İsa Səhrada Sınağa Çəkilir

Şeytan həmişə Allahın Oğlunun ən pis düşməni idi. İsa Məsih, şeytana qarşı güclü bir savaşa girdi. İsa, İordan çayında Səmavi Atadan əmr aldıqdan sonra xidmətinə başlayanda savaş da başladı. Allahın iradəsinə görə İsa, Müqəddəs Ruh tərəfindən səhraya aparıldı. Burada şeytanla qarşılaşacaqdı!

İsa səhrada qırx gün qırx gecə oruc tutdu. Bütün bu günlər ərzində nə yedi, nə də içdi.

İnsanları daim günaha sövq edən vəsvəsə edən, yəni şeytan, İsanın yanına gəldi. O, indi aclıqdan huşunu itirmək üzrə olan İsanı aldatmağı planlaşdırmışdı. O, düşünürdü: “İsa günah etsə, heç vaxt başqalarının günahlarını üzərinə götürə bilməyəcək”. Şeytanın məqsədi insanları qurtuluşdan tamamilə məhrum etmək idi.

Şeytan belə dedi:

“Əgər sən Allahın Oğlusansa, bu daşa əmr et ki, çörəyə dönsün!”

Amma İsa cavab verdi: “İnsan yalnız çörəklə deyil, Allahın ağzından çıxan hər kəlmə ilə yaşayar”.

Şeytan bu sözə cavab tapa bilmədi. Sonra yenidən Məsihi sınamağa çalışdı. O, İsanı yuxarıya çıxartdı. Ona dünyanın bütün səltənətlərini və mal-dövlətlərini göstərdi. Şeytan təkəbbürlə dedi:

“Əgər mənim qarşımda diz çöksən və mənə səcdə etsən, hamısı sənin olacaq.”

İsa buna belə cavab verdi:

“«Allahın Rəbbə səcdə et və yalnız Ona ibadət et!» deyə yazılmışdır.”

Bundan sonra şeytan İsanı Yerusəlimə apardı. Onu məbədin qülləsinə qoydu. Ona şirin dillə dedi:

“Əgər sən Allahın Oğlusansa, özünü buradan aşağı at. Çünki yazılıb: «Allah Sənə görə mələklərinə əmr edər ki, Səni qorusunlar. Səni əlləri üstündə aparsınlar, ayağın bir daşa dəyməsin»”.

Rəbb İsa iblislə daha çox mübahisə etmək istəmədi, çünki iblis Müqəddəs Yazılardan sui-istifadə edib səhv izah edirdi. O, Müqəddəs Yazılardan ayələrlə belə cavab verdi: “Allahın Rəbbi sınama!”

Məğlub olan şeytan, İsanı tərk etdi.