, тиллибит Быыһааччытыгар тапталынан туолан, Иисуска сүгүрүйбүтэ уонна долгуйбут куолаһынан:

— Айыы Тойонум уонна Таҥарам! — диэбитэ.